Kapitali 38

Johannesip uppernera amigarsimava?

JOHAN­NES KUISISUP, maan­na ukiumi ataatsimi par­naarus­saaq­qareersimasup, tusar­paa Nainimi uil­lar­nerup er­nera toqusunit makititaasimasoq. Tamatuma qanoq paasisariaqar­nera Jesusimit nam­minermit tusarusuk­kamiuk Johan­nesip ajoqersuk­kami ilaat marluk taas­sumun­ngar­tip­pai apereq­qul­lugu: „Il­lit taan­naavit tikiut­tus­saq, al­lamil­luun­niit utaq­qis­saner­pugut?“

Apeq­qutaa eq­qumiip­palus­sin­naavoq, ingam­mik eq­qarsaatigalugu Johan­nesip ukiut marlungajaat tamatuma sior­na Jesus kuigamiuk Guutip anersaava taas­suma qulaanut pisoq takusimam­magu Guutil­lu taas­sumin­nga iluarin­nin­nerar­nera tusarsimal­lugu. Inuit ilaat isumaqarsin­naap­put Johan­nes up­per­nermigut san­ngiil­lisimasoq. Taamaan­ngilarli. Johan­nes qulalersimagaluar­pat Jesusip taama iluarin­nip­palutsigaluni eq­qar­tor­navian­ngik­kaluar­paa. Johan­nesil­li apeq­qutaa qanoq paasisariaqar­pa?

Imaas­sin­naavoq Johan­nesip kis­saatigiin­naraa Jesusip Mes­siasiunerminik up­per­narsaanis­saa. Par­naarus­sivim­mimi an­nikil­lior­nermini nakus­satsis­sutigis­sagaluaqaa. Al­lali pin­nguatsiar­paa. Qular­nan­ngitsumik Johan­nesip paaserusup­paa al­lamik tak­kut­toqas­sanersoq, al­latut oqaatigalugu kingoraar­taasus­samik, siulit­tuutit naaper­torlugit Mes­siasip naam­mas­sisas­saanik tamanik eq­quutitsisus­samik.

Bibelimi siulit­tuutigineqar­tut Johan­nesip nalun­ngil­luagai naaper­torlugit Guutip Tanitaa kun­ngiusus­saavoq, tigusanik inus­siaajun­naarsitsisus­saq. Johan­nesili suli tigusaaq­qavoq, Jesusil­lu kuisin­neranit qaam­mater­pas­suit ingerlareersimap­put. Apeq­qutiginiagaa unaagunar­poq: ’Guutip naalagaaf­fianik atuutilersitsisus­saq il­liua, al­laluun­niit utaq­qis­savar­put, Mes­siasip naalan­narsusia pil­lugu siulit­tuutinik nuan­nersunik tamanik eq­quutitsisus­saq?’

Johan­nesip ajoqersugai Jesusip oqarfigin­ngilai: ’Soorunami taan­naavunga tikiut­tus­saq!’, tupin­nar­tulioqat­taar­porli, nap­paatilip­pas­suit an­niaatilip­pas­suil­lu ajorun­naarsit­tarlugit. Oqarfigai: „Johan­nes oqarfigiar­torsiuk takusas­sin­nik tusak­kas­sin­nil­lu: tap­piitsut isaat uisitaap­put, tusiat­tut pisup­put, pupis­sut pupeerup­put, tusilar­tut siutaat am­mar­neqar­put, toqusut makip­put, ’piitsut iivangkiiliumik oqaluf­figineqar­put’.“

Jesusip iliuuseqar­nerunis­saanik ilimasun­nermik Johan­nesip apeq­qutaa im­maqa ilaqar­poq, as­sersuutigalugu, aniguisin­neqar­nis­saminik. Paasitip­paali an­nerusumik ilimasus­san­ngitsoq.

Johan­nesip ajoqersugai aal­larmata Jesusip inup­pas­suit saap­pai oqalut­tuutilerlugil­lu Johan­nes tas­saasoq „aal­lar­titaq“ Malakias 3:1-imi siulit­tuutigisaasoq, aam­malu „pruf­fiiti Elia“ Malakias 3:23-mi tikiun­nis­saa siulit­tuutigisaasoq. Johan­nes nersor­paa oqarlunilu pruf­fiitisul­li siulimisut atsigisoq. „Ilumut oqarfigaas­si: ar­nanit er­niusuni Johan­nesimit Kuisisumit an­nerusumik saq­qum­mersoqan­ngilaq; Qilam­miul­li Naalagaaf­fiani min­nerusoq taas­suman­nga an­neruvoq. Johanesil­li Kuisisup ul­lui aal­lar­niutigalugit man­nalu tikil­lugu Qilam­miup Naalagaaf­fia [inuit tamaviaarlutik anguniagaraat, NV].“

Jesusip ersersip­paa Johan­nes naalagaaf­fim­mi qilam­miit­tumi ilaas­san­ngitsoq, Naalagaaf­fim­mimi min­nerusoq taas­suman­nga an­neruvoq. Johan­nesip Jesus aq­qutis­siuus­simavaa, Kristusil­li naalagaaf­fim­mini naalak­kersueqataasus­satut ajoqersuk­kaminik angerfigeqatigin­nin­nis­saa sioq­qul­lugu toqusus­saavoq. Taamaat­tumik Jesus oqar­poq Johan­nes qilam­miup naalagaaf­fiani ilaas­san­ngitsoq, Naalagaaf­fiul­li nunami in­nut­taanut ilaas­sasoq. Lukas 7:18-30; Mattæus 11:2-15.

▪ Sooq Johan­nesip Jesus aperaa tas­saanersoq tikiut­tus­saq, al­laluun­niit utaq­qis­sanerlugu?

▪ Siulit­tuutit suut Jesusip Johan­nesimut eq­quutin­nerar­pai?

▪ Sooq Johan­nesip Jesus qilam­meeqatigis­san­ngilaa?