Kapitali 16

Jehovamut pallorfiginnin­nermik ilungersuutigin­ninneq

JESUSIP af­farmik qatan­ngutai Jakobimik, Josefimik, Simonimik Judamil­lu ateqar­put. Taak­kua Jesus ajoqersugaalu ilagalugit Kaper­naumimut, il­loqarfim­mut Galilæap Tasersuata eq­qaaniit­tumut, aal­lan­ngin­nermin­ni qular­nan­ngitsumik Nazaretimi angerlarsimaf­fim­min­neeq­qaarsimap­put nas­satas­satik pisariaqar­tut ilaqut­tamik poor­tor­nias­sam­matigik.

Soorliuna Jesusip Kanami, Nazaretimi Galilæamiluun­niit oqaluus­sinini ingerlatiin­nan­ngik­kaa Kaper­naumimut aal­larani? Kaper­naum pitsaanerusumik inis­sisimaf­feqarmat il­loqarfialu an­nerul­luni. Ajoqersuk­kamilu amerlanersaat Kaper­naumimi eq­qaaniluun­niit najugaqarmata, taamaat­tumil­lu angerlarsimaf­fitsik qiman­ngik­kaluarlugu Jesusimit ajoqersor­neqarsin­naal­lutik.

Kaper­naumimiitil­lutik Jesus arlaleriarluni tupin­nar­tulior­tar­poq, qaam­matil­lu arlaqar­tut qaangium­mata tamak­ku eq­qar­tor­pai. Er­niin­narli Jesus ajoqersugaalu angalaq­qiler­put. Uper­naajuvoq, ukiumi 30-mi, Jerusalemimul­lu ingerlaar­put poorskisioqataajar­torlutik. Tas­saniitil­lutik ajoqersugaasa qular­nan­ngitsumik sior­natigut takusiman­ngisaan­nik Jesus iliuuseqar­poq.

Guutip inatsisai naaper­torlugit israelik­kut uumasumik pil­liuteqar­tar­tus­saap­put. Pil­liuteqariar­tor­tut iluarusutsik­kumal­lugit tamatumun­nga atatil­lugu niuer­tut uumasunik tim­mis­sanil­lu tuniniaarrat­tar­put. Niuer­nerli taman­na naalaf­fiup iluani pisar­poq, inuil­lu akisunaarif­figinerisigut uukapaasiarineqar­tar­put.

Jesus kamangaarluni iperaatsior­poq niuer­tul­lu aniatil­lugit. Aningaasanik taarsiisar­tut aningaasaataat kuerar­pai nerriviilu up­pikaatil­lugit. „Tamak­ku an­nis­sigik!“ tuinik tuniniaasar­tut suaar­pai. „Ataatama il­lua niuer­tarfin­ngor­teqinasiuk!“

Jesusip ajoqersugaasa taman­na takugamik­ku, Guutip er­nera pil­lugu siulit­tuutaasimasoq eq­qaavaat: „Il­lun­nik ilungersuutigin­nin­nerma nungutiler­paanga.“ Juutil­li aperip­put: „Taamaalioravit nalunaaq­qum­mik qanoq it­tumik takutis­savisigut?“ Jesusip akivai: „Naalaf­fik man­na ingutsersiuk, taava ul­lut pingasut naatin­nagit nap­par­teq­qik­kumaar­para.“

Juutit isumaqar­put Jesusip naalaf­fivik pigaa, taamaat­tumil­lu aperaat: „Ukiut [46-t] naalaf­fik man­na sanavaat il­lil­lu nap­par­teq­qik­kumavat ul­lut pingasut naatin­nagit?“ Jesusil­li ’naalaf­fim­mik oqarami timini pivaa’. Ukiut pingasut qaangiut­tut toqusunit makim­mat, ajoqersugaasa oqaasii taak­ku eq­qaavaat. Johannes 2:12-22; Mattæus 13:55; Lukas 4:23.

▪ Kanami katit­torsior­tuneereerami Jesus sumun­nar­pa?

▪ Sooq Jesus kamaler­pa, qanorlu ilior­pa?

▪ Taamaalior­toq takugamik­ku Jesusip ajoqersugaasa suna eq­qaavaat?

▪ „Naalaf­fik man­na“ pil­lugu Jesus qanoq oqaaseqar­pa, qanorlu isumaqarluni taama oqar­pa?