Kapitali 82

Jesus Jerusalemiliaq­qippoq

JESUS angalaq­qip­poq; il­loqarfin­ni nunaqarfin­nilu ajoqersuisar­poq. Maan­na nunap im­mik­koor­tuani Peræamiin­nguatsiar­poq, Judæamit isigalugu Jordanip il­lua-tungaani. Or­nin­niagaali tas­saavoq Jerusalem.

Qular­nan­ngitsumik inuit kil­lilim­mik amerlas­susiliin­naat an­nan­nis­saan­nik juutit isumaliutersuutaat pis­sutigalugu angut aperaaq: „Naalagaq! An­nat­tus­sat ikip­pat?“ An­nak­kumagaan­ni suut piumasarineqar­neran­nik inuit eq­qarsaatigin­nin­nis­saan­nik Jesusip akis­sutaata matuma pin­ngitsaalivai: „Iser­tarfik­kut nerukitsuk­kut iserumal­lusi as­soruun­niaritsi [tas­sa ilungersuasariaqar­poq].“

Taamatut ilungersor­tumik iliuuseqar­nis­saq pisariaqar­poq, Jesusimi nangil­luni oqar­poq ’amerlasuut iser­niarumaar­tut, sapis­sal­lutil­li’. Sooq? Aap, ’il­lup naalagaata nikuis­simal­luni matu par­naarsimap­pagu, kingor­nalu silataaniilersut matu kasut­tulerunik­ku oqarlutik: „Naalagaq! Map­piutsigut!“ — taava akiumaar­pai oqarluni: „Sumit pinerlusi ilisarin­ngilas­si; tamas­si qimas­singa, iluaatsilior­tusi-aa!“

Isitsaaligaasut qular­nan­ngitsumik aatsaat nam­min­neq iluarileramik­ku agger­put. Tikium­matali matu par­naar­neqareersimavoq, iser­nerlu ajor­nar­poq. Iserusuk­kunik siusin­nerusuk­kut aggersimasariaqaraluar­put, im­maqa im­min­nut pif­fis­saan­ngik­kaluar­torluun­niit. Aap, Jehovamik pal­lorfigin­nin­neq inuunermi pingaar­ner­paatin­ngik­kaan­ni, kingunis­saa alianas­saqaaq!

Juutit, Jesusip oqaluus­sif­figisas­saasa, amerlanersaasa Guutip an­nan­nis­samik periarfis­sarititaa im­mik­kut it­toq ilas­sin­ngitsoor­paat. Jesus taamaat­tumik oqar­poq silataanut ajat­tugaagunik qias­sasut qorsaq­qor­tas­sal­lutil­lu. Akerlianik „kangianit kitaanil­lu, avan­naanit kujataanil­lu“, aap inuiaqatigiin­nit tamanit, inuit „tikiuk­kumaar­put nerrivim­mul­lu ingil­lutik Guutip naalagaaf­fiani“.

Jesus nangip­poq: „Kingul­liusut ilaat [tas­sa juutiun­ngitsut narrugisaasut, aam­mat­taaq juutit qunutitaasut] siul­ler­niilis­sap­put, siul­liusul­li ilaat [tas­sa juutit aningaasatigut up­perisarsior­nik­kul­lu pingaar­nerutin­neqar­tut] kingul­ler­niilis­sap­put.“ Inuit taak­kua eqiasut­tut qujasuitsul­lu kingul­ler­niiler­nis­saat isumaqar­poq Guutip naalagaaf­fianiis­san­ngil­luin­nar­tut.

Farisæerit ilaasa maan­na Jesus or­nip­paat oqarlutik: „Aal­larlutit taman­na qimaguk; Herodesip [Antipas] toquk­kumam­matit!“ Herodesip nam­mineq taman­na siaruar­tersiman­nguatsiar­paa Jesus nunaminit qimaaq­qul­lugu. Johan­nes Kuisisoq niaquer­neqarsimavoq, im­maqalu Herodes Guutip pruf­fiitiisa ilaan­nik toqutsinermut akooq­qik­kuman­ngilaq. Jesus akivoq: „Terian­niaq taan­na oqarfigiar­torsiuk: ’Ata, ul­lumi aqagulu anersaapilun­nik anisitsis­saanga katsorsaas­sal­lungalu, ul­lul­lu pingajus­saan­ni anguniagara angus­savara.’“

Jesus tamaani oqaluus­sil­luni inerami, Jerusalemimut ingerlaq­qip­poq, soorlumi oqar­toq: „Pruf­fiitiusoq Jerusalemiun­ngitsumi toqun­neqar­tarin­ngim­mat.“ Sooq ilimagineqarsin­naava Jesus Jerusalemimi toqun­neqas­sasoq? Jerusalem tas­saam­mat il­loqarfiit pingaar­nersaat, juutit eq­qar­tuus­sisoqatigiivisa pingaar­nersaata Sanhedrinip 71-inik ilaasor­tal­lip inis­sisimaf­figisaa, nersutinil­lu pil­liuteqar­tarfiusoq. Taamaat­tumik Jerusalemiun­ngitsumi „Guutip savaaraa“ toqun­neqar­tus­saan­ngilaq.

„Jerusalem! Jerusalem! Pruf­fiitinik toqutsisutit ujaq­qanil­lu mil­loorlugit ilin­nut aal­lar­titat!“ Jesus ugguar­poq. „Qas­sinim­mi taava qitor­natit katersorumagaluarik­ka, soorlu marloraap piaq­qani sulum­mi ataan­nut katersor­tarai! Piuman­ngitsusili. Atali, il­lorsi ilis­sin­nut qimagaas­saaq!“ Guutip er­nera asigin­naramik­ku, inuiaqatigiit­tut isigalugit aseror­nermut pisus­saap­put!

Jerusalemiliar­til­luni Jesus farisæerit siulersor­taasa ilaan­nit qaaq­quneqar­poq. Sabbatiuvoq, inuil­lu alaper­naaseqaat angut imermik puit­toq najuum­mat. Jesusip maan­na farisæerit inatsisinil­lu ilisimasut saap­pai aperalugit: „[Sabbatimi] katsorsaal­luni iluar­pa iluan­ngilaluun­niit?“

Akisoqan­ngilaq. Jesusip taava angut ajorun­naarsip­paa aal­laq­qul­lugulu. Taava aperaaq: „Kia arlas­si er­ni us­siutiniluun­niit [sabbatimi] puilasuliamut nak­kar­pat qaqin­nasuas­san­ngin­ner­paa?“ Aam­malu akisoqan­ngilaq. Lukas 13:22–14:6; Johannes 1:29.

▪ An­nan­nis­samut pisariaqar­toq suna Jesusip takutip­paa, sunalu pil­lugu iseq­qusaan­ngitsut amerlap­pat?

▪ „Kingul­liusut“ siul­ler­niilis­sasut, „siul­liusul­lu“ kingul­ler­niilis­sasut kik­kuup­pat?

▪ Suna pis­sutigin­nguatsiarlugu Herodes Jesusimik toqutsiniar­nerarsimava?

▪ Sooq ’pruf­fiitiusoq Jerusalemiun­ngitsumi toqun­neqar­tarin­ngila’?