Kapitali 7

Jesus ulloriarsiortullu

ANGUTER­PAALUIT Kangianit agger­put. Ul­loriarsior­tuup­put — inuit ul­loris­sat inis­sisimanerat najoq­qutaralugu siunis­samik siulit­tuisin­naanerar­tut. Kangiani najuk­kamin­nit ul­loriaq nutaaq takusimavaat, mas­sak­kul­lu kilometerit hundredep­paalukasiit ingerlaf­figalugit Jerusalemip tungaanut malit­tarisimavaat.

Ul­loriarsior­tut Jerusalemimut pigamik aperip­put: „Inoorlaaq juutit kun­ngiat sumiip­pa? Ul­loriaa pavani takugatsigu pal­lorfigiar­tor­par­put.“

Jerusalemimi kun­ngip Herodesip taman­na tusaramiuk as­sut eq­qis­siun­naar­poq. Taamaat­tumik palasiunerit qaaq­quai aperalugil­lu Mes­sias sumi inun­ngus­sanersoq. Al­lak­kat Il­ler­nar­tut in­nersuus­sutigiitigalugit oqar­put: „Betlehemimi.“ Herodesil­lu ul­loriarsior­tut aatipal­lap­pai, oqarfigalugil­lu: „Aal­larlusi naalungiaq apeq­qutigeq­qis­saarsiuk, nanigus­siul­lu nalunaarfigisinga, uangat­taaq pal­lorfigiar­tus­sagak­ku.“ Herodesil­li kis­saatigisavia tas­saavoq meeq­qap naninis­saa toqun­nis­saalu!

Aal­lar­tul­lu tupin­naqisumik pisoqar­poq. Ul­loriaq ul­loriarsior­tut Kangianiik­kal­laramik takusaat sior­nan­niiler­poq. Ul­loriaq taan­na nalin­ngin­naasimanavian­ngilaq. Siulersor­niaan­narlugit qilam­mut ik­kus­saasimas­saaq. Ul­loriarlu taman­na malip­paat il­lup Josefip Marial­lu inigisaata qulaanut pinis­saa tikil­lugu.

Ul­loriarsior­tut il­lumut iseramik Maria meeran­ngualu Jesus naam­mat­toor­paat. Tamarmik seeq­qum­mer­put pal­lorfigalugulu. Tunis­sutis­satil­lu puumin­nit amuaat, kuultit, tipigis­saatit myrralu. Kingor­na Herodes meeq­qap sumiin­neranik oqalut­tuuk­kiar­tus­sal­lugu uter­nis­samin­nut piareerlutil­lu sin­natuk­kut Guutimit taamaaliun­ngin­nis­samin­nik mianersoq­quneqar­put. Taamaat­tumik aq­qut al­la atorlugu nunamin­nut uter­put.

Kiaana ul­loriarsior­tut siulersor­niarlugit ul­loriaq ik­kus­simagaa? Eq­qaamajuk ul­loris­sap Jesusimut Betlehemimiit­tumut toq­qaan­nar­tumik siulersun­ngim­magit. Jerusalemimut siulersoq­qaar­neqar­put, tas­sanilu kun­ngi Herodes, Jesusimik toqutserusut­toq, at­taveqarfigalugu. Herodesilu iluatsitsisimas­sagaluar­poq Guuti akulerus­siman­ngitsuup­pat ul­loriarsior­tul­lu Herodesimik Jesusip sumiin­neranik oqalut­tuus­sinis­saan­nik iner­tersiman­ngitsuup­pagit. Jesusip toqun­nis­saanik kis­saateqar­toq tas­saavoq Guutip akeraa, Satan Diaavulu, taas­sumalu siuner­taminik naam­mas­sin­niaraluar­nermini ul­loriaq taman­na ator­paa. Mattæus 2:1-12; Mika 5:1.

▪ Suup takutip­paa ul­loriaq ul­loriarsior­tut takusaat ul­loriaasoq nalingin­naan­ngitsoq?

▪ Ul­loriarsior­tut Jesus sumiit­toq nanivaat?

▪ Qanoq ilil­luta nalun­ngis­sin­naavar­put ul­loriarsior­tut siulersor­niarlugit ul­loris­samik qilam­mut ik­kus­sisimasoq tas­saasoq Satan?