Kapitali 11

Johannes aqqummik piareersaavoq

JESUSIP 12-inik ukioqarluni naalaf­fim­mi ajoqersuisunik apersuineranit ukiut 17-it ingerlareersimap­put. Ukiumi 29-mi uper­naajuvoq, inuil­lu tamarmik Jesusip il­lua, Johan­nes, Jordanip kuus­suata eq­qaani tamani angalal­luni nalunaajaasoq, oqal­lisigin­nguatsiar­paat.

Johan­nesip isik­kua oqaluusialu inun­nit maluginiar­neqar­put. Atisaa qatigat­tuup meq­quinik sanaajuvoq, amermil­lu qiteruteqar­poq. Nerisaraalu pil­ler­tat igutsaal­lu tungusun­nitsuutaat nunaan­narmi nas­saaq. Tusagas­saq suna nalunaajaatigaa? „Al­lamik isumataaritsi, qilam­miup naalagaaf­fia qanil­lim­mat.“

Tusarlius­saa tusar­naar­tuinut as­sut sun­niuteqar­poq. Amerlasuut misiutigin­ngilaat isumataar­tariaqar­ner­tik, tas­sa isumar­tik al­lan­ngor­til­lugu, inooriaaserigaluar­til­lu kuk­kusoq taamaatil­lugu. Taamaat­tumik Jordanip eq­qaanit tamanit, al­laal­lu Jerusalemimit, inuit amerlasuuk­kaat Johan­nesimut or­nigup­put. Taas­sumalu Jordanip er­nganut morsutsil­lugit kuisar­pai. Sooq?

Guutip inatsisit tun­ngavigalugit angerusaanut unioq­qutitsil­lutik ajor­tuliamin­nik inuit peq­qis­simis­suteqangaar­neran­nut as­sersuutitut Johan­nesip kuisar­pai. Taamaat­tumik farisæerit saddukæeril­lu Jordanimut pim­mata, Johan­nesip avoq­qaarai. „Taatuuku pulateriaarsuit piaraat,“ oqarfigai. „Al­lamik isumataar­nermut naaper­tuut­tunik inerititaqaritsi. Isumaqar­nasilu ilus­sigut oqarumal­lusi: ’Abraham ataatagaar­put;’ oqarfigaas­simi: ujaq­qanit mak­kunan­nga Guutip Abraham qitor­nas­sarsisin­naavaa. Ulimaat or­piit tun­ngaviinut tutsereer­poq; taamaat­tumik or­pik sunaluun­niit ajun­ngitsunik inerititaqan­ngitsoq kipineqas­saaq, in­nermul­lu igin­neqas­saaq.“

Johan­nes tamanit sam­mineqalermat juutit palasinik Levik­kun­nil­lu taas­sumun­ngar­titsip­put. Aperip­put: „Kinaavit?“

„Kristusiun­ngilanga,“ Johan­nes nas­suer­poq.

„Kinaavim­mi?“ aperaat. „Eliasiuit?“

„Taan­naan­ngilanga,“ akivoq.

„Pruf­fiitiuit taan­na?“

„Naagga!“

Taava kimigiiser­put: „Kinaavim­mi? Uatsin­nik aal­lar­titsisut qanoq akis­savavut? Im­minik qanoq oqaatigaat?“

Johan­nes nas­siuiaavoq: „Uanga tas­sa puilasuitsumi torlulasup nipaa: [Jehovap] aq­qutis­saa nalim­matsersiuk; soorlu pruf­fiiti Esajas oqar­toq.“

„Soormi taava kuisivit,“ paaserusup­paat, „Kristusiun­ngin­navit Eliasiunal­lu prufiitiunal­lu taan­na?“

„Uanga imermik kuisivunga,“ akivoq. „Akor­nas­sin­niiler­poq ilisarin­ngisarsi kingunik­kut pis­sasoq.“

Inuit Mes­siasimik, kun­ngin­ngor­tus­samik, uum­matimik­kut akuerin­nis­sin­naalersin­nerisigut Johan­nes aq­qum­mik piareersaavoq. Mes­sias pil­lugu Johan­nes oqar­poq: „Kingunik­kut pisus­saq uan­nit nakuuneruvoq, taan­na qin­ngaq­quf­figeqaara aloqutaanik tigumiutis­sal­luguluun­niit.“ Johan­nes al­laat oqar­poq: „Kingunik­kut pis­sasoq siunin­niit­toq, uan­nim­mi siul­liuvoq.“

Johan­nes oqar­poq: ’Qilam­miup naalagaaf­fia qanil­livoq’, inuit tamarmik paasinias­sam­mas­suk Jesusip, Jehovap Kun­ngitut toq­qagaata, kif­far­tor­nis­sani aal­lar­tingajaleraa. Johannes 1:6-8, 15-28; Mattæus 3:1-12; Lukas 3:1-18; Apustilit suliaannik allakkat 19:4.

▪ Suna Johan­nesimi maluginiar­neqar­pa?

▪ Sooq Johan­nesip inuit kuisar­pai?

▪ Sooq Johan­nes oqarsin­naava Naalagaaf­fik qanil­lisoq?