Kapitali 34

Jesusip apustilini toqqarpai

JOHAN­NES KUISISUP Jesusimik Guutip savaaraatut ilisarititsineranit Jesusil­lu tamanut kif­far­tuus­siler­neranit ukioq ataaseq af­farlu qaangiup­put. Tamatuma nalaani Filipip Natanaelil­lu (aam­ma Bar­tolomæusimik taaneqar­tup), saniatigut Andreas, Simon Peter, Johan­nes im­maqalu Jakob (Johan­nesip qatan­ngutaa) siul­liul­lutik Jesusimut ajoqersugan­ngorsimap­put. Kingusin­nerusuk­kut amerlasuut ilan­ngup­put Jesusilu malilerlugu.

Jesus apustilimi toq­qar­nis­saan­nut piareer­poq. Taak­ku qanin­ner­paamik suleqatigis­savai, im­mik­kul­lu it­tumik ajoqersor­neqas­sap­put. Toq­qan­ngin­neran­nili qaq­qamukar­poq un­nuarlu naal­lugu qinul­luni, qular­nan­ngitsumil­lu ilisimas­suseq Guutil­lu pil­luaq­qusinis­saa qin­nutigalugit. Ul­laan­ngormat ajoqersuk­kani qaaq­quai taak­kunan­ngalu aq­qaneq-marluk toq­qarlugit. Suli Jesusip ilin­niar­titarim­matik suli ajoqersuk­kanik taaneqar­tar­put.

Jesusip toq­qagaasa ilaat arfinil­lit — qulaani eq­qaaneqareersut — tas­saap­put Jesusimut ajoqersugan­ngor­tut siul­liit. Mat­tæus, akileraaruserivim­minit qaaq­quneqarsimasoq, aam­ma toq­qagaavoq. Toq­qak­kat sin­neri tal­limat tas­saap­put Judas (aam­ma Taddæusimik taaneqar­toq), Judas Iskariot, Simon Ilungersor­ner­tooq Kananimiu, Thomas Jakobilu, Alfæusip er­nera. Taan­na aam­ma taaneqar­poq Jakob Min­neq, im­maqa apustilimit al­lamit Jakobimit min­nerum­mat, im­maqaluun­niit nukarlium­mat.

Jesusip aq­qaneq-marluk sivisungaatsiar­tumik ilagereersimavai, ilisarisimal­luar­paalu. Aam­mami arlal­lit eq­qarlerai. Jakob qatan­ngutaalu Johan­nes Jesusip il­lorin­nguatsiar­pai; qular­nan­ngitsumil­lu Alfæusip Josef, Jesusip angutisiaa, qatan­ngutigaa. Taamaap­pal­lu apustili Jakob, Alfæusip er­nera, aam­ma Jesusip il­loraa.

Soorunami Jesusip apustilimi aq­qi eq­qaamal­luarsin­naavai. Il­lil­li eq­qaamasin­naavigit? Eq­qaamaan­nas­savat marluk Simonimik ateqar­tut, marluk Jakobimik ateqar­tut, marlul­lu Judasimik ateqar­tut, Simonilu qatan­nguteqar­toq Andreasimik, Jakobilu qatan­nguteqar­toq Johan­nesimik. Taamatut apustilit arfineq-pingasut aq­qi eq­qaamasin­naavatit. Sin­neri sisamat tas­saap­put akileraaruserisoq (Mat­tæus), kingor­na qulaleraluar­toq (Thomas), or­piup ataani qaaq­quneqarsimasoq (Natanael), ikin­ngutaalu Filip.

Apustilit aq­qanil­lit Galilæameersuup­put, Jesusip aggerfianit. Natanael Kanameersuuvoq. Filip, Peter Andreasilu Betsajdamiuusimap­put. Peterili Andreasilu kingusin­nerusuk­kut Kaper­naumimut, qular­nan­ngitsumik Mat­tæusip najugarisimasaanut, nuus­simap­put. Jakob Johan­nesilu aalisar­tuup­put qular­nan­ngitsumil­lu aam­ma Kaper­naumimi eq­qaaniluun­niit najugaqarsimal­lutik. Apustilinit Judas Iskariot, kingor­na Jesusimik kil­luutigin­nit­toq, kisimiun­nguatsiar­toq Judæameersuuvoq. Markus 3:13-19; Lukas 6:12-16.

▪ Apustilit kik­kut Jesusip eq­qarlerin­nguatsiar­pai?

▪ Jesusip apustilii qanoq ateqar­pat, qanorlu ilil­luni aq­qi eq­qaamaneqarsin­naap­pat?

▪ Apustilit sumin­ngaan­neersuup­pat?