Kapitali 99

Jesus Jerikomi ajoqersuivoq

JESUS inup­pas­suil­lu angalaqataasut kingunin­nguagut Jerikomut, Jerusalemimit ul­lup ataatsip mis­saani angalasarialim­mut, pip­put. Qular­nan­ngitsumik Jeriko il­loqarfiuvoq marloqiusaq, juutit im­mik­koor­tor­taat Romamiut im­mik­koor­tor­taan­nit nutaanerusumit kilometerip af­faasut ungasitsigisumiil­luni. Inup­pas­suit il­loqarfiup pisoqar­taanit aniar­tor­til­lutik nutaar­taanul­lu qanil­liar­tor­til­lutik qinusar­tut tap­piitsut marluk nipilior­nerat tusaavaat. Qinusar­tup aap­paa Bar­timæusimik ateqar­poq.

Bar­timæusip aap­paatalu paasigamik­ku Jesus saneq­qutilersoq, suaar­taler­put: „Naalagaq, Davidip Kinguaava naak­kigitigut!“ Inup­pas­suil­li naveer­paat nipangeq­qul­lugil­lu; nipitunerusumil­li suaar­taq­qiler­put; „Naalagaq, Davidip Kinguaava naak­kigitigut!“

Jesusip tusaasin­naagamiuk eq­qis­siviil­lior­toqar­toq, unip­poq. Ingerlaqatini qin­nuigai suaar­tar­tut aaq­qul­lugit. Qinusar­tunut tap­piitsunukar­put aap­paalu oqarfigalugu: „Tup­pal­lerit nikuil­lutil­lu! Qaaq­quaatit.“ Pis­sangaqaluni angutip tap­piitsup qal­lersaan­ni iperar­paa, nikuil­lunilu Jesus or­nil­lugu.

„Uan­nut qanoq iliorfigeq­quisi?“ Jesus aperaaq.

„Naalagaq! Isivut uisitaaq­quavut,“ tap­piitsut marluk akip­put.

Jesusip nal­ligingaaler­pai isaalu at­torlugit. Markusip oqalut­tuaa naaper­tus­sagaan­ni tap­piitsup aap­paa Jesusip ima oqarfigaa: „Ingerlagit, up­per­ner­pit an­naap­paatit.“ Qinusar­tut tap­piitsut takusaqarsin­naalerasuar­put, qular­nan­ngitsumil­lu marluul­lutik Guuti nersungaalerlugu. Qanoq pisoqarsimasoq inuit takugamik­ku Guuti un­nersiutigaat. Bar­timæus aap­paalu Jesusimik malin­nilerasuar­put.

Jesus Jerikok­koor­til­lugu inup­pas­suar­nit malin­neqar­poq. Tap­piitsunik ajorun­naarsitsisimasoq kik­kut tamarmik takorusup­paat. Jesus takujumal­lugu inuit sam­mivin­nit tamanit qerler­toruut­torsuup­put, taman­nalu pis­sutigalugu ilaasa takusin­naan­ngilaal­luun­niit. Tamak­kunun­nga ilaavoq Zakæus, Jerikomi eq­qaanilu akileraaruserisut an­ner­taasa ilaat. Taas­suma mikeqigami susoqar­toq takusin­naan­ngilaa.

Taamaat­tumik Zakæus ar­pal­luni siuar­poq fiigequl­lus­suarmul­lu Jesusip saneq­qutas­saanut qaqil­luni. Tas­san­ngaan­niit suut tamaasa takusin­naavai. Inup­pas­suit qanil­lim­mata Jesus qum­mut qiviar­poq oqarfigalugulu: „Zakæus! Aq­qarasuarit; il­lut ul­lumi unin­ngavigisariaqar­para.“ Zakæus nuan­naarluni aq­qarasuar­poq angerlapal­lal­lunilu pulaar­tus­sami pingaar­tup tikil­luaq­qunis­saanut piareersariar­torluni.

Qanorli pisoqar­toq takugamik­ku inuit oqalorujuler­put. Jesusip angum­mut taama it­tumut pulaar­nis­saa as­suar­nar­tutut isigaat. Zakæusim­mi akileraaruserisutut sulinermini peq­quserlul­luni inuit aningaasanik akiliisit­tar­nerat pisuun­nguutigisimavaa.

Amerlasuut Jesus malip­paat, Zakæusil­lu angerlarsimaf­fianut isermat kamal­lutik oqalorujup­put: „Angum­mut ajor­tulior­tumut iser­poq il­lusim­mavigiumal­lugu.“ Zakæusil­li iliuutsiminik peq­qis­simis­sutigin­nin­nis­saminut periarfis­saqar­nera Jesusip takusin­naavaa. Jesusilu pakatsin­ngilaq, Zakæusimi sas­sar­poq nalunaarlunilu: „Ata Naalagaq! Pigisama af­faat piitsunut tun­niup­pak­ka; kimil­lu ilan­ngaanik­kut in­narlior­titsigaluaruma sisamariarlugu taarsis­savara.“

Pigisami af­faasa piitsunut tun­niun­nerisigut af­faasalu inun­nut uukapaatis­simasaminut uter­tin­nerisigut Zakæusip ilumoorluni peq­qis­siminini ersersip­paa. Qular­nan­ngitsumik akileraarutinik nalunaarsuk­kani ikior­tigalugit takusin­naavaa inuit taak­ku qanoq an­ner­tutigisumik akiitsugaqarfigalugit. Sisamariaam­mik akiliinis­sani neriorsuutigaa, Guutip inatsisaa man­na naaper­torlugu: ’Nalingin­naap sava til­lik­kuniuk taarsis­savaa savanik sisamanik.’

Zakæusip pigisaminik agguaas­siniarluni periaaserisas­samisut neriorsuutaa Jesusip nuan­naarutigaa, oqar­pormi: „Ul­lumi inoqutigiit uku an­nas­sutis­sarsip­put, unat­taaq Abrahamip kinguaarim­magu. Inuum­mi er­nera tikiup­poq tam­mar­tut ujas­sal­lugit an­naas­sal­lugil­lu.“

Tamatuma siunin­nguagut er­nermik tam­maraluar­tumik oqalut­tuar­nermigut ’tam­mar­tut’ pis­sutsinik qanoq it­tunik atugaqar­nerat eq­qar­torsimavaa. Maan­na piviusumik as­sersuutis­saqaler­pugut — tam­maraluar­toq nanineqaq­qit­toq. Naak up­perisarsior­nik­kut pisor­tat malit­taasalu inun­nik Zakæusitut it­tunik soqutigin­nin­nini naam­magit­taal­liutigigaluaraat, Jesus Abrahamip kinguaavinik tam­marsimasunik ajun­ngitsumik ingerlalerseq­qik­kumal­lugit ujarler­tuarsin­nar­poq. Mattæus 20:29-34; Markus 10:46-52; Lukas 18:35–19:10; Môrsasip agdlagaisa áipait 22:1.

▪ Qinusar­tut tap­piitsut Jesusip sumiun­nguatsiar­toq naapip­pai, qanorlu iliorfigai?

▪ Zakæus kinaava, soorlu or­pim­mut qaqiva?

▪ Qanoq ilil­luni Zakæusip peq­qis­siminini ersersip­paa?

▪ Jesusip Zakæusimut iliorfigin­nin­nera qanoq ilin­niarfigisin­naavar­put?