Kapitali 15

Jesusip tupinnartuliaa siulleq

UL­LOQ ataaseq marlul­luun­niit qaangius­simap­put Andreasip, Peterip, Johan­nesip im­maqalu Jakobip, Filipip Natanaelil­lu siul­ler­paal­lutik Jesusimut ajoqersugan­ngor­neran­nit. Maan­na Galilæamut, nunavim­min­nut, angerlamut ingerlaar­put. Or­nitaat tas­saavoq Kana, Natanaelip najugaqarfia, qaq­qani Nazaretip, Jesusip peroriar­torfigisimasaata, ungasin­ngitsuaniit­toq. Kanami katit­torsior­tunut qaaq­qusaasimap­put.

Jesusip anaanaa, Maria, aam­ma katit­torsior­tunut najuup­poq. Kater­ngaat ilaqutaan­nut ikin­ngutaasutut, qaaq­qusar­pas­suar­nik isumagin­neqataan­nguatsiarami er­niin­naq malugaa arlaan­nik amigaateqar­toq, Jesusilu oqarfigaa: „Viin­niutaarup­put.“

Viin­nimik amigaateqar­toqar­nera iliuuseqarfigeq­qor­palul­lugu oqar­nera Jesusip akuersor­pasin­ngilaa. „Susas­sarigak­kit?“ Jesus aperaaq. (NV) Kun­ngiugami Guutip toq­qagaa, qanoq iliuuseqar­nis­sani ilaqut­taminut ikin­ngutiminul­luun­niit aalajanger­tis­sin­naan­ngilai. Taamaat­tumik Maria silatusaar­poq er­nini ilagin­naramiuk, kif­fal­lu oqarfigalugit: „Sumik oqarfigip­pasi naalak­kisiuk.“

Arfinilin­nik qat­tarsuaqar­poq literit 40-t sin­nerlugit imaqarsin­naasunik. Jesusip kif­fat oqarfigai: „Qat­tat imermik im­mersigik.“ Kif­fal­lu ulik­kaavil­lugit im­mer­paat. Taava Jesus oqar­poq: „Qalusil­lusi nerliias­salerisumut aatsigitsi.“

Viin­nip pitsaal­luin­nas­susia nerliias­sior­tup tupaal­laatigaa sianiginagulu tupin­nar­tulior­nik­kut pilersimasoq. Angul­lu kater­ngaaq qaaq­quaa oqarfigalugulu: „Inuit tamarmik viin­ni pitsaaneq siul­liul­lugu sas­saal­liutigisar­paat, imer­nermil­lu naam­matsik­kaangata pik­kunaan­neq pisar­paat, il­lit viin­ni pitsaaneq man­na tikil­lugu toq­qor­pat.“

Tas­sa Jesusip tupin­nar­tulioq­qaar­nera, ajoqersugaasalu tamatumin­nga takun­nin­ner­tik up­per­nermik­kut nakus­satsis­sutigaat. Kingor­na Jesus anaanani, qatan­ngutini ajoqersuk­kanilu ilagalugit il­loqarfim­mut, Galilæap tasersuata eq­qaaniit­tumut, Kaper­naumimut aal­lar­poq. Johannes 2:1-12.

▪ Jesusip kif­far­tuus­siler­neranit qanoq ilisuk­kut Kanami katit­torsior­toqar­pa?

▪ Suna pis­sutigalugu Jesusip anaanami siun­nersuutaa iluarin­ngilaa?

▪ Jesus sumik tupin­nar­tulior­pa, al­lanul­lu qanoq sun­niup­pa?