Kapitali 84

Jesusimut ajoqersugaaneq sunik nassataqarpa?

FARISÆERIMUT nuimasumut Sanhedrinimut ilaasor­taan­nguatsiar­tumut pulaareerami Jesus Jerusalemimut ingerlaq­qip­poq. Inup­pas­suit malip­paat. Sunali pis­sutigalugu taamaalior­pat? Aap, Jesusimut ajoqersugaaneq sunik nas­sataqar­pa?

Ingerlatil­lutik Jesusip inup­pas­suit saap­pai im­maqalu uis­suum­misingaarlugit oqarami: „Uan­nut pisup angun­ni ar­nilu nuliilu qitor­nanilu qatan­ngutinilu nam­minerlu inuunini uumigin­ngik­kuniuk uan­nut ajoqersugaasin­naan­ngilaq.“

Qanoq-una isumaqar­toq? Eq­qor­tumik oqaatigalugu ajoqersuk­kami eq­qarlimin­nik uumis­suinis­saat pin­ngilaa. Aap, oqaasii ima paasisariaqar­put ajoqersugaasa eq­qarlimin­nit Jesus asanerus­sagaat. Jesusip siuaasaa Jakob pil­lugu al­las­simavoq (nutsik­kani pisoq­qani) Lea qin­ngarsoraa Rakelilu asal­lugu, tas­sa Leamit qatan­ngutaa Rakel asanerugaa.

Eq­qarsaatigiut­taaq Jesus oqarmat ajoqersuk­kap al­laat „nam­mineq inuunini“ uumigis­sagaa. Taman­nat­taaq isumaqar­poq ajoqersuk­kap ilumoor­tup Jesus nam­mineq inuunerminit pingaar­tin­nerus­sagaa. Jesusip erseq­qis­sar­niar­paa im­minut ajoqersugan­ngor­neq akisus­saaf­fim­mik an­ner­tuumik nas­sataqar­toq. Taama akisus­saaf­feqaler­tin­nani eq­qarsaatigeq­qis­saaq­qaar­tariaqar­poq.

Soorlu Jesusip nangil­luni takutik­kaa, im­minut ajoqersugaaneq an­nikil­lior­nermik malersugaanermil­lu nas­sataqar­tar­poq: „[Nap­pak­kamik naal­liutsitaaf­fim­minik, NV] ersun­ngitsoq malin­nangalu taan­na uan­nut ajoqersugaasin­naan­ngilaq.“ Jesusimut ajoqersuk­kap ilumoor­tup taas­sumatut asis­sugaanerup ator­nis­saanut piumas­suseqar­tariaqar­poq, pisariaqar­pal­lu Guutip akeraanit toqutaas­sal­luni, soorlu Jesus qanit­tuk­kut pineqarumaar­toq.

Taamaat­tumik Jesusimut ajoqersugan­ngor­tin­natik inup­pas­suit eq­qarsaq­qis­saar­tariaqar­put. As­sersuusiorluni Jesusip taman­na erseq­qis­sar­paa: „Kinami ilarsi qaqif­filiorumaguni ingik­kal­las­san­ngin­ner­pa akis­saa naatsorsorlugu — iner­nis­saanut akis­sani piginerini? Tun­ngavilersimal­lugu iner­neq ajuleraluaruniuk takun­nit­tunut tamanut mitaatigileq­qunani, oqaq­qunagit: ’Inuk una il­luliuleraluarami iner­neq ajuleqaa.’“

As­sersuusiaq taman­na ikior­tigalugu Jesusip inup­pas­suar­nut malitsiminut erseq­qis­sar­paa im­minut ajoqersugan­ngor­tin­natik pisus­saaf­fin­nik tamatuma nas­satarisas­saanik naam­mas­sin­nin­nis­sar­tik aalajangiul­luin­nar­tariaqaraat — soorlu qaqif­filior­niar­tup iner­nis­saanut akis­saqar­nerluni naatsorsoq­qaar­taraa. Jesus al­lamik as­sersuusioq­qip­poq: „Kun­ngiusoq kinaluun­niit kun­ngimut al­lamut sorsuk­kiar­tus­saguni ingik­kal­las­san­ngin­ner­pa isumaliorluni, qulinik tusindilin­nik ilaqarluni or­nitsini marlun­nik qulilin­nik tusindilin­nik ilaqar­toq paariar­torsin­naanerini? Pisin­naan­ngik­kuni in­na suli ungasik­kal­lar­til­lugu oqariar­tor­tus­sat al­lar­tit­tar­pai eq­qis­sivis­sioqatigiin­nis­saq isumaqatigiis­sutiginiarlugu.“

Jesusip as­sersuusiamini pingaar­nerusoq tik­kuar­paa oqarluni: „Taamat­taaq ilarsi kinaluun­niit pigisaminik tamanik isumak­kiin­ngitsoq ajoqersugarisin­naan­ngilara.“ Aap, inup­pas­suit Jesusimut malin­nit­tut, taas­sumin­ngalu ilisarsisut al­lat tamarmik, suut tamaasa — pigisamik tamaasa, aap inuunermik al­laat — isumak­keer­nis­saan­nut piumas­suseqar­tariaqar­put taas­sumun­nga ajoqersugan­ngorusuk­kunik. Il­lit taamaalior­nis­samut piumas­suseqar­pit?

„Tarajoq ajun­ngilaq,“ Jesus nangip­poq. Qaq­qami oqaluutsimini ajoqersuk­kani ’nunap tarajua’-nik taasimavai, tas­sa inuit aserutsaalil­lugit inuuin­nar­tin­neqar­nis­saan­nut peqataasin­naap­put, soorlu eq­qor­tumik oqaatigalugu tarajoq aserutsaaliutaasoq. „Tarajorli kimeerup­pat sumik kingumut pik­kunarsar­neqas­sava? Nunamul­luun­niit naggoris­saatinul­luun­niit ator­tus­saajun­naas­saaq,“ Jesus naggasiivoq. „Igitas­saan­naal­lunili. Tusarsin­naasunik siutilik tusarli!“

Taamaalil­luni Jesusip takutip­paa sivisungaatsiar­tumik im­minut ajoqersugaasimasut suliamin­nik ingerlatsiin­nar­nis­samin­nik aalajangersimaner­tik san­ngiil­lisit­tariaqan­ngik­kaat. San­ngiil­lisik­kaluarunik­ku atorsin­naajun­naas­sap­put, silamiunit il­laruaatigisas­san­ngor­titaal­lutik Guutimil­lu atorsin­naan­ngitsutut isigineqalerlutik, aap, eq­qor­tumik oqaatigalugu Guutimut mitaatigin­nin­nerusumik. Taratsutut mingut­tuutut kimeerus­simasutut igitaas­sap­put — suujun­narsitaas­sal­lutik. Lukas 14:25-35; 1 Mosesimik allakkat 29:30-33; Mattæus 5:13.

▪ Jesusip ajoqersugaasa eq­qarlitik nam­minerlu inuuner­tik ’uumigis­sagaat’ qanoq paasisariaqar­pa?

▪ As­sersuusiat marluk suut Jesusip ator­pai, qanorlu paasisariaqar­pat?

▪ Tarajoq pil­lugu Jesusip oqaasii qanoq isumaqar­pat?