Kapitali 72

Jesusip 70-it aallartippai

UKIUMI 32-mi ukiaavoq, ukiut pingasut Jesusip kuisin­neranit qaangius­simap­put. Taas­suma ajoqersugaasalu Jerusalemimi tupiusaliorfim­mik nal­lius­sivik najuuf­figisimavaat, sulilu tamatuma eq­qaaniin­nguatsiar­put. Kif­far­tor­nermi qaam­mataasa kingul­liit arfinil­lit an­nersaat Judæami imaluun­niit Peræami Jordanip kuus­suata il­luatungaaniit­tumi Jesusip ator­pai. Tamaanis­saaq oqaluus­sineqas­saaq.

Ukiumi 30-mi poorskip kingor­nagut Jesus qaam­matini arfineq-pingasuni Judæami oqaluus­sereersimavoq. Ukiumili 31-mi poorskip nalaani juutit toqun­niareeraan­nilu ukioq ataaseq af­farlu an­nerusutigut Galilæami ajoqersuisar­poq. Pif­fis­sami tamatumani oqaluus­sisar­tor­pas­suit aaq­qis­suus­sif­figai ajoqersorlugil­lu. Ataatsimoor­tut taama amerlatigisut sior­natigut suleqatigisiman­ngilai. Maan­nak­kul­lu Judæami naggataarutaasumik tamaviaar­tumik oqaluus­siniar­nersuaq aal­lar­tip­paa.

Oqaluus­siniar­nersuaq taman­na aal­lar­tip­paa ajoqersuk­kat 70-it qinerlugit marluk­kuut­taarlugil­lu aal­lar­til­lugit. Taamalil­luni oqaluus­seqatigiit 35-it oqaluus­sif­fis­sami oqaluus­sisus­san­ngor­put. Taak­ku siuarlutik Jesusip qular­nan­ngitsumik apustilini ilagalugit or­nigas­saan­nukar­tar­put.

Jesus oqan­ngilaq 70-it taak­ku naalagiar­tarfin­nukas­sasut, naamik, inuit angerlarsimaf­fiinukas­sap­put. Ima nas­suiaavoq: „Il­lumut sumul­luun­niit iseraangas­si ima oqaq­qaar­taritsi: ’Il­lu man­na eq­qis­sinarsili.’ Tas­sanilu eq­qis­sinermik pis­suseqar­toqar­pat eq­qis­seq­qus­sutis­si taan­na unin­ngavigis­savaa.“ Suna tusarliutis­savaat? Jesusip oqalut­tuaraa: „Oqarfigi[sigik]: ’Guutip naalagaaf­fia ilis­sin­nut qanil­livoq.’“ Taman­na pil­lugu atuak­kiaq Matthew Henry’s Commentary oqalut­tuar­poq: „Sumul­luun­niit pigaangamik, illumiit illumut oqaluussisarput, soorlu Naalagar­tik ilior­toq.“

Un­nersuus­sutit Jesusip 70-inut tun­nius­sai un­nersuus­sutinut ukioq ataaseq tamatuma sior­nagut aq­qaneq-marluk Galilæamut oqaluus­siar­tor­tik­kamigit un­nersuus­sutaanut as­singup­put. 70-it as­sor­tor­neqar­nis­saan­nik mianersoq­quai piareersarlugil­lu tusagas­samik inun­nut tusarlius­sinis­saan­nut, aam­mali nap­parsimasunik ajorun­naarsitsinis­saan­nut pigin­naas­susiler­pai. Taava Jesus nam­mineq kingor­nan­ni tikip­pat, inup­pas­suit Naalagaq taan­na tupin­nangaar­tumik suliaqarsin­naasunik ajoqersugaqar­toq naapis­sal­lugu pis­san­ngatigis­savaat.

Ajoqersuk­kat 70-it oqaluus­sinerat kingor­nanilu Jesusip sulinera sivisual­laan­ngilaq. Sivitsun­ngitsoq oqaluus­sisar­toqatigiit 35-it Jesus uterfigaat nuan­naarlutil­lu oqalut­tuul­lugu: „Naalagaq! Anersaapiluit aq­qit pil­lugu al­laat naalap­paatigut.“ Qular­nan­ngitsumik Jesusip kif­far­tuus­sinermik nalunaarut taman­na pitsaasoq qiim­matsaatigaa, akivaami: „Satan takuara in­naal­lan­nersuar­tut qilam­mit nak­kar­toq. Ata, pigin­naas­suseqar­tip­pas­si pulateriaarsuit skor­pionil­lu tum­marsin­naaq­qul­lugit.“

Jesusip nalun­ngilaa naggatis­sap nalaani Guutip naalagaafiata pilersin­neqar­nerata kingor­na Satan anersaapiluilu qilam­mit igitaajumaar­tut. Maan­nalu al­laat inuit anersaapilun­nik takus­saan­ngitsunik anisitsisin­naam­mata tamatuma piumaar­nis­saa up­per­narsar­neqaq­qip­poq. Taamaat­tumik Satanip siunis­sami qilam­mit igitaajumaar­nis­saa Jesusip ima qularin­ngitsigigamiuk pereersimasutut eq­qar­tor­paa. Tas­sa ajoqersuk­kat 70-it pulateriaarsun­nik skor­pioninil­lu tum­maasin­naanis­saat as­sersuutitut paasisariaqar­poq. Jesusili nangip­poq: „Taamaat­torli man­na tipaatsuutigis­san­ngilarsi anersaat naalatsigigas­sigik; tipaatsugitsili atisi qilam­mi al­las­simam­mata.“

Jesus qiimasup­poq inuil­lu tutsaan­ni Ataatani un­nersiutigalugu taas­suma kif­fat maniguut­tut taama kimit­tutigisumik atormagit. Ajoqersuk­kani oqarfigai: „Pil­luar­put isit takusas­sin­nik takun­nit­tut. Oqarfigaas­simi: pruf­fiitit kun­ngil­lu amerlasuut takusarsi takujumagaluar­paat, takunaguli, tusagarsilu tusarumagaluar­paat tusar­naguli.“ Lukas 10:1-24; Mattæus 10:1-42; sarĸúmersitat 12:7-12.

▪ Kif­far­tor­nermi ukiuini pingasuni siul­ler­ni Jesus sumi oqaluus­siva, kif­far­tor­nermilu qaam­mataani arfinilin­ni kingul­ler­ni sumi oqaluus­siva?

▪ Ajoqersuk­kat 70-it sumi inuit naapin­nias­savaat?

▪ Sooq Jesusip Satan qilam­mit nak­kar­toq takunerarsin­naavaa?

▪ Ajoqersuk­kat 70-it pulateriaarsun­nik skor­pioninil­lu tum­maasin­naanerat qanoq paasisariaqar­pa?