Kapitali 109

Jesusip assortortini avoqqaarai

JESUSIP pakatsisit­taqat­taarsimangaarmatik up­perisarsior­nik­kut as­sor­tor­taasa apersoq­qin­nis­saa siooragiler­paat. Taamaat­tumik ilisimaatsus­susiat qulaar­niarlugu Jesus nam­mineq iliuuseqar­poq. „Qanoq isumaqar­pisi Kristusimik?“ aperaaq. „Kia er­neraa?“

„Davidip,“ farisæerit akip­put. Jesusip misiutigin­ngilaa David Kristusip, imaluun­niit Mes­siasip, uinik­kut siuaasarigaa, aperalunili: „Qanormi taava Davidip anersaak­kut [Tus­siaat 110-mi] ’naalak­kamik’ taavaa oqarami: ’[Jehova] naalak­kan­nut oqar­toq: Taler­pim­ma tungaanut ingik­kal­laat, qin­ngarsor­titit isik­kan­nut tum­magas­san­ngor­titserlugit.’ Davidip taama ’naalak­kamik’ taagamiuk, qanormi taava er­nerisimas­savaa?“

Farisæerit akin­ngil­lat, nalugamik­ku Kristus, tanitaq, kinar­piaasoq. Farisæerit isumagigunagaata akerlianik, Mes­sias uinik­kut Davidimut kinguaajuin­nan­ngilaq. Qilam­miis­simavoq, Davidimit qutsin­nerusimal­luni taas­sumun­ngalu Naalagaasimal­luni.

Jesusip inup­pas­suit ajoqersuk­kanilu saaf­figai al­lak­kanil­lu ilisimasunut farisæerinul­lu mianersoq­qul­lugit. Taak­ku ’Mosesip is­siaviani is­siam­mata’ Guutil­lu inatsisaanik ajoqersuisarlutik, Jesus ima kajumis­saarivoq: „Ilis­sin­nut maleruaq­qusaat tamaasa maleruarsigik taamaaliorlusilu.“ Oqaatsinili ilavai: „Suliaal­li malis­san­ngilasi. Oqaraluarlutim­mi taamaalior­tarin­ngil­lat.“

Ilumoor­tuusaar­niar­tuup­put, Jesusil­lu avoq­qaarai, qaam­maatialun­nguanik siusin­nerusuk­kut farisæerimi neritil­luni oqaatsit atuk­kami as­singajaan­nik oqaaseqarluni: „Suliatik tamaasa suliarisaraat inun­nut isigeq­qul­lutik,“ oqar­poq. As­sersuutitul­lu taavai:

„Tas­sis­suutitik (al­las­simaf­fin­nik kuk­kunaveersaatiginiak­katik) silit­tun­ngor­tit­taraat.“ „Tas­sis­suutit“ tamak­ku qaarmiuusar­tut imaluun­niit talermiuusar­tut angival­laan­ngil­lat, inatsisil­lu ilamer­ninit sisamanik imaqar­tar­put, tas­sa: Mosesimik al­lak­kat aap­paat 13:1-10, 11-16 aam­ma Mosesimik al­lak­kat tal­limaat 6:4-9; 11:13-21. Farisæeril­li ’tas­sis­suutitik’ an­nerusun­ngor­tis­simavaat Guutip inatsisaanik ilungersuutigin­nit­tutut isik­koqarumal­lutik.

Jesus oqar­por­taaq ’an­noras­samik nivingaataat angisuun­ngor­tis­simagaat’. Mosesimik al­lak­kat sisamaat 15:38-40-mi israelik­kut peq­quneqar­put an­noras­satik nivingaatalersus­sagaat, farisæeril­li al­lanit an­nerusunik an­noras­satik nivingaatalersorsimavaat. Takoq­qusaagin­narlutik taamaalior­put! „Nereqatigiis­suni sal­liujumal­laaraat,“ Jesus avoq­qaarler­palul­luni oqar­poq.

Ajoraluar­tumik nam­mineq ajoqersugai nuimarusus­sutsimit tamatuman­nga sun­ner­neqarsimap­put. Taamaat­tumik ima un­nersuup­pai: „Ilis­sili ’ajoqersuisut’-nik taaq­qus­san­ngilasi, ataaseq ajoqersor­tigigas­siuk, Kristus; ilis­sili tamas­si qatan­ngutigiip­pusi. Nunamiusorlu ’ataatas­sin­nik’ taas­san­ngilarsi, ataaseq Ataatagigas­siuk, Qilam­miit­toq. ’Tasis­sersuisunik’-l­lu taaq­qus­san­ngilasi, ataaseq tasis­sersor­tigigas­siuk, Kristus.“ Ajoqersuk­kat pingaar­nersaajumas­suseq taamaatit­tariaqar­paat! „An­ner­tarsi kif­faris­savarsi.“

Taava al­lak­kanik ilisimasut farisæeril­lu eq­qanaar­torfigisaqat­taar­pai, ilumoor­tuusaar­niar­tunil­lu taal­lugit. ’Qilam­miup Naalagaaf­fia inun­nut par­naar­tar­paat,’ oqar­poq, taak­kualu ’uil­lar­nerit il­luiniit­tut nungut­tar­paat qinum­mersor­tarlutil­lu ilumuun­ngitsumik’.

„Eq­qanaq ilis­si tasiuisut tap­piitsut!“ oqar­poq. Farisæerit avoq­qaarai, anersaak­kut naleqar­tunik paasisimasakim­mata nam­miniin­narsor­tumik nas­suiaasar­nermik­kut erser­tumik. As­sersuutigalugu, oqar­put: ’Naalaf­fik naq­qis­sigalugu up­per­narsaasoq asuleer­poq, kisian­ni naalaf­fiup kuultia naq­qis­sigalugu up­per­narsaasup up­per­narsaatini unioq­qutitis­san­ngilaa.’ Pal­lorfigin­nit­tarfiusumi tas­sani anersaak­kut nalilin­nit naalaf­fim­mi kuultip pingaar­nerutin­neratigut, ileq­qus­satigut tap­piitsuuner­tik qulaar­paat.

Sior­natigut iliorsimanermisut Jesusip farisæerit maan­na avoq­qaarai ’inatsisit pisariaqar­nerusor­taat isumak­keermatigik, uku: naaper­tuil­luar­nis­saq isumas­suinerlu ilumoor­nerlu’, akerlianil­li naasut suugaluar­tul­luun­niit qulerar­terutaan­nik akiliisar­ner­tik pingaar­teqalugu.

Jesusip farisæerit aam­ma taavai ’tasiuisut tap­piitsut, ip­per­nanik kinerisaasut qatigat­tuunil­lu iisisar­tut’! Viin­niuter­tik is­singeraangamik­ku ip­per­naq peer­tar­paat, sul­linerunera piin­nar­nagu, aam­mat­taarli ileq­qulersuutitigut mingut­tuum­mat. Inatsisil­li pingaar­nerusor­taan­nik sumigin­naanerat as­sersuun­neqarsin­naavoq qatigat­tuumik, aam­mat­taaq ileq­qulersuutitigut mingut­tuusumik, iisinermut. Mattæus 22:41–23:24; Markus 12:35-40; Lukas 20:41-47; 3 Mosesimik allakkat 11:4, 21-24.

▪ Tus­siaat 110-mi Davidip qanoq oqarsimaneranik Jesusip aperim­matik sooq farisæerit nil­lin­ngil­lat?

▪ Sooq farisæerit ’tas­sis­suutitik’ atisamil­lu nivingaataat inuit al­lat piinit an­nerusun­ngor­tit­tar­paat?

▪ Jesusip ajoqersuk­kani qanoq un­nersuup­pai?

▪ Farisæerit nam­miniin­narsor­tumik qanoq nas­suiaasar­pat, pingaar­nerusul­lu sumigin­narmatigik Jesusip qanoq avoq­qaarai?