Kapitali 25

Jesusip pupissoq naakkinnit­tuliorfigaa

GALILÆAP il­loqarfii Jesusimit ajoqersugaasalu ilaan­nit sisamanit angalaf­figineqarlutik tamak­keriar­tuaar­neqar­til­lugit, Jesusip iliuusiinik nuan­nersunik tusagas­sat siam­mariar­tuaar­put. Aam­mat­taaq il­loqarfim­mut angutip pupis­sup najugaanut an­ngup­put. Angut taan­na nakorsap Lukasip oqaatigaa ’pupis­sorsuusoq’. Nap­paat taman­na amiilaar­naqaaq, timip pisataanik as­sigiin­ngitsunik takus­sunarsisitsiar­tuaar­tarami. Taamaat­tumik angut maan­na nal­lin­nar­torujus­suuvoq.

Jesus il­loqarfim­mut isermat pupis­sup qanil­liar­tor­paa. Guutip inatsisaa naaper­torlugu inuit al­lat mianersoq­quniarlugit pupis­sup ima nil­liaf­figisus­saavai: „Mingut­tuujuvunga, mingut­tuujuvunga!“ — qanil­lival­laan­ngin­nias­sam­mata tunil­latsil­lutil­lu. Maan­na pupis­soq kiin­naminik pal­lor­poq Jesusilu ima qin­nuigalugu: „Naalagaq, piumaguit pupeerutsis­sin­naavarma.“

Ila up­per­nerup angis­susia! Qular­nan­ngitsumik nap­paataata nal­lin­nar­tumik isik­koqalersis­simavaa. Jesus qanoq qisuariar­pa? Illit qanoq qisuarias­sagaluar­pit? Misigin­neqataar­paseqaluni Jesusip angut at­tor­paa, ima oqaatigaluni: „Piumavunga; pupeerugit!“ Tas­suuguin­narlu pupis­suujun­naar­poq.

Taama naak­kin­nitsigisumik kun­ngeqar­nis­sat kis­saatigis­sagaluar­piuk? Jesusip pupis­sumut iliorfigin­nin­nerata isumal­lualersip­paatigut naalagaaf­fiata aqutsinerani Bibelimi al­las­simasut eq­quuk­kumaar­tut: „Nal­lit­tus­savai san­ngiitsoq piitsorlu, ajorsar­tut inuunerat an­naatis­savaa.“ Jesusip kis­saatini, nap­paatinik erloqisitaasut tamaasa ikior­nis­saat, eq­quutik­kumaar­paa.

Pupis­soq ajorun­naarsin­ngik­kal­laramiul­li Jesusip ajoqersuinera aalas­saataalereersimavoq. Esajasip siulit­tuutaata eq­quun­neratut Jesus ajorun­naarsitaminut oqar­poq: „Mianersorit sun­nguamik al­lamut oqaq­qunatit.“ Nangil­lunilu: „Palasimut takutik­kiar­torit, Mosesil­lu peq­qus­sutigisaa malil­lugu pupeerun­nerit pil­lugu pil­liigit nalujun­naarutis­saan­nik!“

Ajorun­naarsin­neqar­ninili pil­luaatigingaaramiuk nipangiusimasin­naan­ngilaa, qular­nan­ngitsumil­lu alaper­naasersoqalingaarmat Jesus iser­tuarani il­loqarfim­mut sumul­luun­niit iser­neq ajuler­poq. Taamaat­tumik avin­ngarusimasuniin­niar­tar­poq, inuil­lu tusar­naariarlutik ajorun­naarsin­neqarusul­lutil­lu aggiasar­put. Lukas 5:12-16; Markus 1:40-45; Mattæus 8:2-4; Mosesimik allakkat pingajui 13:45; 14:10-13; Tussiaat 72:13; Jesaja 42:1, 2.

▪ Pupis­suuneq qanoq kinguneqarsin­naava, pupis­sorlu qanoq mianersoq­qusisus­saasimava?

▪ Qanoq pupis­sup Jesus ilungersorluni qin­nuigaa, qisuariar­neralu sumik ilin­niarfigisin­naavar­put?

▪ Angutip ajorun­naarsitaasup suk­kut Jesus naalan­ngitsoor­paa, taman­nalu qanoq kinguneqar­pa?