Kapitali 42

Jesusip farisæerit naveerpai

JESUSIMIK anersaapilun­nik anisitsisin­naatitsisoq Sataniugaluar­pat, taava Satan im­minik as­sor­torsimas­sagaluar­poq. Jesus nangip­poq: „Or­pik ajun­ngitsuup­pat inerititaas­saaq ajun­ngitsuus­sap­put. Or­pik ajor­tuup­pat, taava inerititaas­saaq ajor­tuus­sap­put. Mas­sami or­pik inerititamigut ilisarineqar­tar­poq.“

Anersaapilun­nik anisitsinik­kut inerititaq ajun­ngitsoq Jesusip Satanimut kif­faaneranik pis­suteqar­neras­sal­lugu sianiitsulior­neruvoq. Inerititaq ajun­ngitsuuguni taava or­pik ajor­tuusimanavian­ngilaq. Farisæeril­li pasil­liinermik­kut quianaatsuk­kut pis­sutis­saqaratil­lu Jesusimik as­sor­tuinermik­kut inerititaata ajor­tup ersersip­paa nam­min­neq ajor­tuusut. „Taatuuku pulateriaarsuit piaraat,“ Jesus nil­ler­poq, „ajor­tuugas­si qanoq ilil­lusi ajun­ngitsumik oqalus­savisi? Uum­matim­mi ulik­kaarutaanit qaneq oqalut­tar­poq.“

Aap, oqaatsitsigut uum­matit­ta pis­susia erser­tar­poq; taamaat­tumik oqaatsivut eq­qar­tuun­neqar­nis­samut tun­ngavius­sap­put. „Oqarfigaas­si,“ Jesus nalunaar­poq, „eq­qar­tuutif­fis­sami inuit nas­sueq­quneqas­sap­put oqaaserisatik piun­ngitsut tamaasa pil­lugit. Oqaatsin­nit iluar­tuutin­neqas­saatit, aam­ma oqaatsin­nit pil­lagas­saatin­neqas­saatit.“

Naak Jesus tupin­nangaar­tulioreeraluaqisoq al­lak­kanik ilisimasut farisæeril­lu oqar­put: „Ajoqersuisoq! Nalunaaq­qum­mik ilin­nit takujumagaluaqaagut.“ Im­maqa angutit taak­kua Jerusalemimeersut nam­min­neerlutik tupin­nar­tulior­toq takusiman­ngilaat, pisimasul­li takun­nis­simasunit as­sor­tor­neqarsin­naan­ngitsumik oqalut­tuarineqar­tar­put. Taamaat­tumik juutit pisor­taan­nut Jesus oqar­poq: „Eq­qarleriit uku uersar­tut nalunaaq­qum­mik takujumap­put, nalunaaq­qum­mil­li al­lamik tunineqas­san­ngil­lat, kisian­ni pruf­fiiti Jonas nalunaaq­qutigis­savaat.“

Sunaana Jesusip pigaa? Aap, „soorlumi Jonas ul­lut pingasut un­nual­lu pingasut imarmiorsuup iluaniit­toq, taamat­taaq Inuup Er­nera ul­lut pingasut un­nual­lu pingasut nunap iluaniis­saaq.“ Jonas aalisagarsuarmit anil­lak­kami toqusunit makit­tutut ip­poq. Jesusip nam­mineq toqujumaar­nini ul­lul­lu pingajuan­ni makititaajumaar­nini taamatut siulit­tuutigaa. Kingor­nali, taman­na pim­mat, ’Jonasip nalunaaq­qutaa’ juutit pisor­taan­nit ajat­tor­neqar­poq.

Taamaat­tumik Jesus oqar­poq angutit Ninevemeersut, Jonasip oqaluus­sinera pis­sutigalugu isumataar­tut, eq­qar­tuutif­fis­sami makik­kumaar­tut juutil­lu Jesusimik ajat­tuisut pil­lagas­saatik­kumaarlugit. Aam­mat­taaq dron­ningi Sabameersoq nunap isuanit aggerluni Salomonip ilisimas­susianik tusar­naariar­tor­toq takusaminil­l­lu tusak­kaminil­lu tupigusuutigin­nit­toq as­sersuutigaa. „Atali,“ Jesus oqar­poq, „maaniip­poq Salomonimit an­nerusoq.“

Taava angut anersaamit mingut­tuumit aniguisitaasoq pil­lugu as­sersuusior­poq. Angutip inis­saq pitsaasunik im­min­ngilaa; taamaat­tumik anersaanit arfineq-marlun­nit al­lanit, siul­lermit ajor­nerusunik, pulaneqar­poq. „Taamatut­taaq eq­qarleriit uku ajor­tut is­sap­put,“ Jesus oqar­poq. Inuiaat Israelik­kut minguiar­neqarsimap­put al­lan­ngor­ner­nil­lu misigisaqarsimal­lutik — anersaap ajor­tup peqan­ngik­kal­lar­neratut it­tumik. Inuiaal­li Guutip pruf­fiitiinik ajat­tuinerata naggataatigul­lu Kristusimik nam­minermik as­sor­tuinerata aal­laq­qaataanut sanil­liul­lugu ajor­nerujus­suan­ngorsimanerat qulaar­paa.

Jesus oqalutsil­lugu anaanaa qatan­ngutaalu katersuus­simasut avataan­nut pip­put. Oqar­toqar­porlu: „Anaanat qatan­ngutitil­lu silatangiup­put oqaloqatigiumal­lutit.“

„Kina anaanagaara, kik­kul­lu qatan­ngutigaak­ka?“ Jesus aperaaq. As­sanilu ajoqersuk­kami tungaan­nut isatsil­lugit oqar­poq: „Tamas­sa anaanaga qatan­ngutik­kalu! Kinaluun­niit Ataatama [piumasaanik] ilior­toq tas­sa nukara najagalu anaanagalu.“ Taamaalil­luni Jesusip ersersip­paa eq­qarlini qanorluun­niit qanitsigigaluarlugit, taamaat­toq ajoqersuk­kaminut at­taveqar­nini suli nukit­tunerusoq. Mattæus 12:33-50; Markus 3:31-35; Lukas 8:19-21.

▪ ’Or­pik’ ’inerititarlu’ farisæeriniit­tut qanoq it­tuup­pat?

▪ ’Jonasip nalunaaq­qutaa’ suua, kingor­nalu qanoq ilil­luni ajat­tor­neqar­pa?

▪ Ukiuni hundredelin­ni siul­ler­ni Israelik­kut qanoq angum­mut anersaamit mingut­tuumit aniguisin­neqar­tumut as­sersuun­neqarsin­naap­pat?

▪ Jesusip ajoqersuk­kaminut qanimut at­taveqar­nini qanoq takutip­paa?