Kapitali 128

Jesus uumavoq!

AR­NAT paasivaat Jesusip ilerra imaqan­ngitsoq, Maria Magdalenel­lu Peter Johan­nesilu tamatumin­nga oqalut­tuuk­kiar­tor­pai. Ar­nat ilai qular­nan­ngitsumik ilerrup eq­qaaniigin­nar­put. Kingunitsian­ngua in­ngilip saq­qum­merfigai ilivermul­lu iser­nis­saan­nik kajumis­saarlugit.

Taq­qamani in­ngili al­la ar­nat takuaat, in­ngilil­lu aap­paata oqarfigai: „Ilis­si erseqinasi! Jesus [qisum­mut] kikiat­torsimasoq ujaris­si ilisimavas­si. Tamaaniin­ngilaq; makis­simavoq, soorlu oqar­toq. Qaal­lusi Naalak­kap in­nan­ngavigigalua takujar­torsiuk! Aal­larasuarlusilu ajoqersugai oqarfigiar­torsigik toqusunit makis­simam­mat.“ Mianerin­nil­lutik nuan­naaqalutil­lu ar­nat taak­ku ar­pal­lutik oqariar­tor­put.

Maan­na Mariap Peter Johan­nesilu nanisimavai, oqarfigaalu: „Naalagaq ilivermit aal­larus­simavaat, sumul­lu ilineraat naluar­put.“ Apustilit marluk taak­ku ar­pal­lutik ilivermukapal­lap­put. Johan­nes suk­kaneruvoq — qular­nan­ngitsumik nukarliuvoq — ilivermul­lu apuuteq­qaar­poq. Ar­nat peqan­ngil­lat, taamaat­tumik inoqan­ngilaq. Johan­nes ilivermut alak­kar­poq, takuaalu an­noraamer­nit nermusikut, silataaniigin­narlunili.

Peterili tak­kuk­kami nangaanani ingerlaan­naq ilivermut iser­poq. An­noraamer­nit nermusikut nasar­taal­lu Jesusip niaq­qumigut atorsimasaa tas­saniit­tut takuai. Imuneqarsimap­put. Maan­na Johan­nes aam­ma ilivermut iser­poq, Marial­lu oqaasii up­perai. Peteril­li Johan­nesil­lu tamarmik paasin­ngilaat Jesus makis­simasoq, naak taman­na pil­lugu oqalut­tuutikulasarsimagaluaraatik. Tupigusoqalutik angerlar­put, Mariali utersimal­luni ilivermiigin­nar­poq.

Taamaalinerani ar­nat al­lat tuaviorlutik in­ngilip peq­qusineratut ajoqersuk­kat Jesusip makis­simaneranik oqalut­tuuk­kiar­tor­paat. Sapin­ngisar­tik tamaat ar­patsil­lugit Jesusip naapip­pai oqarlunilu: „Pil­luaritsi!“ Ataq­qin­nip­pasil­lutik isigaasa saavan­nut pal­lorfigaat. Taava Jesusip oqarfigai: „Erseqinasi! Qatan­ngutik­ka oqarfigiar­torsigik Galilæamut aal­laq­qul­lugit, tas­sani takujumaar­paan­nga.“

Siusin­nerusuk­kut, nuna sajum­mat in­ngilil­lu saq­qum­mermata, sak­kutuut paarsisuusut an­nilaarujus­suarsimap­put, aap an­nilaangaaramik toquusarsimap­put. Ilisim­maramik il­loqarfiliapal­las­simap­put qanoq pisoqarsimaneranik palasiunerit nalunaarfigiar­torlugit. Juutit utoq­qaaner­taat siunersioreeramik­kik palasiunerit aalajanger­put sak­kutuut akilerlugit sal­lulior­tin­niarlugit. Ima oqarfigaat: „Ima oqas­saasi: ’Ajoqersugai un­nuami tikiuk­kamik sinitsil­luta til­lip­paat.’“

Romamiut sak­kutuui pigaar­tuunermin­ni sinis­simagunik toqumik pil­lar­neqarsin­naap­put, palasil­li neriorsuip­put: „Nunap naalagaata [sinilersimasusi] tusaraluar­pagu saam­marsar­niarumaar­par­put, ilis­sili pin­ngitsuutin­nias­savas­si.“ Peq­quserlut­tulior­nis­samut akiliutiginiagaat qular­nan­ngitsumik an­ner­tungaatsiaqaat, sak­kutuum­mi peq­quneqar­nermis­sut ilior­put. Tamatuma kingunerisaanik Jesusip timaanik toqungasumik til­lis­simanermik sal­luliuut juutit akor­nan­ni sumi tamaani tusagaaler­poq.

Maria Magdalene, ilivermi unin­ngaan­narsimasoq, aliasoqaaq. Jesus sumut pisimasin­naava? Ilivermut alak­kar­poq — in­ngilil­lu qaqor­tumik atisal­lit utersimasut takul­lugit. Aap­paa Jesusip niaquata inis­sisimaf­figisimasaata nalaani aap­paalu isigaasa inis­sisimaf­figisimasaata nalaani is­siap­put. „Ar­naq-aa! sooq qiavit?“ aperip­put.

„Naalagara aal­larus­simam­mas­suk, sumul­lu ilineraat nalugak­ku,“ Maria akivoq. Taava tunumut qiviar­poq takul­lugulu apeq­qum­mik matumin­nga uteq­qiisoq: „Ar­naq-aa! sooq qiavit?“ Imatut­taaq aperaaq: „Kina ujar­piuk?“

Tas­saasorigamiuk naatsiivim­mik ilerrup inis­sisimaf­figisaanik paarsisoq, Maria oqar­poq: „Naalagaq-aa, il­lit aal­larus­simaguk­ku sumut iligit nalunaarfigin­nga, taava tigujar­torumaar­para.“

„Maria!“ taan­na oqar­poq. Im­minut oqaloriaasiatigut nalun­ngil­luak­kamigut er­niin­naq paasivaa Jesusiusoq. „Rabbuni!“ Maria nil­ler­poq — isumaqar­toq „Ajoqersuisoq!“ Nuan­naaqaluni eqitaar­paa. Jesusili oqar­poq: „At­toqinanga, suli Ataatan­nut pavun­nan­ngin­nama. Qatan­ngutik­kali oqarfigiar­tuk­kit: Pavun­naler­pungagooq Ataatan­nut Ataatas­sin­nul­lu, Guutin­nut Guutis­sin­nul­lu.“

Maan­na Maria ar­pal­luni apustilit ajoqersuk­kal­lu al­lat katersuus­simaf­figisaan­nukar­poq. Ar­nat al­lat Jesusimik takun­nis­simanermin­nik nalunaarutigereersimasaan­nut oqariar­tuun­ni tapiliup­paa. Angutil­li, ar­nat oqariar­tor­tut siul­liit nalunaarutaan­nik up­perin­nin­ngitsut, qular­nan­ngitsumik aam­ma Mariap oqaasii up­perin­ngilaat. Mattæus 28:3-15; Markus 16:5-8; Lukas 24:4-12; Johannes 20:2-18.

▪ Maria Magdalenep iliveq imaqan­ngitsoq paasigamiuk sua, ar­nal­lu al­lat qanoq misigisaqar­pat?

▪ Iliveq imaqan­ngitsoq naam­mat­tooramik­ku Peter Johan­nesilu qanoq qisuariar­pat?

▪ Ar­nat Jesusip makis­simaneranik ajoqersuk­kanut oqariar­tor­til­lutik sumik misigisaqar­pat?

▪ Sak­kutuut pigaar­tuusut sup­pat, nalunaariar­tormatalu palasiunerit qanoq qisuariar­pat?

▪ Maria Magdalene ilivermi kisimiitil­lugu qanoq pisoqar­pa, ar­nal­lu oqalut­tuaat ajoqersuk­kanit qanoq isumaqarfigineqar­pat?