Kapitali 10

Jerusalemimukar­tarnerit

UPER­NAAJUVOQ. Pif­fis­san­ngor­poq Josefip ilaqutaasalu, ikin­ngutitik eq­qarlitil­lu ilagalugit, ukiut tamaasa pisar­nermis­sut poorskisioriar­torlutik Jerusalemimukar­nis­saan­nut. Kilometerit 100-t mis­saan­ni isorar­tutigisoq angalaf­figis­sal­lugu aal­laramik tamarmik pisar­nermis­sut pis­sangarrap­put. Ingam­mik Jesusip, taamani 12-inik ukioqarluni, poorskisior­nis­sar­tik qilanaareqaa.

Jesusimut ilaqutaanul­lu poorski ul­loq ataasiin­naan­ngilaq. Aam­ma ul­lut arfineq-marluk tul­liut­tut Jerusalemimiik­kal­lar­tar­put, ul­luni seer­naqan­ngitsunik timiusar­torfiusuni, poorskimut atasutut isigisamin­ni. Taamaat­tumik najuk­kamin­nit, Nazaretimit, Jerusalemimut utimul­lu angalanerat Jerusalemimiin­nerat ilan­ngul­lugu ataatsimut sapaatit-akun­nerisa marluk mis­saan­ni sivisus­suseqarajut­tar­poq. Ukiorli man­na Jesusimik pisoq pis­sutigalugu sivisunerulaar­poq.

Jerusalemimit angerlamut aq­qutaani ajor­nar­torsiut saq­qum­mer­poq. Josefip Marial­lu naatsorsuutigaat Jesus ikin­ngutit eq­qarlil­lu angalaqataasut akor­nan­niis­sasoq. Un­nuis­sal­lutil­li unil­lak­kal­lar­nermin­ni Jesus tak­kutin­ngim­mat angalaqatimik akor­nan­nut ujaler­paat. Nanisin­naan­ngivip­paal­li, taamaat­tumil­lu ujar­niarlugu Josef Marialu Jerusalemimut uter­tariaqar­put.

Ul­loq naal­lugu ujaraluar­paat, naninaguli. Aqaguani aam­ma nanin­ngilaat. Kiisamili ul­lut pingajus­saan­ni naalaf­fis­suarmut iseramik init ilaan­ni Jesus nanivaat. Juutit ajoqersuisuisa akor­nan­ni is­siavoq tusar­naajutigaluni aperisor­tarlunilu.

„Er­nera, sooq taama pivisigut?“ Maria oqar­poq. „Ataatavit unangalu erloqil­luta ujar­patsigit.“

Sumiin­nini nalusimagaat paasileramiuk Jesus as­sut tupaal­lap­poq. „Sooq ujar­pisinga?“ aperai. „Nalugas­singa ataatama pii najus­sagik­ka?“

Jesusip tupigusuutigaa angajoq­qaami sumiin­nini naatsorsuutigisin­naasiman­ngim­mas­suk. Soorunamili angerlaqatigai pisar­nermisul­lu naalal­lugit. Ilisimas­sutsimigut timimigul­lu al­liar­tuin­nar­poq aam­malu Guutimit inun­nil­lu iluarisaanera siuariar­torluni. Aap, meeran­nguunerminiil­li Jesus maligas­siuil­luarsimavoq, anersaamut tun­ngasunik ujar­tuinermiguin­naan­ngitsoq aam­mali angajoq­qaaminut ataq­qin­nin­nermik ersersitsinermigut. Lukas 2:40-52; 22:7.

▪ Uper­naat tamaasa Jesus ilaqut­tani ilagalugit sumun­nar­tar­pa, angalaneral­lu qanoq sivisutigisar­pa?

▪ Jesus 12-inik ukioqar­toq taamatut angalaneran­ni susoqar­pa?

▪ Ul­lumik­kut meeq­qanut Jesus suk­kut maligas­siuiva?