Kapitali 63

Jesusimit unnersuun­neqaq­qinneq

JESUS apustilinilu suli il­lumi, apustilit an­neruniuf­figisaan­ni, Kaper­naumimiit­tumiitil­lutik apeq­qut al­la aam­ma apustiliisa saq­qum­miup­paat. Pisimasoq oqal­lis­sutigisaat im­maqat­taaq Kaper­naumimut ingerlaar­til­lutik Jesus eq­qaan­niitin­nagu pisimavoq. Apustili Johan­nes oqalut­tuar­poq: „Inuk takuar­put anersaapilun­nik atik­kut anisitsisoq; iner­ter­par­pul­lu malin­ngim­matigut.“

Qular­nan­ngitsumik apustilit kisiisa ajorun­naarsitsisin­naatitaasutut Johan­nesip isigai. Taamaat­tumik isumaqar­poq angut im­min­nut ingerlaqataan­ngin­nami tupin­nar­tulior­nis­saminut akuerisaan­ngil­luin­nar­toq.

Jesus un­nersuus­sivoq: „Iner­tis­san­ngilarsi, atik­kut kil­lin­nar­tulior­toqarsin­naan­ngim­mat er­niin­narlu oqal­lisiginerlulis­sal­lunga. Akerar­tor­tigin­ngisavut nungul­lugit iligaavut. Kialuun­niit imermik ermutsip imaanik im­mip­pasi atin­ni Kristusip pigim­masi, ilumut oqarfigaas­si: akiler­neqan­ngis­san­ngilaq.“

Angutip Jesus iligis­saguniuk pin­ngitsoorani taas­sumun­nga ingerlaqataanis­saa pisariaqan­ngilaq. Ilagiit kristumiut taamanik­kut suli pilersin­neqarsiman­ngil­lat, taamaat­tumik taak­kunun­nga ingerlaqataan­ngin­nami imaan­ngilaq up­perisarsioqatigiin­nut al­lanut ilaasuusoq. Jesusip aq­qanut up­perluin­nar­tuuvoq, taamaat­tumik anersaapilun­nik anisitsiaanermini iluatsitsisimavoq. Jesusip oqar­neratut akiler­neqarumaar­tumik iliuuseqarsimavoq. Taamaat­tumik akiler­neqan­ngis­san­ngilaq.

Angum­mi taan­na apustilit oqaasiinit iliuusiinil­lu mamiatsatsin­neqaraluaruni? Ajorluin­nas­sagaluar­poq! Jesus oqar­poq: „Uan­nut up­per­tut min­nin­nguit ilaan­nik aserorsaasoqar­pat, taan­na iluanaar­neroq­qajaqaaq aseror­teriviup ujaras­sua qungasianut nivin­ngarlugu im­mamut igik­kaan­ni.“

Jesusip oqaatigaa sunaluun­niit ajoqersuk­kanik aserorsaasin­naasoq peer­neqar­tariaqar­toq — as­sat­tut, isik­katut imaluun­niit isitut naleqar­tigigaluaruniluun­niit. Avatit tamaasa pigalugit Gehen­namut (eq­qaavis­suaq ikumasoq Jerusalemip eq­qaaniit­toq), nungutitaal­luin­nar­nermut as­sersuutaasumut, igitaanermit avatit ilaan­nik amigaateqarluni Guutip naalagaaf­fianut iser­neq pitsaaneruvoq.

Jesus mianersoq­qusivor­taaq: „Mianersoritsi ukua min­nin­nguit ilaat asigin­naq­qunasiuk; oqarfigaas­simi: taak­kua in­ngiliisa Qilam­mi Ataatama qilam­miusup kiinaa isigit­tuin­nar­paat.“ Taava angum­mik hundredenik savaatilim­mik taak­kualu ilaan­nik ataatsimik tam­maasaqar­tumik as­sersuusior­ner- migut „min­nin­nguit“ taak­ku qanoq naleqar­tiginerat oqalut­tuaraa. Ataasiin­naq tam­marsimasoq qinerumal­lugu ilaasa 99-it qiman­nis­saat piareersimaf­figaa, naniguniul­lu ilaan­nit 99-init tipaatsuutiginerus­savaa. „Taamat­taaq Ataatas­si qilam­miusup piumasarin­ngilaa ukua min­nin­nguit ilaat ataaserluun­niit tam­mas­sasoq.“

Apustilit isumaqatigiin­ngin­nerat Jesusip eq­qarsaatigigunar­paa ima kajumis­saaramigit: „Im­mis­sin­ni tarajoqaritsi eq­qis­siveqatigiil­lusilu!“ Nerisas­sat tarajul­lit mamar­nerup­put. Oqaaserisat as­sersuutik­kut taratsigaagunik al­lanut akueriuminar­nerusar­put. Taratsut taamaat­tut ator­tarutsigik eq­qis­sinermut ilasaataas­saaq.

Inut­tut naam­mal­luin­nan­ngis­suseq pis­sutaal­luni ilaan­ni isumaqatigiin­ngerujus­suar­toqarsin­naasar­poq. Tamak­ku qanoq aaq­qin­neqar­tar­nis­saan­nut Jesus najoq­qutas­siivoq: „Qatan­ngup­pit ajor­tuliorfigip­patit, or­niguk kisimiitil­lusilu oqaan­niaruk. Tusarumap­patit qatan­ngutit uter­tis­savat [aaq­qiagiler­pat].“ Tusaruman­ngip­patit, „ataatsimik marlun­nil­luun­niit ilaqarlutit or­niguk, siunersiutigisaq qanoq-it­torluun­niit nalunaajaasut marlul­luun­niit pingasul­luun­niit oqaasian­nik aalajangersar­neqaq­qul­lugu.“

Taamaal­laat periarfis­satut kingul­ler­tut ilagiit saaf­figisariaqar­put, tas­sa ilagiin­nik nak­kutil­liisut akisus­saasut kinaas­susersioratik aalajangiisin­naasut. Ajor­tulior­toq taak­kua aalajangiineran­nik maleruaajuman­ngip­pat, Jesus naggataagut oqar­poq, taava „Guutimik nalusutut ilan­ngaaserisutul­lu isumaqarfigis­savat“.

Taamatut aalajangiisin­naajumal­lutik nak­kutil­liisut Jehovap oqaasiani un­nersuus­sut maleruaq­qis­saar­tariaqar­paat. Paasigunik­ku pineqar­toq pisuusoq pil­lar­neqar­tariaqarlunilu, eq­qar­tuus­sut ’qilam­mi qilersorsimasooriis­saaq’. ’Nunami qilerus­saarigunik’, tas­sa paasigunik­ku pineqar­toq pin­ngitsuusoq, taava ’qilam­mi qilerus­saar­neqareersimasuus­saaq’. Eq­qar­tuus­sinis­samik pisin­naatitaasut oqaloqatigiin­neri taama it­tut pil­lugit Jesus oqar­poq: „Marluk pingasul­luun­niit atera tunaaralugu katisimasaraangata akor­nan­niit­taraanga.“ Mattæus 18:6-20; Markus 9:38-50; Lukas 9:49, 50.

▪ Jesusip nalaani taas­sumun­nga pin­ngitsoorani ingerlaqataanis­saq sooq pisariaqarsiman­ngila?

▪ Up­per­tut min­nin­nguit ilaan­nik aserorsaaneq qanoq ajor­tulior­nerutigaa, taak­kulu naleqas­susiat qanoq Jesusip as­sersuusiaraa?

▪ Suna pis­sutigin­nguatsiarlugu Jesus oqar­pa apustilit im­minermin­ni tarajoqar­tariaqar­tut?

▪ ’Qilersorsimasoq’ aam­ma ’qilerus­saarsimasoq’ qanoq isumaqar­pat?