Kapitali 12

Jesusip kuisinnera

JOHAN­NES nalunaajaaler­nerminit qaam­matit arfinil­lit mis­saan­niit­tut qaangiut­tul­lu Jordanip kuus­suata eq­qaaniitil­lugu Jesusip, taamani 30-nik ukioqarluni, tikip­paa. Sooq? Ikin­ngutigiit pisar­nerat­tut naapin­nerua nalingin­naasoq? Johan­nesip suliaa ajun­ngitsumik ingerlanersoq Jesusip paaserusuin­nar­paa? Naamik, Jesusip Johan­nes qin­nuigaa kueq­qul­luni.

Johan­nes akerliliigasuar­poq: „Uanga ilin­nut kuisit­tariaqaraluar­punga, taamaat­toq il­lit or­nip­parma!“ Johan­nesip nalun­ngilaa il­luni Jesus Guutip er­nerigaa nalingin­naan­ngitsoq. Anaanami naavani naar­tuutil­luni al­laat Maria Jesus naar­toralugu pulaarmat ’nuan­naarluni aalalersimavoq’! Qular­nan­ngitsumik Johan­nesip anaanaata Elisabetip taman­na pil­lugu kingor­na oqalut­tuus­simas­savaa. Aam­mat­taaq oqalut­tuus­simas­savaa in­ngilip nalunaajaatigisimagaa Jesus inun­ngus­sasoq, er­nium­mal­lu un­nuak­kut in­ngilit savanik paarsisunut saq­qum­mersimasut.

Tas­sa Jesus Johan­nesimut takor­nar­taan­ngilaq. Johan­nesil­lu ilisimavaa kuissutiminik Jesus kuineqar­tus­saan­ngitsoq. Kuis­sutaami inun­nut ajor­tuliatik peq­qis­simis­sutigalugit isumataar­tunuin­naq atuut­tuuvoq, Jesusilu ajor­teqan­ngilaq. Johan­nesili akerliliigaluar­toq Jesusip kuisik­kusun­nini aalajangiusimavaa: „Maan­na akueriin­nan­nga, taamaalil­lugu iluar­tus­saq tamarmi uatsin­nut naam­mas­sisariaqarmat!“

Sooq Jesus kuisik­kami eq­qor­tumik ilior­pa? Jesusip kuisin­nera ajor­tuliat peq­qis­simis­sutigalugit isumataar­nermuun­ngitsoq, Ataatamili piumasaanik iliorumal­luni sas­sar­neranut as­sersuutaavoq. Jesus sanasuusimagaluar­poq, maan­nak­kul­li pif­fis­san­ngorsimavoq sulias­samik Jehovap nunamukar­tin­nermigut suliareq­qusaanik suliler­nis­saanut. Eq­qarsaatigisimaviuk Johan­nesip ilimagisimas­saneraa Jesus kuiguniuk im­mik­kut it­tumik pisoqas­sasoq?

Johan­nes kingor­na oqalut­tuar­poq: „Imermik kuisiar­toq­qusisima oqarfigim­manga: ’Anersaap aq­qarfigisaanik qulangersimajuagaanil­lu takun­nileruit taan­naas­saaq, anersaamik il­ler­nar­tumik kuisisoq.’“ Tas­sa Johan­nesip ilimagisimavaa Guutip anersaava kuisami qulaani takujumaarlugu. Taamaat­tumik tupaal­lap­pal­laarsimagunan­ngilaq Jesus imermit nuisorlu takugamiuk ’anersaaq tuisut Qilam­mit aq­qar­toq taas­sumalu qulaaniit­tualersoq’.

Jesus kuisim­mat suli al­lamik aam­ma pisoqar­poq. ’Qilaat qulaanit am­maler­put.’ Qanoq paasisariaqar­pa? Ima paasisariaqar­poq Jesusip kuisin­nermini, inun­ngun­ngin­nermini qilam­mi piusimanini eq­qaamaq­qileraa. Taamaalil­luni Jehova Guutip er­neratut anersaajusutut piusimanini, aam­malu Guutip taamanik­kut qilam­mi oqaaserisimasai tamaasa Jesusip eq­qaaler­pai.

Jesusilu kuisim­mat qilam­mit nipi tutsiup­poq: „Tas­sa Er­nera asanar­toq nuan­narisara.“ Kiaana nipaa? Jesusip nam­mineq? Soorunami naamik! Guutimuna nipaa. Ersarip­poq Jesus Guutip er­nerigaa, inuit ilaasa oqar­tar­neratut nam­mineq Guutiunani.

Tas­sami, Guutip Jesus er­neraa nunamiusoq, soorlut­taaq angut siul­leq, Adam er­nerigaa. Ajoqersugaq Lukas, Jesusip kuisin­nera al­laatigereerlugu, al­lap­poq: „Jesusilu aal­lar­nerami [30-t] mis­siliorlugit ukioqar­poq er­nerisorineqarlunilu Josefimut, taan­na Elip pigaa, . . . taan­na Davidip pigaa, . . . taan­na Abrahamip pigaa, . . . taan­na Noap pigaa, . . . taan­na Adamip pigaa, taan­na Guutip pigaa.“

Adamitut Jesus ’Guutip er­neraa’ nunamiusoq. Jesus inun­nit inuusimasunit tamanit pingaar­ner­paavoq, soorlu paasil­luarsin­naagip­put inuusimanera misis­sor­nerugutsigu. Kuisin­nermigut Jesus Guutimut nutaamik at­taveqaler­poq, Guutimut anersaak­kut er­nin­ngorluni. Guutip maan­na qilam­mut uteq­qul­lugu qaaq­quaa, inuiaat pil­lagaas­saatin­neqaraluar­tut pil­lugit inut­tut inuunerminik pil­liuteqar­tus­san­ngor­til­lugu. Mattæus 3:13-17; Lukas 3:21-38; 1:34-36, 44; 2:10-14; Johannes 1:32-34; Eprîarit 10:5-9.

▪ Sooq Jesus Johan­nesimut takor­nar­taan­ngila?

▪ Sooq Jesus ajor­tuliorsiman­ngik­kaluarluni kuisip­pa?

▪ Johan­nesip Jesusimik ilisiman­nin­nera eq­qarsaatigalugu, Guutip anersaava Jesusip qulaanut pim­mat sooq Johan­nes tupaal­lap­pal­laarunan­ngila?