Kapitali 85

Jesusip savat tammarsimasut ujarpai

JESUSIP ilungersorluni maniguul­lutik Guutimik kif­far­torusut­tut naniniar­pai. Taamaat­tumik naapitaminut tamanut Guutip naalagaaf­fia oqalut­tuarisar­paa, al­laat inun­nut ajor­tumik inooriaasilit­tut ilisimaneqar­tunut. Taak­kua ilaasa tusar­naar­niarlugu or­nip­paat.

Farisæerit al­lak­kanil­lu ilisimasut takugamik­ku, Jesus as­suaraat inuit taak­ku, qin­ngaq­qun­narsorisatik, ilagim­magit. Qatimalup­put: „Uuma ajor­tulior­tut ilas­sivai nereqatigalugil­lu.“ Farisæerit al­lak­kanil­lu ilisimasut taamaalior­nian­ngeqaat, inuit nalingin­naat iper­tut tum­mak­kamis­sut isigigamik­kik. Asis­suiner­tik takutin­niarlugu ‛am ha’aʹræts-imik taasar­paat, tas­sa oqaaseq hebræerisooq „nunaan­narmiut“-mik, imaluun­niit „asimiut“-mik isumalik.

Jesusil­li kik­kul­luun­niit inus­siar­nersumik, ataq­qin­nit­tumik paasin­nit­tumil­lu iliorfigisar­pai. Taamaat­tumik inuit taak­kua nikanar­tut ilaat, ajor­tumik inooriaaseqar­tutut nalun­ngisaasut, amerlasuut tusar­naarluar­paat. Inun­nik farisæerinit qin­ngaq­qun­nar­tutut isigisaasunik isumas­suinini pil­lugu farisæerinit isor­nar­torsior­neqarami Jesus qanoq akiva?

As­sersuusiorluni akivai. Farisæerit nam­min­neq isumaat tun­ngavigalugu oqalup­poq — taak­ku naaper­tuil­luarluin­nar­tutut Guutil­lu savaataaniit­tutut, ‛am ha’aʹræts-il­lu asis­sugaasut tam­marsimasutut an­nan­naveersimasutul­lu eq­qar­torlugit. Oqaasii tusar­naariak­kit:

„Kia inuup ilas­si untritilin­nik savaatil­lup taak­kua ilaat ataaseq tam­maaguniuk ilai arfineq-sisamanik qulil­lit arfineq-sisamal­lu inoqajuitsumut qimal­lugit tam­mar­toq ujas­san­ngin­ner­paa, tam­mar­toq nanitserlugu? Naniguniul­lu, tipaatsul­luni ersus­savaa. Tikik­kunilu ikin­ngutini sanilinilu qaaq­qus­savai oqarfigalugil­lu: ’Tipaatsoqatigisinga; savaatiga tam­maraluar­toq nanivara.’“

Jesusip nam­mineq as­sersuusiap qanoq ator­neqar­nis­saa tik­kuar­paa: „Oqarfigaas­si: Taamat­taaq ajor­tulior­toq al­lamik isumataar­toq ataaseq iluar­tunit arfineq-sisamanit qulilin­nit arfineq-sisamanil­lu al­lamik isumataar­nis­samik ajorsan­ngitsunit Qilam­mi tipaatsuutigineqar­nerus­saaq.“

Farisæerit im­min­nut iluar­tuunerar­put taamaat­tumil­lu isumataar­tariaqarsorinatik. Taak­kua ilaasa ukiut marluk tamatuma sior­na ilan­ngaaserisunik ajor­tulior­tunil­lu nereqateqar­nini pil­lugu isor­nar­torsiorman­ni Jesusip akisimavai: „Iluar­tut pin­nagit ajor­tulior­tut qaaq­qujar­tor­pak­ka.“ Farisæerit iluar­tuutin­niar­tut, isumataar­tariaqan­ngin­nerar­tut, qilam­mi tipaatsuutigineqan­ngivip­put. Akerlianil­li ajor­tulior­tut uum­matik­kut peq­qusersuitsumik isumataar­tut tipaatsuutigineqar­tar­put.

Erseq­qis­sar­nerujumal­lugu as­sersuusioq­qip­poq: „Ar­nap kialuun­niit aningaasan­nguanik qulinik pil­lup aningaasan­nguaq ataaseq tam­maaguniuk nanerus­serluni il­lu sanis­san­ngin­ner­paa ujarleq­qis­saarlunilu nanitserlugu? Naniguniul­lu ikin­ngutini sanilinilu qaaq­qus­savai oqarlunilu: ’Tipaatsoqatigisinga; aningaasan­nguaatiga tam­maasaraluara nanivara.’“

Nas­suiar­paa: „Taamat­taaq, oqarfigaas­si, ajor­tulior­toq al­lamik isumataar­toq ataaseq Guutip in­ngiliini tipaatsuutigineqarumaar­poq.“

’Tam­mar­tut’ isumataar­nis­saan­nik Guutip in­ngiliisa taama soqutigin­nitsiginerat malugisariaqar­poq, ingam­mik eq­qarsaatigigaan­ni am ha’aʹræts-it taama asis­sugaatigisimasut Guutip naalagaaf­fiani qilam­miit­tumi inis­saqarsin­naam­mata, inis­samik in­ngilit inaan­nit nuimanerusumik! In­ngilit sin­ngan­ngil­lat. Maniguul­lutik pingaar­tip­paat inuit ajor­tiliusut inuunermin­ni pis­sutsit as­sigiin­ngitsut anigor­tarsimam­matigik qilam­mi kun­ngitut palasitul­lu misigin­neqataal­lutik naak­kin­nil­lutil­lu kif­far­torsin­naan­ngor­titaanermin­nik kinguneqar­tut. Lukas 15:1-10; Mattæus 9:13; 1 Korintumiut 6:2, 3; sarĸúmersitat 20:6.

▪ Sooq Jesusip ajor­tumik inooriaaseqar­tut ilagisar­pai, farisæeril­lu qanoq isor­nar­torsior­paat?

▪ Inuit nalingin­naat farisæerinit qanoq isigineqar­pat?

▪ As­sersuusiat suut Jesusip oqalut­tuarai, qanorlu ilin­niutigisinaavavut?

▪ In­ngilit tipaatsun­nerat sooq malugisariaqar­pa?