Kapitali 92

Jesusip Jerusalemiliar­nerani kingullermi pupissut qulit ajorunnaar­sitaapput

SANHEDRINIMUT ilaasor­tat toqun­nis­saminik pilersaarutipilui Jesusip pitsaalivai, Jerusalem qimak­kamiuk Efraimiliarluni, il­loqarfim­mut Jerusalemip avan­naata kangiani 24 kilometerisut ungasitsigisumiit­tumut. Tas­sani, akeq­qanit ungasil­luni, ajoqersuk­kani ilagalugit unik­kal­lar­poq.

Ukiumili 33-mi poorski qanil­liar­tor­poq, taamaat­tumil­lu Jesus er­niin­naq aal­laq­qit­tariaqar­poq. Samariak­koorluni Galilæamut aal­lar­poq. Toqutin­nani naggam­mik taman­na tikeraar­paa. Galilæamiitil­lutik ajoqersuk­kanilu qular­nan­ngitsumik Jerusalemimut poorskisioriar­tor­tunut al­lanut ingerlaqataaler­put. Jordanip kangiani, Peræa aq­qutigalugu ingerlap­put.

Angalanerup aal­laq­qaataata tungaani, Samariamiun­ngik­kuni Galilæami, nunaqarfim­mi tikif­figisamini angutinit pupis­sunit qulinit Jesus naapin­neqar­poq. Nap­paatip amiilaar­nar­tup tamatuma kigaatsumik pupis­sup avatai nungujar­tor­tip­pai — as­saani isigaanilu inuai, siutai, qingaa qarluilu. Al­lat tunil­latseq­qunagit Guutip inatsisaani pupis­soq kinaluun­niit pil­lugu ima aalajangersagaqar­poq: „Umini as­sersimas­savai imalu suaar­tar­tarluni: ’Mingut­tuujuvunga, mingut­tuujuvunga!’ Taama it­tumik ajoquteqar­til­luni mingut­tuujuvoq. . . . Tam­maarfiul­lu avataani najugaqas­sal­luni.“

Pupis­sut pil­lugit inas­sut taak­kua qulit maleruar­paat, taamaat­tumil­lu Jesusimit ungasiar­tumi qeqar­put suaar­tarlugulu: ’Jesus, ajoqersuisoq, naak­kigitigut!’

Jesusip takuleramigit peq­quai: „Palasinut takutik­kiar­toritsi!“ Jesus taama oqar­poq Guutip inatsisai naaper­torlugit pupis­sut ajorun­naar­pata peq­qis­sisimaneran­nik palasit nalunaarutigin­nit­tus­saatin­neqarmata. Inuit peq­qis­sut akor­nan­ni inooq­qiler­nis­saan­nik palasit akuersis­sutigin­nit­tus­saap­put.

Pupis­sut qulit Jesusip tupin­nar­tuliorsin­naanera up­peraat, sulilu ajorun­naan­ngik­kaluarlutik palasinut sas­sariar­torasuar­put. Ingerlatil­lugit Jesusimut up­per­nermin­nut akiler­neqar­put. Ajorun­naariar­tuler­ner­tik malugisin­naal­lugulu takusin­naaler­paat!

Pupeerut­tut qulit ilaat qulingiluat ingerlaq­qiin­nar­put. Taak­kunan­nga ataasiin­naq, samariamiu, Jesus ujar­niarlugu uter­poq. Sooq? Iliorfigineqar­nini qujamasuutigeqigamiuk. Nipituumik Guuti un­nersiutigaa, Jesusilu nanigamiuk isigaasa saan­nut pal­lor­poq qutsavigalugulu.

Taamaat­tumik Jesus aperaaq: „Pupeerut­tut quliun­ngin­ner­pat? Naam­mi taak­ku [qulingiluat]? Guuti naalan­narsisis­sal­lugu al­lanik uter­toqan­ngila, una takor­nar­taq kisimi uter­pa?“

Nangil­lunilu samariamiu oqarfigaa: „Makil­lutit ingerlagit; up­per­ner­pit an­naap­paatit!“

Jesusip pupis­sunik qulinik ajorun­naarsitsinera atuaraangatsigu apeq­qutigisaa eq­qarsaatigisariaqar­par­put: „Naam­mi taak­ku [qulingiluat]?“ Qujamasun­ner­tik takutin­ngin­namik­ku erseq­qip­poq as­suar­naateqaqisut. Samariamiu as­sigalugu, uagut Guutimit tun­niun­neqar­tut, as­sersuutigalugu Guutip silarsuas­saani naaper­tuil­luar­tumi inuunermik naas­saan­ngitsumik neriuutis­saq qular­naatsoq, qujamasuutiginer­pavut? Johannes 11:54, 55; Lukas 17:11-19; 3 Mosesimik allakkat 13:16, 17, 45, 46; sarĸúmersitat 21:3, 4.

▪ Qanoq ilil­luni Jesusip juutit toqun­nis­saminik pilersaarutaat pitsaalivai?

▪ Jesus sumun­nar­pa, or­nigaalu sumiip­pa?

▪ Pupis­sut sooq Jesusimit ungasiar­tumiip­pat, sooq Jesusip palasinukaq­quai?

▪ Oqalut­tuaq taman­na qanoq ilin­niutigisin­naavar­put?