Kapitali 59

Jesus kinarpiaava?

UMIATSIAQ Jesusip ajoqersugaasalu ilaaf­figisaat Betsajdamut tulap­poq. Inuit angut tap­piitsoq Jesusimukaap­paat qin­nuigalugulu at­torlugu ajorun­naarseq­qul­lugu. Jesusip tasis­siup­paa il­loqarfiul­lu avataanukaal­lugu, isaasigul­lu qiseriarlugu aperaa: „Sumik isigisaqar­pit?“

„Inuit isigaak­ka,“ oqar­poq, „angalasut soorlu or­piit.“ Isaalu Jesusip at­tor­pai — angul­lu ersaris­sumik isigisin­naaq­qiler­poq. Jesusil­lu angerlar­tip­paa il­loqarfim­mukaq­qunagulu.

Maan­na Jesus ajoqersugaalu Palæstinap avan­nar­pasin­nerusor­taani il­loqarfin­nut Cæsarea Filip­pimiit­tunut aal­lar­put. Aq­qutaa 50 kilometerisut isorar­tutigaaq sivingasuul­lunilu. Cæsarea Filip­pi alianaatsumik inis­sisimaf­feqar­poq, im­mamiit 350 meterisut qaf­fasitsigisumiil­luni. Angalanerat ul­lunik marlun­nik sivisus­suseqas­sagunar­poq.

Aq­qutaani Jesus qinuniarluni ilaminit avis­saar­poq. Toqunis­saanut qaam­matit qulingiluat qulil­luun­niit mis­saan­naan­niip­put, ajoqersuk­kanilu isumakuluutigai. Amerlasuut taas­sumin­nga malin­nik­kun­naarsimap­put. Al­lat qular­nan­ngitsumik kun­ngin­ngoq­quneqaraluar­nerminik itigar­titsinera akeq­qaminil­lu unam­mil­ler­neqarami kun­ngius­sutsi up­per­narsar­niarlugu qilam­mit nalunaaq­qutiliun­ngin­nera paatsiveerusimas­sutigalugulu pakatsis­sutigisimavaat. Apustilil­li kinaasoraat? Or­nim­man­ni aperai: „Inuit kinaanerar­paan­nga?“

„Ilaasa Johan­nesiusoraatsit Kuisisoq, ilaasalu Eliasiusoraatsit, ilaasalu Jeremiasiusoraatsit, al­laasoraatsil­luun­niit pruf­fiitit ilaat.“ Aap, inuit isumaqarluin­nar­put Jesus tas­saasoq angutit taak­kua arlaat toqusunit makis­simasoq!

„Ilis­simi kinaanerar­pisinga?“ Jesus aperaaq. Peter akinasuar­poq: „Kristusiuvutit Guutip uumasup Er­nera.“

Jesusip Peter akis­sutaanik nersualaar­paa nangil­lunilu: „Uangalu oqarfigaak­kit: ’[Peter]iuvutit, qaarsumul­lu tamatumun­nga il­luliorumaar­pak­ka ilagiis­sik­ka; taak­ku toqusut inaata isaaf­fiisa ar­tus­savaat.“ Maan­na Jesusip siul­lermeerluni nalunaarutigaa ilagiin­nik pilersitsiniarluni tamatumun­ngalu ilaasor­taasut nunami  inuuner­tik aalajaal­lu- tik naagunik­ku toqumit tigusaaq- qanavian­ngitsut. Taava Peterimut oqar­poq: „Ilin­nut tun­niuk­kumaar­pak­ka Qilam­miup Naalagaaf­fiata matuersaatai.“

Taamaalil­luni Jesusip saq­qum­mersip­paa Peter im­mik­kut it­tunik  pisin­naatitaaf­feqalerumaar­toq. Ima paasineqas­san­ngilaq Peter apustilit akor­nan­ni sal­liutin­neqar­toq ilagiin­nul­luun­niit tun­ngaviliun­neqar­toq. Jesus nam­mineq qaarsuuvoq ilagiis­siminut tun­ngaviliun­neqar­tus­saq. Peterili matuersaatinik pingasunik tunineqas­saaq, kingor­nalu paasinarsivoq matuersaatit taak­kua tas­saasut inuit as­sigiin­ngitsut qilam­miup naalagaaf­fianut iser­nis­saan­nik periarfis­siuus­sisus­sat.

Ukiumi 33-mi piinsip ul­luani juutit peq­qis­simisut an­nak­kumagunik qanoq ilior­tariaqar­neran­nik nas­suiaak­kamigit matuersaat siul­leq Peterip ator­paa. Tamatuma kingunin­ngua, Samariamiut up­per­tut Guutip naalagaaf­fianut iser­nis­samut periarfis­samik am­maak­kamigit, matuersaatip aap­paa ator­paa. Ukiumilu 36-mi juutiun­ngitsut kipineqarsiman­ngitsut, Kor­nilius ikin­ngutaalu siul­liul­lugit, tamatumin­nga periarfis­sik­kamigit matuersaatit pingajuat ator­paa.

Jesusip ajoqersuk­kaminik oqaloqateqar­nini nangip­paa. Qanit­tuk­kut an­nikil­liulerumaar­nerminik Jerusalemimilu toqujumaar­nerminik oqalut­tuun­nerisigut aliasutsip­pai. Jesusip qilam­mi inuunermut makititaanis­saa paasisimanagu Peterip avin­ngarup­paa oqarfigalugulu: „Guutip ser­nigilisit, Naalagaq, taamaalineqar­naveerit!“ Jesusil­li tunup­paa akil­lugulugu: „Tunun­nut nigorit, Sataniaa! Mamiatsaatigaak­kit, Guutip pii pin­nagit inuit pii isumagigak­kit.“

Qular­nan­ngitsumik apustilit saniatigut al­lanik Jesusimut angalaqataasoqar­poq, maan­nalu taak­ku aggeq­quai nas­suiaal­lugil­lu im­minik malin­nin­neq ajor­naatsuunavian­ngitsoq: „Uan­nik malin­nik­kumasoq im­minik isumak­kiis­saaq, [napasorlu an­niar­tin­neqarfini, NV] ersul­lugu malis­savaanga! Inuunerminik an­natsitsiumasup inuunini an­naas­savaa, uangalu pil­lunga iivangkiiliulu pil­lugu inuunerminik an­naasup inuunini an­natsis­savaa.“

Aap, Jesusimik malin­nit­tut taas­suman­nga iluarisaas­sagunik sapiitsuuniar­tariaqar­put im­min­nul­lu tunul­liut­tuusariaqarlutik, oqarmam­mi: „Uan­nik oqaatsin­nil­lu it­toorutigin­nit­toq eq­qarleriin­ni ukunani uersar­tuni ajor­tulior­tuni Inuup Er­nerata it­toorutigiumaar­paat­taaq tikiuk­kuni Ataatami naalan­nas­susia pigalugu in­ngilil­lu iluar­tut ilagalugit.“ Markus 8:22-38; Mattæus 16:13-28; Lukas 9:18-27.

▪ Sooq Jesusip ajoqersuk­kani isumakuluutigai?

▪ Inuit Jesus kinaasoraat?

▪ Matuersaatit suut Peterimut tun­niun­neqar­pat, qanorlu ator­neqar­pat?

▪ Qanoq Peter naveer­neqar­pa, sooq?