Kapitali 14

Jesusip ajoqersugai siulliit

UL­LUT 40-t puilasuitsumeereerluni Jesus Johan­nesimut, kuisisiminut, uter­poq. Agger­nerani Johan­nesip tik­kuan­nguatsiarlugu najuut­tut oqarfigai: „Tas­sa Guutip savaaraa silamiut ajor­taan­nik ersut­toq! Taan­naavoq oqaatigisara: Angut kingunik­kut pis­sasoq siunin­niit­toq, uan­nim­mi siul­liuvoq.“ Johan­nes il­luminit Jesusimit angajul­liugaluarluni nalun­ngilaa Jesus siul­liul­luni qilam­mi anersaatut kinaas­susiliul­luni inuusimasoq.

Sapaatit-akun­ner­paaluili tamatuma sior­na, Jesus kuisik­kiar­torluni aggermat, taas­suma Mes­siasin­ngor­nis­saa Johan­nesip ilisimal­luarsimagunan­ngilaa. „Ilasarin­ngik­kigalu,“ Johan­nesip miserratigin­ngilaa, „Israelik­kun­nul­li ilisarileq­qul­lugu tikiup­punga imermik kuisiar­torlunga.“

Taava Jesusip kuisin­nerani pisimasut Johan­nesip eq­qar­tor­pai: „Anersaaq takuara tuisut qilam­mit aq­qar­toq taas­sumalu qulaaniit­tualersoq. Ilisarin­ngik­kigalu, kisian­ni imermik kuisiar­toq­qusisima oqarfigim­manga: ’Anersaap aq­qarfigisaanik qulangersimajuagaanil­lu takun­nileruit taan­naas­saaq, anersaamik il­ler­nar­tumik kuisisoq.’ Takugak­kulu nalunaajaas­sutigaara taan­naasoq Guutip Er­nera.“

Aqaguani Johan­nes ajoqersuk­kani marluk ilagalugit qeqar­poq. Jesus qanil­liar­tor­til­lugu oqar­poq-aasiit: „Tas­sa Guutip savaaraa!“ Johan­nes Kuisisup ajoqersugaasa ilaasa marluk taak­kua taman­na tusaramik­ku Jesus malip­paat. Siul­leq tas­saavoq Andreas, aap­paalu tas­saal­luni Johan­nesimis­saaq atilik, qular­nan­ngitsumik tamak­ku pil­lugit al­las­simasoq. Johan­nes taan­na Mariap qatan­ngutaata Salomep er­nerin­nguatsiar­paa, taamaat­tumil­lu aam­ma Jesusip il­lorisimas­sal­lugu.

Jesusip tunumut qiviarami Andreasip Johan­nesil­lu malik­kaan­ni takugamigit aperai: „Suna ujar­pisiuk?“

„Rabbi! (ajoqersuisoq),“ aperaat,“sumi il­lusim­maveqar­pit?“

„Takujar­torsiuk!“ Jesusip akivai.

Ualik­kut nalunaaqutaq sisamat mis­saan­niip­poq, ul­lul­lu sin­nera Andreasip Johan­nesil­lu Jesus najor­paat. Kingunerileraa Andreasip qiim­matsangaarami qatan­ngun­ni Peterimik atilik qinerasuar­paa. „Mes­sias [nanivar­put, NV]“ piler­paa. Peterilu Jesusimukaap­paa. Aam­mat­taaq im­maqa Johan­nesip tas­sani qatan­ngun­ni Jakob nanivaa Jesusimul­lu ingerlal­lugu; kisian­ni Johan­nesip pisar­nermisut taman­na ilaqut­taminut qanigisaminut tun­ngasoq iivangkiiliumini eq­qaasiman­ngilaa.

Aqaguani Jesusip Filip nanivaa oqarfigalugulu: „Malin­nga.“

Filip­pil­lu Natanael, aam­mat­taaq Bar­tolomæusimik taaneqar­tar­toq, nanivaa oqarlunilu: ’[Nanivar­put, NV] taan­na Mosesip inatsisitigut oqaatigisaa pruf­fiitil­lu oqaatigisaat, Jesus Josefip er­nera Nazaretimiu.’ Natanaelili nalor­nisoor­poq. „Suna ajun­ngitsoq Nazaretimit pis­sava?“ aperaaq.

„Takujar­toruk!“ Filip ilungersuum­merluni oqar­poq. Tikilerman­ni Jesus Natanael pil­lugu oqar­poq: „Tas­sa ilumut israelik­kuusoq peq­quserlun­nermik ilumiugisaqan­ngitsoq.“

„Sumit ilisaraanga?“ Natanael aperaaq.

„Filip­pip qaaq­qun­ngik­kal­larmatit fiigequs­suup ataaniitil­lutit takuak­kit,“ Jesus akivoq.

Natanaelilu tupaal­lal­luni akivoq: „Rabbi! [ajoqersuisoq] Il­lit taan­naavutit Guutip Er­nera Israelip kun­ngia.“

„Fiigequs­suup ataaniitil­lutit takugik­kit oqarama up­per­pit?“ Jesus aperaaq. „Taak­kunan­nga an­nerusunik takujumaar­putit.“ Nangil­lunilu neriorsuivoq: „Ilumut, ilumut oqarfigaas­si: Qilak takusarumaar­parsi am­masoq Guutil­lu in­ngilii Inuup Er­neranut pavun­nar­tar­tut aq­qar­tar­tul­lu.“

Kingunitsian­ngua Jesusip ajoqersugar­taani ilagalugit Jordanip Qoorua qimap­paa, Galilæamul­lu aal­larluni. Johannes 1:29-51.

▪ Jesusip ajoqersugai siul­liit kik­kuup­pat?

▪ Peter im­maqalu aam­ma Jakob qanoq ilil­lutik Jesusimut ilisaritin­neqar­pat?

▪ Suup Natanael qularun­naarsip­paa Jesus Guutip er­nerigaa?