Kapitali 20

Jesusip Kanami tupinnar­tuliornerisa aappaat

JUDÆAMI oqaluus­sinermik an­ner­tuumik suliaqareerluni Jesus najuk­kaminut uterami siuner­tarin­ngilaa suliami unitsin­nis­saa. Sulias­sarli suli an­nerusoq peroriar­torfim­mini Galilæami aal­lar­tip­paa. Ajoqersugaasali najorun­naar­paat. Ilaqut­tatik suliarisimasatil­lu uterfigeq­qip­paat.

Tusarlius­saruna suna Jesusip oqaluus­sis­sutigileraa? Tusarlius­saq man­na: ’Guutip naalagaaf­fia qanil­livoq. Al­lamik isumataaritsi tusagas­sarlu nuan­nersoq up­perisiuk.’ Inuit qanoq qisuariar­pat? Galilæamiut Jesus ilas­sil­luar­paat. Tamanit nersugaaler­poq. Tamatumun­nga pis­sutaaner­paasoq tas­saan­ngilaq tusarlius­saa, tas­saal­lunili qaam­matialun­nguit sioq­qul­lugit Jerusalemimi poorskimi nalunaaq­qutiliai eq­qumiitsut.

Jesusip Galilæami oqaluus­sinini an­ner­tooq il­loqarfim­mi Kanami aal­lar­nersiman­nguatsiar­paa. Eq­qaamas­san­nguatsiar­pat Jesusip, Judæamut utereerluni, tamaani katit­torsior­tunut ilaatil­luni imeq viin­nin­ngor­tik­kaa. Tamatumuuna Kun­ngi Herodes Antipasip atorfilit­taasa ilaata saaf­figaa er­nini nap­parsimasorujus­suum­mat. Atorfil­lip taas­suma tusaramiuk Jesus Galilæamit Kanamut tikis­simasoq, najuk­kaminit Kaper­naumimit, aq­qus­sua tamaat atorlugu, aal­lar­poq nanerusul­lugu. Aliasup­paloqaluni qinor­paloqalunilu oqarfigaa: ’Qitor­nara toqun­ngik­kal­lar­til­lugu tasamun­nar­na.’

Jesusip akivaa: ’Angerlaan­narit, er­nerit ajorun­naar­poq!’ Herodesip atorfilit­taata up­peraa aq­qus­sualu sivisoqisoq atorlugu angerlamut aal­larluni. Aq­qutaani kif­faasa parsiar­paat; tuaviorsimap­put nalunaarfiginiarlugu suut tamarmik ajun­ngitsut — er­nera ajorun­naarsimasoq! ’Qanga ajorun­naar­pa?’ aperai.

’Ip­pas­saq nalunaaqut­tap akun­nerisa arfineq-aap­paata [tas­sa nalunaaqutaq 13-ip] nalaani,’ akivaat.

Atorfil­lip nalun­ngilaa nalunaaqut­tap taamaalineraner­piaq Jesus oqar­toq: ’Er­nerit ajorun­naar­poq!’ Kingor­na angut taan­na inoqutaalu tamarmik Kristusimut ajoqersugan­ngor­put.

Kana, Jesusip Judæamit uter­nini takutin­niarlugu marloriarluni tupin­nar­tuliorfigim­magu, sal­liutin­neqar­tutut oqaatigineqarsin­naavoq. Soorunami man­na tikil­lugu tupin­nar­tuliarisimasai marluin­naan­ngil­lat, taak­kuli marluk im­mik­kut it­tuup­put Galilæamut uter­nera ersersik­kamik­ku.

Maan­na Jesus Nazaretimut angerlamut aal­lar­poq. Pisus­sap suup taavani utaq­qivaa? Johannes 4:43-54; Markus 1:14, 15; Lukas 4:14, 15.

▪ Jesus Galilæamut utermat ajoqersugai sup­pat, qanorlu inuit Jesus ilas­sivaat?

▪ Jesus sumik tupin­nar­tulior­pa, tamatumin­ngalu misigitin­neqar­tut qanoq qisuariar­pat?

▪ Kana qanoq Jesusimit sal­liutin­neqar­pa?