Kapitali 21

Jesusip peroriartor­fimmini naalagiartarfik pulaarpaa

JESUS Nazaretimut angerlamut apuuk­kami qular­nan­ngitsumik aalas­saatigineqar­poq. Ukioq ataaseq sin­nilaarlugu matuma sior­na Johan­nesimut kuisik­kiar­torluni aal­larami, sanasutut ilisimaneqar­poq. Maan­nali tupin­nar­tulior­tar­tutut sumi tamaani ilisimaneqar­poq. Maani najugaqar­tut tupin­nar­tulior­toq takorusoqaat.

Jesus pisar­nermisut naalagiar­tarfim­mukar­toq takugamik­ku ilimasun­neruler­put. Ataatsimiin­nerup ingerlanerani atuf­fas­sis­sal­luni nikuip­poq, pruf­fiitil­lu Esajasip al­lagai taas­sumun­nga tun­niun­neqar­put. Al­las­simaf­fik Jehovap anersaavanik tanin­neqar­tumut tun­ngasoq nanivaa. Ul­lumik­kut Bibelitsin­ni taman­na kapitali 61-imiip­poq.

Tigusat iperar­neqar­nis­saan­nik tap­piitsul­lu tap­pis­sinis­saan­nik Jehoval­lu ukiuanik saam­maas­siviusumik Tanitap nalunaajaanis­saanut tun­ngasoq atuareeramiuk, al­lak­kat imusat kif­famut tun­niup­pai ingil­lunilu. Tamarmik pis­sangar­paseqalutik isigaat. Taava qular­nan­ngitsumik sivisoqisumik oqaluf­figalugit aal­lar­tip­poq: „Ullumi allakkat tamakku tusaatillusi eqquupput.“

’Oqaasii alianaatsut’ najuut­tut tupigusuutigaat, im­min­nul­lu oqarfigalutik: „Una Josefip er­nerin­ngin­ner­paa?“ Jesusil­li nalun­ngin­namiuk tupin­nar­tulior­tuni takorusuk­kaan­ni, nangip­poq: „Mas­sami us­sam­mik matumin­nga piumaar­pas­singa: ’Katsorsaasoq, ilin­nut katsorsarit! Kaper­naumimi pisimasut tusak­kat­ta angeqataan­nik tamaanis­saaq nunan­ni naam­mas­sisaqarit.’“ Jesusip sanilerisimasai qular­nan­ngitsumik isumaqar­put ajorun­naarsitsisar­nini najuk­kamini aal­lar­tit­tariaqarsimagaluaraa, taamaalil­luni tamaani najugaqar­tut siul­liul­lutik taman­na iluaqutigisimas­sagaluarmas­suk. Tas­sa misigisimap­put Jesusimit qaangiin­nar­neqarsimal­lutik.

Qanoq eq­qarsar­nerat Jesusip nalun­ngilaa, taamaat­tumil­lu marlus­sun­nik oqalut­tuarisaanermit tigulaaril­luni as­sersuusiorfigai. Ilisimatip­pai Israelimi Eliasip nalaani uil­lar­ner­pas­suaqar­toq, kisian­ni Elias taak­kua arlaan­naan­nul­luun­niit aal­lar­tin­neqarsiman­ngitsoq. Taarsiul­luguli Zidonimi uil­lar­nermut israelik­kuun­ngitsumukar­poq, tas­sanilu tupin­nar­tulior­nik­kut an­naas­sil­luni. Aam­malu pruf­fiiti Elisap nalaani pupis­sor­pas­suaqarsimavoq, kisian­ni Syriamiu Na’aman kisimi minguiar­neqarsimal­luni.

As­sersuus­sinerit taak­ku iluarinan­ngitsut, nam­minis­sarsior­nermin­nik up­per­nikis­sutsimin­nil­lu qulaarisut, kamaatigeqalugit naalagiar­tarfim­miit­tut nikuip­put Jesusilu il­loqarfim­mit anisil­lugu. Qaq­qap, il­loqarfiup Nazaretip inaata, sinaagut nak­kar­tin­niarsarigaluar­paat. Jesusili aniguivoq isuman­naatsumul­lu pil­luni. Lukas 4:16-30; Kunnginik allakkat siulliit 17:8-16; Kunnginik allakkat aappaat 5:8-14.

▪ Sooq Nazaretimi aalas­san­neqar­pa?

▪ Jesusip oqaaserisaanut inuit qanoq isumaqaq­qaaraluar­pat, kingor­nagul­li suna kamaatigiler­paat?

▪ Jesus sunialeraluar­paat?