Kapitali 30

Jesusip unnerluussisini akivai

JUUTIT up­perisarsior­nik­kut pisor­taasa sabbatisiun­ngitsoor­nerarluni pasil­lilerman­ni, Jesusip akivai: „Ataataga man­na tikil­lugu sulim­mat uangat­taaq sulivunga.“

Farisæerit un­nerluus­sutaan­nut akerliusoq tas­saavoq Jesusip ajun­ngitsuliai inatsisinit sabbatisior­nermut tun­ngasunit iner­teq­qutigineqan­ngim­mata. Oqaluus­sinis­saanik ajorun­naarsitsisar­nis­saanil­lu Guutip peq­qusimavaa, Jesusil­lu ul­lut tamaasa taamaalior­nermigut Guuti malin­niar­tar­paa. Akis­sutaata juutit suli kaman­nerulersip­pai, toqutaanis­saalu ilungersuutigiler­paat.

Taamaalior­put isumaqaramik Jesus sabbatisior­nis­samik unioq­qutitsiin­narani aam­mat­taaq Guutip Er­nituarigaani oqarami Guutimik mital­lersuusoq. Jesus qunusuil­luni nangip­poq oqalut­tuul­lugil­lu Guutimut qanit­tumik at­taveqar­nini pil­lugu. „Ataatam­mi Er­neq asavaa, qanoq ilior­ninilu tamaasa taas­sumun­nga takutit­tar­pai,“ oqar­poq.

„Soorlumi Ataatap toqusut makitit­tarai,“ Jesus nangip­poq, „taamat­taaq Er­nerup piumasani uum­mar­tit­tar­pai.“ Aap, anersaak­kut toqungasut Er­nerup makitit­talereer­pai! „Oqaatsin­nik tusar­toq aal­lar­titsisigalu up­peralugu,“ Jesus oqar­poq, „toqumit inuunermut nuus­simavoq.“ Nangil­lunilu oqar­poq: „Ul­lut nal­liuk­kumaar­put, maan­nak­kum­mi nal­lius­simap­put, taava toqusut Guutip er­nerata nipaa tusarumaar­paat, tusar­tul­lu inuus­sap­put.“

Sumiluun­niit al­las­simasoqan­ngilaq Jesusip taman­na tikil­lugu timik­kut toqusunik makititsisimaneranik, kisian­ni un­nerluus­sisini oqalut­tuup­pai eq­qor­tumik oqaatigalugu toqusunik makif­fis­saqarumaar­toq. Oqar­poq: „Taman­na tupigusuutigis­san­ngilarsi, ul­lut nal­liuk­kumaarmata, taava iliver­niit­tut tamarmik taas­suma nipaa tusarumaar­paat, anil­lutil­lu makis­sap­put.“

Qular­nan­ngitsumik Guutip siuner­taani inis­sisimaf­fini pingaaruteqar­toq Jesusip aatsaat taama ersaritsigisumik nas­suiar­paa. Un­nerluus­sisuili Jesusip nalunaajaataata saniatigut aam­ma al­lamik tamatumun­nga nalujun­naarutis­saqaraluar­put. „Johan­nesimut aal­lar­titsigas­si taas­suma sal­lusuis­sut nalunaajaas­sutigaa,“ Jesusip eq­qaasip­pai.

Ukiut marluin­naat tamatuma sior­nagut Johan­nes Kuisisup kingunermigut tak­kutus­saq pil­lugu juutit up­perisarsior­nik­kut pisor­taat oqalut­tuus­simavai. Jesusip eq­qaasip­pai qanoq Johan­nes, maan­na par­naarus­saaq­qasoq, ataq­qitigisimagaat oqarlunilu: „Ilis­si qaamanera [sivikitsumik, NV] nuan­nariniar­parsi.“ Taman­na Jesusip taak­kunun­nga eq­qaasitsis­sutigaa ikior­nis­saat, aap an­naan­nis­saat neriuutigalugu. Johan­nesil­li nalunaajaataasa saniatigut aam­ma al­lanik in­nersuus­sutigisin­naasaqar­poq.

„Suliat tamak­kua suliarisama (aatsaan­nguaq tupin­nar­tuliarisaa ilan­ngul­lugu) nalunaajaas­sutigaan­nga Ataatap aal­lar­tik­kaanga,“ Jesus oqar­poq imalu nangil­luni: „Ataatal­lu aal­lar­titsisima nam­mineq nalunaajaas­sutigaanga.“ As­sersuutigalugu, Jesus kuisim­mat nalunaajaas­sutigalugu Guuti oqarsimavoq: „Tas­sa er­nera asanar­toq nuan­narisara.“ Jesusip un­nerluus­sisui taas­sumin­nga ajat­tuinis­samin­nut pis­sutis­saqan­ngil­luin­nar­put. Al­laat al­lak­kat farisæerit atuaq­qis­saar­tar­neragaasa Jesus nalunaajaas­sutigaat! „Mosesimi up­perigus­siuk uangat­taaq up­pereq­qajaqaas­singa,“ Jesus oqar­poq, „uan­nik al­lam­mat. Taas­sumali al­lagai up­perin­ngin­nas­sigik qanormi taava oqaatsik­ka up­peris­savisigik?” Johannes 5:17-47; 1:19-27; Mattæus 3:17.

▪ Sooq Jesusip suliai sabbat pil­lugu inatsisinik unioq­qutitsin­ngil­lat?

▪ Qanoq ilil­luni Guutip siuner­taani inis­sisimaf­fini pingaaruteqar­toq Jesusip nas­suiar­paa?

▪ Nalunaajaatit suut Jesusip in­nersuus­sutigai up­per­narsarumal­lugu nam­mineq Guutip er­nerigaani?