Kapitali 9

Jesusip meeraanera ilaqutariinnilu inuunera

JESUS Nazaretimi, il­loqarfim­mi taamanik­kut mikil­lunilu pingaaruteqan­ngitsumi, al­liar­tor­poq. Nunap ilaani Galilæami qaq­qani, Jizre’elip qooruata alianaatsup ungasin­ngitsuani, Nazaret ip­poq.

Josefip Marial­lu Ægyptenimit Jesus tamaan­ngaqatigim­mas­suk im­maqa marluk mis­saan­ni ukioqar­poq, qular­nan­ngitsumil­lu kisermaajuvoq. Ukiut ingerlaneran­ni Jakob, Josef, Simon aam­ma Juda inun­ngor­put, aam­ma Maria Josefilu panis­saar­tar­put. Tas­sa Jesus min­ner­paamik arfinilin­nik qatan­nguteqar­poq.

Jesus aam­ma al­lanik eq­qarleqar­poq. Il­lua angajul­liunerusoq, Johan­nes Judæami, kilometerer­pas­suar­nik ungasitsigisumiit­tumi, najugaqar­poq. Galilæamul­li ungasin­ngitsumi Salome, Mariap qatan­ngutigigunagaa, najugaqar­poq. Salomep Zebedæus uigaa; er­nerilu marluk, Jakob Johan­nesilu, Jesusip il­lorisimas­savai. Ilisiman­ngilar­put nukap­piaq­qat taak­ku Jesusip al­liar­toqatigisimanerai, kingor­nali qanit­tumik ikin­ngutigiler­pai.

Ilaqut­tani pilersor­niarlugit Josef suleruloor­tariaqar­tarsimas­saaq. Sanasuuvoq. Josefip Jesus er­nermisut perorsar­paa, taamaat­tumil­lu Jesus taaneqar­tar­poq „sanasup er­nera“. Josefil­lu Jesus sanasutut ilin­niar­tip­paa, ilik­kajavorlu. Taamaat­tumil­luuna kingor­na inuit aperisar­tut: „Taan­naan­ngin­ner­pa sanasoq?“

Josefik­kut ilaqutariit­tut inuunerat Jehova Guutimik pal­lorfigin­nin­nermik tun­ngaveqar­poq. Guutip inatsisai naaper­torlugit ’angerlarsimatil­lutik is­siasaraangamik, angalaar­taraangamik, in­nar­taraangamik makit­taraangamil­lu’ Josefip Marial­lu meeq­qatik anersaak­kut un­nersuut­tar­paat. Nazaretimi juutit naalagiar­tarfeqar­put, qularis­san­ngilar­pul­lu Josef ilaqut­tani ilagalugit pal­lorfigin­nik­kiar­torluni taakun­narajus­simas­sasoq. Qular­nan­ngitsumil­li eriniginer­paasarsimasaat tas­saavoq Jerusalemimi Jehovap naalaf­fis­suanukarlutik aal­lar­tar­ner­tik. Mattæus 13:55, 56; 27:56; Markus 15:40; 6:3; Mosesimik allakkat tallimaat 6:6-9.

▪ Jesus min­ner­paamik qas­sinik nukaqarlunilu najaqar­pa? Ilaasa aq­qinik taasaqarit?

▪ Jesusip il­luisa ilaasa pingasut aq­qi taasin­naavigit?

▪ Sulias­saq suna Jesusip ilin­niarsimavaa, sooq?

▪ Josefip ilaqut­tani sumik pingaar­tumik un­nersuut­tar­pai?