Kapitali 112

Jesusip naggammik poorskisiornissaa qanilliartorpoq

MARLUN­NGOR­NEQ nisanip 11-a qaangiutilersoq Uuliap qaq­qaani Jesusip apustiliminik ajoqersuinini naggaser­paa. Ul­loq ulapaarfiul­lunilu ilungersuanarsimaqaaq. Maan­na, im­maqa Betaniamut un­nuiar­torlutik ingerlaar­til­lutik, apustiliminut oqar­poq: „Ilisimavarsi ul­lut marluk naap­pata poorski nal­liutis­sasoq, taava Inuup Er­nera pisitaas­saaq [qisum­mul­lu, NV] kikiat­tor­neqas­sal­luni.“

Qular­nan­ngitsumik ul­loq tul­liut­toq, pingasun­ngor­neq nisanip 12-ia, Jesusip ajoqersugaasalu eq­qis­sisimaarfigaat. Ip­pas­saam­mat up­perisarsior­nik­kut pisor­tat kik­kut tamarmik tutsaan­ni naveersimavai, nalun­ngilaalu toqun­nias­sagaan­ni. Taamaat­tumik pingasun­ngor­nermi tak­kutin­ngilaq, kis­saatigin­ngin­namiuk un­num­mi tul­liut­tumi apustilini ilagalugit poorskisior­nis­sani akor­nuser­neqas­sasoq.

Taamaalinerani palasiunerit inuil­lu utoq­qaaner­taat palasiunerup Kajfasip il­lus­saarsuani katersuus­simap­put. Ip­pas­saam­mat Jesusip qulaarineri nuan­niil­liuutigigamik­kik pilersaarutigaat peq­qusersusaar­tumik tigusariniarlugu toqun­niarlugulu. Oqaqat­taar­pul­li: „Nal­lius­sivik­kut pin­nagu, inuit pikit­torsuan­ngoq­qunagit.“ Inun­nut Jesusimik iluarin­nit­tunut sioorap­put.

Up­perisarsior­nik­kut pisor­tat ajor­tumik isumalioqatigiitsil­lutik pulaar­neqar­put. Tupaal­laatigisaan­nik pulaar­tuat tas­saavoq Jesusip nam­mineq apustiliisa ilaat, Judas Iskariot, Satanip Jesusimik kil­luutigin­nik­kusulersis­simasaa! Nuan­naajal­laqaat Judasip ima aperim­matik: „Sumik tuniumavisinga? Ilis­sin­nut pisik­kumaar­para.“ Aningaasanik sølvinik 30-nik, inatsisitigut Mosesik­kut angeruseq naaper­torlugu inus­siap akiata nalinganik, akiliinis­samin­nut nuan­naarlutik isumaqataap­put. Taman­na aal­lar­nerfigalugu Judas periarfis­sarsiuin­naler­poq inuit peqan­ngin­neran­ni Jesusimik kil­luutigin­nin­nis­saminut.

Pingasun­ngor­nermi seqer­nup tarrin­nerani nisanip 13-ia aal­lar­tip­poq. Jesus tal­liman­ngor­nermi Jerikomit tikis­simavoq, taamaam­mat un­nuaq man­na arfinilis­saanik naggataamil­lu Betaniami un­nuivoq. Aqaguani, sisaman­ngor­nermi poorskimut, seqer­nup tarrin­nerani aal­lar­tit­tus­samut, naggam­mik piareersaateqas­sap­put. Savaaraq poorskisiutis­saq toqun­neqas­saaq ilivitsuutil­lugulu sian­neqas­sal­luni. Sumi nal­liut­torsius­sap­pat, kik­kul­lu piareersaas­sap­pat?

Tamak­ku pil­lugit Jesusip oqalut­tuus­siman­ngilai, im­maqa palasiuner­nut Judasip oqalut­tuareqinam­magit, taamaalil­lutil­lu poorkisior­nermini tigusaraluni. Maan­nali, qular­nan­ngitsumik sisaman­ngor­nermi ualik­kut siusis­suk­kut, Jesusip Peter Johan­nesilu Betaniamit aal­lar­tip­pai ima oqarluni: „Savaaraq poorskisiutis­saq piareersariaqar­torsiuk nereq­qul­lutigu.“

„Sumi piareersaaq­quisigut?“ aperip­put.

„Ata, il­lor­pas­sualim­mut iserus­si,“ Jesus nas­suiaavoq, „inuup imer­taasisar­tup nalaak­kumaar­paasi; taan­na il­lumut iserfis­saanut malis­siuk, il­lul­lu taas­suma naalagaa oqarfigisiuk: ’Ajoqersuisup ima apereq­quaatit: „Ini savaaq­qamik poorskisiutis­samik ajoqersuk­kak­ka ilagalugit nerif­fis­sara sumiip­pa?“’ Taas­sumalu inersuarmik qul­lermik nerinis­samut piareersimasumik un­nersuuk­kumaar­paasi; tas­sani piareersaagitsi.“

Pulaar­titsisus­saat qular­nan­ngitsumik tas­saavoq Jesusip ajoqersugaasa ilaat nal­liut­tumi im­mik­kut it­tumi tamatumani Jesusip il­luminik ator­niar­nis­saanut qilanaarsimasoq. Qanorluun­niil­li ik­kaluar­pat, Peter Johan­nesilu Jerusalemimut pim­mata Jesusip oqar­neratorluin­naq pisoqar­poq. Savaaq­qap piareersar­nis­saa Jesusil­lu apustiliisalu aq­qaneq-marluk poorskisior­nis­saanut suut tamarmik piareer­nis­saat isumagaat. Mattæus 26:1-5, 14-19; Markus 14:1, 2, 10-16; Lukas 22:1-13; 2 Mosesimik allakkat 21:32.

▪ Pingasun­ngor­nermi Jesus susimas­sagunar­pa, sooq?

▪ Palasiunerup angerlarsimaf­fiani suna pil­lugu ataatsimiit­toqar­pa, sunalu siuner­taralugu up­perisarsior­nik­kut pisor­tat Judasip pulaar­pai?

▪ Sisaman­ngor­nermi Jesusip kik­kut Jerusalemimukar­tip­pai, sooq?

▪ Jesusip tupin­nar­tunik pigin­naas­suseqar­neranut aam­maarluni up­per­narsaasumik, aal­lar­tin­neqar­tut apuum­mata qanoq pisoqar­pa?