Kapitali 19

Jesusip arnaq Samariamiu ajoqersoraa

JUDÆAMIN­NGAAN­NIIT Galilæamut ingerlaar­til­lutik Jesusip ajoqersugaasalu nunap ilaa, Samaria, aq­qusaar­paat. Angalanermin­nit qasul­lutik ualigaa puilasuliap, il­loqarfiup Sykarip qanit­tuaniit­tup, eq­qaani unil­latsiar­put. Puilasuliaq taman­na ukiut hundredel­lit arlaqar­tut tamatuma sior­nagut Jakobimit as­san­neqarsimavoq, sulilu ul­lumik­kut atal­luni, il­loqarfiup Nablusip qanit­tuani.

Jesus tamaani qasuersaar­til­lugu ajoqersugai nerisas­samin­nik pisiniariar­torlutik il­loqarfiliar­put. Ar­naq Samariamiu imer­tarluni tak­kum­mat Jesusip oqarfigaa: ’Im­misin­nga.’

Paqumisun­neq at­tat­tuar­neqarsimasoq pis­sutaal­luni taamani juutit Samariamiul­lu akaareqatigiin­ngitsuup­put. Taamaat­tumik ar­naq tupaal­lal­luni aperaaq: „Sooq juutiul­lutit uan­nut im­miseq­qusin­naavit, uangalu samariamiut ilagigaan­nga?“

„Ilin­nut im­miseq­qusoq kinaasoq ilisimagaluaruk­ku taava qin­nuigeq­qajaqaat, taas­sumalu imermik puilasuim­mik tunis­sagaluar­paatit!“ Jesus akivoq.

„Naalagaq,“ ar­nap oqarfigaa, „imer­taateqan­ngilatil­luun­niit, puilasuliarlu man­na itisoorsuuvoq. Sumim­mi taava puilasuim­mik imiuteqas­savit? Ataatatsin­nit Jakobimit an­neruit? Taas­suma puilasuliamik matumin­nga tunivaatigut, tas­san­ngalu nam­mineq qitor­nanilu nersutaatinilu imer­put.“

„Imermik matumin­nga imer­toq kingumut imerusulis­saaq,“ Jesus oqar­poq. „Imermil­li tun­niuk­kumasan­nik imer­toq imerusus­saavil­luin­nas­saaq, imeq taas­sumun­nga tun­niuk­kumasara iluani puilasun­ngorumaarmat puilajuas­sasoq inuunermut naas­saan­ngitsumut.“

„Naalagaq, imermik tamatumin­nga tunin­nga imerusoq­qunanga maangalu imer­tariar­tor­taq­qunanga,“ ar­nap oqarfigaa.

Taava Jesusip oqarfigaa: „Uiit qaaq­qujar­toral­laak tamaangalu uterlutit.“

„Ueqan­ngilanga,“ ar­naq akivoq.

Ar­nal­lu oqar­nera Jesusip up­per­narsar­paa oqarluni: ’Ilumoor­putit oqaravit: „Ueqan­ngilanga.“ Tal­limanik ueqaraluaravit maan­na pigisat uigin­ngilat.’

„Naalagaq! malugaak­kit pruf­fiitiusutit,“ ar­naq tupigusul­luni nil­ler­poq. Ar­nap anersaamut tun­ngasunik soqutigin­nin­nini ersersip­paa oqarami Samariamiut ’qaq­qami matumani [Garizimip Qaq­qaani, qanit­tumiit­tumi] pal­lor­tar­tut, taak­kuli [juutit] oqar­tar­tut pal­lorfigis­saq Jerusalemimiit­toq’.

Jesusip erseq­qis­sar­paa sumi pal­lorfigin­nit­tar­neq pingaar­ner­paajun­ngitsoq. „Ul­lut nal­liuk­kumaar­put,“ oqar­poq, „taava pal­lorfigin­nit­tut ilumoor­tut Ataataq pal­lorfigis­savaat anersaak­kut it­tumik ilumoor­tumil­lu. Pal­lorfigisinimi taamaat­tut Ataatap piumavai. Guuti anersaavoq, taas­sumin­ngalu pal­lorfigin­nit­tut anersaak­kut it­tumik ilumoor­tumil­lu pal­lorfigis­savaat.“

Ar­naq tupigusut­torujus­suuvoq. „Mes­sias (tas­sa Kristus) tikiut­tus­saq tusarsimavara,“ oqar­poq. „Taas­suma tikiuk­kuni tamanik nalunaarfigiumaar­paatigut.“

„Uangaana oqaluf­figisit,“ Jesus nalunaar­poq. Eq­qarsaatigeriaruk! Ar­naq taan­na, im­maqa ar­nat il­loqarfim­miit­tut inooriaatsini pil­lugu im­minik narrugin­nit­tut ingalas­simaniaan­narlugit, ualik­kut imer­tarluni tamaan­narsimasoq, nuan­ningaar­tumik Jesusimit ajun­ngisaarfigineqar­poq. Taas­suma iser­tuarani inum­mut al­lamut oqalut­tuarisiman­ngisani ar­namut toq­qaan­nar­tumik oqalut­tuaraa. Taman­na qanoq kinguneqar­pa?

Samariamior­passuit uppertun­ngorput

Ajoqersuk­kat nerisas­sanik nas­sarlutik Sykarimit uteramik, Jesus suli Jakobip puilasuliaata eq­qaaniit­toq tikip­paat, Samariamiumik ar­namik oqaloqateqar­toq. Ajoqersuk­kat tikium­mata ar­naq imer­taatini qimaan­narlugu il­loqarfim­mukar­poq.

Jesusip oqalut­tuarisai soqutigisorujus­suuai, il­loqarfim­milu inun­nut oqalup­poq: „Inuk takujar­torsiuk. Taas­suma qanoq ilior­nin­nik tamanik taasif­figaanga.“ Alaper­naan­nerulersin­niarlugit aperai: „Kristusiun­ngin­nerluni?“ Kis­saatigisaatut sun­niup­poq — inuit tusagar­tik up­per­narsiniarlugu il­loqarfim­mit aniap­put.

Taamaalinerani ajoqersugaasa Jesus nerisas­sanik il­loqarfim­mit aggius­simasamin­nit nereq­qul­lugu kajumis­saar­paat. Akivorli: „Neqis­samik ilisiman­ngisas­sin­nik nerisas­saqar­punga.“

„Nerisas­samik pajun­neqar­nerami?“ ajoqersugai apereqat­taap­put. Jesus nas­suiaavoq: „Neqis­sara tas­sa aal­lar­titsisima peq­qusaa malil­lugu suliareq­qusaalu naam­mas­sil­lugu. Ima oqar­tarin­ngin­ner­pisi: ’Qaam­matit sisamat naap­pata katersuif­fik nal­liutis­saaq’?“ Katersuif­fil­li anersaak­kut it­toq in­nersuus­sutigiitigalugu nangip­poq: „Isisi aarlor­tis­sigik, narsal­lu qimerloorsigik, katersugas­saqalereermat qaqor­tip­put. [Maan­nangaaq, NV] katersuisoq akis­sarsisaraaq inerit­tunik inuunermut naas­saan­ngitsumut qimatulil­luni, siaruar­terisorlu katersuisorlu tipaatsoqatigeeq­qul­lugit.“

Im­maqa ar­namik Samariamiumik oqaloqateqar­nermi sun­niutaa an­ner­tooq Jesusip takusin­naalereer­paa — tas­sa ar­nap nalunaajaanera pis­sutigalugu amerlasuut im­minut up­per­tun­ngor­tut. Ar­nap Sykarimiut oqaluus­sif­figai: „Qanoq ilior­nin­nik tamanik taasif­figaanga.“ Inuit il­loqarfim­meersut puilasuliap eq­qaanut pigamik, Jesus unin­ngaq­quaat oqalut­tuun­neroq­qul­lutil­lu. Kajumis­saarutaat akueraa ul­lunilu marlun­ni unin­ngal­luni.

Samariamiut Jesus tusar­naar­paat, amerlanerusul­lu up­per­tun­ngor­put. Ar­namul­lu oqar­put: „Oqaatsisit up­per­nitsin­nut pis­sutigiun­naar­pavut, nam­minerli tusaratsigu nalujun­naarlugulu ilumut una silamiut an­naas­sisigigaat.“ Ar­naq uagutsin­nut maligas­siuil­luar­poq qanoq ilil­luta Kristus pil­lugu nalunaajaasin­naasugut inuit alaper­naasilersin­nerisigut nam­min­neq misis­suilersil­lugit!

Eq­qaamajuk katersuineq, qular­nan­ngitsumik karrinik suaasias­sanik katersuineq Palæstinami uper­naak­kut pisar­toq, qaam­matinik sisamanik sioq­qul­lugu taman­na pisimam­mat. Tas­sa novemberip decemberil­luun­niit mis­saan­ni. Tas­sa imaap­poq, Jesus ajoqersugaalu ukiumi 30-mi poorskip kingor­na qaam­matit arfineq-pingasut mis­saan­niit­tut Judæami ajoqersuil­lutil­lu kuisisar­nermut atorsimavaat. Mas­sak­kul­lu Galilæamut, najugaqarfigisamin­nut, uterlutik aal­lar­put. Suup pisus­sap taavani utaq­qivai? Johannes 4:3-43.

▪ Sooq ar­naq Samariamiu tupaal­lap­pa Jesusip oqaluutilermani?

▪ Imeq puilasuik sumilu pal­lorfigin­nin­nis­saq pil­lugit Jesusip ar­naq sumik ajoqersor­paa?

▪ Qanoq ilil­luni Jesusip kinaanini ar­namut nalunaar­paa, aam­malu sooq qulaarineq taman­na tupaal­lan­nar­pa?

▪ Ar­nap Samariamiup suna oqaluus­sis­sutigaa. Qanoq kinguneqar­pa?

▪ Jesusip nerisas­sai katersuinerlu suk­kut im­min­nut atas­suteqar­pat?

▪ Ukiumi 30-mi poorskip kingor­na Jesus qanoq sivisutigisumik Judæami sulisimanersoq qanoq ilil­luta paasisin­naavar­put?