Kapitali 13

Jesusip usserniar­neqarneri ilinniarfigikkit

JESUS kuisis­simatsiaan­narluni Guutip anersaavanit Judæap puilasuitsuanut ingerlan­neqar­poq. Eq­qarsaatigisas­sar­pas­suaqar­poq, kuisin­nermigum­mi ’qilaat am­maler­put’, taamaalil­lunilu qilam­miit­tut paasisin­naalerlugit. Mas­sak­kor­piaq eq­qarsaatigeq­qis­saagas­sar­pas­suaqar­poq!

Jesus ul­lut un­nual­lu 40-t puilasuitsumiin­nermini nerin­ngivip­poq. Taamaat­tumik kaat­torujus­suusoq Diaavulup us­ser­niarlugu saaf­figaa: „Guutip er­nerip­patit ujaq­qat uku timiusan­ngoq­quk­kit.“ Jesusil­li nalun­ngilaa nam­mineq inut­tut kis­saatigisani piin­narlugit tupin­nar­tuliorsin­naas­sutsiminik atuinis­saq kuk­kunerusoq. Taamaat­tumik us­ser­neqaruman­ngilaq.

Diaavululi nak­kaan­nan­ngilaq. Misileeq­qip­poq. Jesus naalaf­fiup qarmarsuanit pis­seq­quaa Guutil­lu in­ngiliinit an­naatseq­qul­lugu. Jesusil­li us­siiniar­neq taman­na nak­kaan­narfigin­ngilaa. Jesusip Al­lak­kat Il­ler­nar­tunit is­suaajutigaluni takutip­paa Guutimik misiliineq eq­qun­ngitsulior­nerusoq.

Pingajus­saanik us­siiniar­nermini Diaavulup tupin­nar­tulior­nik­kut silarsuup naalagaaf­fis­sui Jesusimut takutip­pai oqarlunilu: „Mak­ku tamaasa ilin­nut tun­niuk­kumaar­pak­ka, nunamut pal­lorfigigum­ma.“ Ajor­tumil­li us­seriar­neqar­nerigaluani aam­ma itigar­tip­paa, Guutimul­lu aalajaat­tuaan­nar­nis­sani qinerlugu.

Jesusip us­seriaraluar­neqar­neri uagut ilin­niarfigil­luarsin­naavavut. Tamatumuuna erser­poq inuit ilaasa ima oqar­tar­nerat: ’Diaavulu tas­saagin­nar­poq inum­mi ajor­toq,’ ilumuun­ngitsuusoq, Diaavululi tas­saasoq kinaas­susilivik takus­saan­ngitsoq. Aam­mat­taaq Jesusip pingajus­saanik us­seriar­neqar­nerata takutip­paa silarsuarmi naalagaaf­fis­suit tamaasa Diaavulup pigisarigai. Diaavulum­mi neqeroorutini pigisiman­ngitsuup­pagit qanoq ilil­lutik Jesusimut us­ser­nar­torsior­titsiniutaasin­naas­sagaluar­pat?

Diaavulu oqar­poq Jesusip ataasiaan­narluniluun­niit pal­lorfigigaluar­pani akilerumaarlugu, al­laat nunap naalagaaffissui tamaasa tuniuk­kumaarlugit. Diaavulup tamatumun­nga as­singusumik uagut us­ser­niarsin­naal­luar­paatigut, im­maqa pilerinar­tunik periarfis­sin­nermisigut, soorlu nunap pisuus­sutaanik, pis­saanermik atorfim­mil­luun­niit nuimasumik angusinis­samik. Kisian­ni tamanit silatuner­paas­saaq Jesusip ilior­nera malik­kutsigu Guutimul­lu aalajaat­tuaan­narut­ta, qanorluun­niit misilin­neqaraluarut­ta! Mattæus 3:16; 4:1-11; Markus 1:12, 13; Lukas 4:1-13.

▪ Ul­luni 40-ni puilasuitsumiin­nermini Jesusip suut eq­qarsaatigeq­qis­saarsimas­savai?

▪ Diaavulup qanoq ilil­luni Jesus us­seriaqat­taar­paa?

▪ Jesusip us­seriaraluar­neqar­neri qanoq ilin­niarfigisin­naavavut?