Kapitali 5

Jesusip inunngornera — sumi qangalu?

ROMAMI naalagaasoq, kaasari Augustus, aalajangersimavoq inuit tamarmik il­loqarfim­mut inun­ngorfigisimasamin­nukas­sasut naatsorsor­tik­kiar­torlutik. Taamaat­tumik Josef aam­ma il­loqarfim­mut inun­ngorfigisimasaminut Betlehemimukar­poq.

Inup­pas­suit naatsorsor­tik­kiar­torlutik Betlehemiliaasimap­put, Marialu Josefilu inis­saqan­ngin­namik nersutaasivim­mut inis­sip­put. Uumasuutit akor­nan­ni Jesus inun­ngor­poq. Mariap an­noraaminermut im­mup­paa nersutaatil­lu nerrivian­nut inis­sil­lugu.

Inuit naatsorsor­neqar­nis­saan­nik kaasari Augustusip aalajanger­nera Guutip siulersuineragut pivoq. Taamaalil­luni Jesus il­loqarfim­mi, Al­lak­kat Il­ler­nar­tut-ni qangarsuarli kun­ngis­satut neriorsuutigisatut inun­ngorfis­saatut siulit­tuutigineqareersimasumi, Betlehemimi inun­ngorsin­naasimavoq.

Un­num­mi tamatumani im­mik­kut it­tumik pisoqar­poq. Uumasunik paarsisut narsaam­miit­tut qaam­mareqisumik qin­ngorfigineqar­put. Tas­saana Jehovap naalan­nas­susia qin­ngor­toq! Jehoval­lu in­ngiliata oqarfigai: „Erseqinasi; ata, tipaatsun­nar­tumik tusarlis­savas­si tipaatsungaarutis­sas­sin­nik inuit tamarmik pis­saan­nik; ilis­sin­num­mi ul­lumi er­niuvoq an­naas­sisoq, tas­sa Kristus Naalagaq, Davidip il­loqarfiani. Man­nalu nalunaaq­qutigis­savarsi: Naalungiaq naniumaar­parsi im­mus­simasoq nersutaatil­lu nerrivian­ni in­nangasoq.“ In­ngiler­pas­suit saq­qum­mer­put erinarsorlutil­lu: ’Naalan­narsili Guuti qutsin­nermi, nunamilu inuit Guutip iluarisaasa akor­nan­ni eq­qis­sineqarli.’ (NV)

In­ngilit qimam­matik savanik paarsisut im­min­nut oqaluup­put: „Betlehemimut piar­tor­ta pisimasoq taman­na takujar­torlugu [Jehovap] uatsin­nut nalunaarutigisaa.“ Tuaviorlutil­lu aal­lar­put in­ngilil­lu oqaatigisaaner­piaq Jesus nanil­lugu. Savanik paarsisut in­ngilip oqaaserisimasaanik oqalut­tuum­matik najuut­tut tamarmik tupigusoqaat. Oqalut­tuarineqar­tut tamaasa Mariap tusar­pai uum­mam­minul­lu toq­qorlugit.

Inup­pas­suit isumaqar­put Jesus decemberip 24-ani 25-aniluun­niit inun­ngorsimasoq. Qaam­mam­mili tamatumani Betlehemimi sial­likulasarlunilu nil­ler­tar­poq. Savanik paarsisut ukiup taamaalinerani savaatitil­lu narsaam­mi un­nuiumasin­naanavian­ngil­lat. Aam­mat­taaq ilimanaateqan­ngilaq inuit pikitsitseq­qajaareeqisut naatsorsor­tik­kiar­torlutik aal­lar­nis­saan­nik Romamiut kaasariata piumasaqar­nerata ukiuin­narsuarmi pisimanis­saa. Ukiak­kut siusin­nerusuk­kut Jesus inun­ngorsimasorinar­poq. Lukas 2:1-20; Mika 5:1.

▪ Sooq Josef Marialu Betlehemimukar­pat?

▪ Un­nuami Jesusip inuuiani nalingin­naan­ngitsunik sunik pisoqar­pa?

▪ Decemberip ul­luisa 24-an­ni 25-an­niluun­niit Jesus inun­ngorsiman­ngitsoq qanoq ilil­luta nalun­ngilar­put?