Kapitali 129

Jesus takuteqqippoq

AJOQERSUK­KAT suli nikal­lungap­put. Ilerrup imaqan­ngin­nera paasisin­naan­ngilaat, ar­nal­lu oqalut­tuaat up­perin­ngilaat. Taamaat­tumik sapaam­mi kingusin­nerusuk­kut Kleopas ajoqersugarlu al­la Jerusalemimit aal­lar­put kilometerinik 11-nik ungasis­susilim­miit­tumut Em­mausimukarlutik.

Ul­lup ingerlanerani pisimasut aq­qutaani oqaloqatigiis­sutigitil­lugit takor­nar­tamit ingerlaqasiun­neqar­put. „Ingerlatil­lusi suunuku oqaloqatigiis­sutigigisi?“ takor­nar­taq aperaaq.

Ajoqersuk­kat unip­put, Kleopasilu akivoq: „Il­lit kisivit Jerusalemimi takor­nar­taavit, tas­sani ul­luni mak­kunani pisimasut ilisimanagit?“ „Suut?“ takor­nar­taq akivoq.

„Jesus Nazaretimiu pil­lugu pisimasut,“ akip­put. „Palasiunerit siulersor­tit­talu pisip­paat toqoq­qusaaq­qul­lugu [qisum­mul­lu] kikiat­tor­til­lugu. Uagul­li neriut­tugut taan­naasoralugu Israelip uter­titsisis­saa.“

Kleopasip angalaqataatalu ul­lup ingerlanerani pisimasut uis­suum­minar­tut oqalut­tuaraat — in­ngilinik takunerak­kat tupin­nar­tut iliverlu imaqan­ngitsoq — nas­suerutigaal­li tamak­ku tamarmik qanoq isumaqar­nersut nalugamik­kik. Takor­nar­tap ajorai oqarluni: „Taatuuku siuneqan­ngitsut uum­matimik­kul­lu pruf­fiitit oqaaserisaan­nik tamanik up­perumaar­ner­tuut! Kristus taamatut an­niarsimas­san­ngin­ner­pa naalan­narsivis­saminut isis­sal­luni?“ Taava Al­lak­kat Il­ler­nar­tut-ni Kristusimut tun­ngasut ilaat nas­suiar­pai.

Em­maus pal­lilermas­suk takor­nar­taq ingerlaan­nar­niarsorinar­poq. Ajoqersuk­kal­li tusagaqar­nerorusup­put oqarlutil­lu: „Unif­figitigut; un­nulermat ul­luerutilerlunilu.“ Taamaat­tumik unin­ngavigai nereqatigalugil­lu. Qinoreerluni timiusaq aggoriarlugu tunim­matik paasiler­paat tas­saasoq Jesus inut­tut timilersimal­luni. Taavali takus­saajun­naar­poq.

Maan­na ajoqersuk­kat paasiler­paat sooq takor­nar­taq taan­na taama ilisimasaqar­tigisoq! „Uum­mativut taamani kis­salilin­ngin­ner­pat ingerlatil­luta oqaluf­figim­matigut, al­lak­kanil­lu nalujun­naarsim­matigut?“ oqar­put. Jerusalemimut utipal­lap­put, apustilil­lu al­lal­lu katersuus­simasut naam­mat­toorlugit. Kleopas aap­paalu oqarian­ngitsul­luun­niit angor­nioqalutik ajoqersuk­kat oqaluler­put: „Naalagaq ilumut makis­simavoq Simonil­lu takusimavaa.“ Taava Kleopasik­kut Jesusimik takun­nis­simaner­tik oqalut­tuaraat. Taamaalil­luni Jesus ul­lup ingerlanerani sisamariarluni ajoqersuk­kaminut as­sigiin­ngitsunut takutis­simavoq.

Tas­san­ngaan­narli Jesus tal­limas­saanik saq­qum­meriataar­poq. Naak juutinut siooral­lutik matutik par­naarsorsimagaluaraat, maan­na akor­nan­niiler­poq oqarlunilu: „Eq­qis­sigitsi!“ An­nilaar­torujus­suup­put, takusar­tik anersaagin­naasoralugu. Jesusil­li alior­tugaan­ngin­nerminik nas­suiaap­pai: „Sooq an­nilaar­pisi? Sunalu pil­lugu uum­matis­sin­ni qular­neq qaf­far­pa? As­sak­ka isik­kak­kalu isigisigik, uangaavunga nam­mineq; satsin­niarsinga isigalungalu, anersaaq uineqaranilu saaneqan­ngim­mat, soorlu uanga isigigis­singa peqar­tunga.“ Taamaak­kaluar­torli Jesusiunis­saa ajoqersuk­kat up­periuminaatsip­paat.

Nam­miniunini paasinias­sam­mas­suk Jesus aperaaq: „Tamaani nerisas­saateqar­pisi?“ Ner­piminermik siatamik pereerami oqar­poq: „Tamas­sa najoral­laras­si ilis­sin­nut oqaaserisak­ka, Mosesip inatsisaani pruf­fiitil­lu al­lagaan­ni tus­siaatinilu pil­lunga al­las­simasut tamarmik eq­quus­sam­mata.“

Taak­kunin­nga Bibelimik ilin­niaq­qis­saar­titsiner­tut taaneqarsin­naasoq Jesusip nangip­paa oqarluni: „Taama al­las­simavoq, Kristus an­niarsimas­sasoq ul­lul­lu pingajuan­ni makis­sal­luni. Taas­sumalu aq­qa pil­lugu al­lamik isumataar­nis­saq ajor­til­lu isumak­keer­neqar­nis­saat oqaluus­sis­sutigineqas­sasut inuiaqatigiin­ni tamani Jerusalem aal­lar­niivigalugu. Ilis­si tamak­kunin­nga ilisiman­nit­tuuvusi.“

Katisimanermi tamatumani sapaam­mi un­nuk­kut pisumi sumik peq­quteqarsimanerluni Thomas najuutin­ngilaq. Ul­luni tul­liut­tuni ilaasa angor­nioqalutik oqalut­tuup­paat: „Naalagaq takuar­put.“

„As­saani kikiat­tor­nerit takun­ngik­kuk­kit, tikeralu kikiat­tor­ner­nut mangun­ngik­kuk­ku, as­sak­kalu saneraanut mangun­ngik­kuk­kit, up­pis­san­ngilanga,“ Thomas akerliliivoq.

Ul­lut arfineq-pingasut qaangium­mata ajoqersuk­kat isersimal­lutik naapeqatigeeq­qip­put. Tamatumuuna Thomas ilaavoq. Naak matut par­naaq­qagaluar­tut Jesus akor­nan­ni saq­qum­meriataar­poq oqarlunilu: „Eq­qis­sigitsi!“ Taava Thomas saap­paa: „Tikit isatsiguk as­sak­ka qimerloorlugit, as­satil­lu isatsik­kit saneq­qan­nut mangul­lugit; up­pin­ngitsuunal­lu up­persin­naat!“

„Naalagara aam­ma Guutiga!“ Thomas nil­ler­poq.

„Takugam­ma aatsaat up­per­pit?“ (NV) Jesus aperaaq. „Pil­luar­put takun­nin­natik up­per­tut.“ Lukas 24:11, 13-48; Johannes 20:19-29.

▪ Em­mausip tungaanut aq­qutaani takor­nar­tap ajoqersuk­kat marluk qanoq aperai?

▪ Ajoqersuk­kat uum­mataasa kis­salis­sutigisaan­nik takor­nar­taq qanoq oqar­pa?

▪ Takor­nar­taq kinaasoq ajoqersuk­kat qanoq ilil­lutik paasivaat?

▪ Kleopas aap­paalu Jerusalemimut uteramik nuan­nersumik sumik tusarler­neqar­pat?

▪ Qanoq ilil­luni Jesus ajoqersuk­kaminut tal­limas­saanik takutip­paa, tas­sanilu qanoq pisoqar­pa?

▪ Jesusip tal­limas­saanik takutin­neranit ul­lut arfineq-pingasut qaangium­mata qanoq pisoqar­pa, qanorlu ilil­luni Thomas naggataatigut qularun­naarsin­neqar­pa Jesusip uumaneranik?