Kapitali 26

Kapernaumimut angerlaqqinneq

MAAN­NA sumi tamaani Jesus tusaamaneqalersimavoq, avin­ngarusimasunul­lu unin­ngaarfigisaanut inup­pas­suit or­nigut­tar­put. Ul­lualuil­li qaangium­mata Kaper­naumimut, Galilæap tasersuata sinaaniit­tumut, uter­poq. Angerlamut apuus­simanera il­loqarfim­mi tamanit tusaamaneqaler­tor­poq, il­lumul­lu najugaqarfigisaanut inup­pas­suit or­nigup­put. Farisæerit inatsisinil­lu ilisimasut ungaseqisumit, al­laat Jerusalemimit, aggiap­put.

Isaajumasut amerlangaaramik tat­toqil­liuut­torsuan­ngor­put. Maan­na maluginiar­nar­tumik pisoqaler­poq. Pisoq taman­na pingaarutilerujus­suuvoq, tas­sami tamatuma paasitip­paatigut inuit an­niaateqar­tar­neran­nut pis­sutaasumik peersitsinis­samut aam­malu piumasaminik kimil­luun­niit ajorun­naarsitsinis­samut Jesusip pis­saaneqar­neranik.

Inun­nik tusar­naar­tunik Jesus ajoqersuitil­lugu angutit sisamat angum­mik tumar­torsimasumik akiutini in­nangasumik akiarlutik il­lup silataanut tikiup­put. Taak­kua kis­saatigaat ikin­nguter­tik Jesusip ajorun­naarsis­sagaa, il­luli inun­nik ulik­kaarmat isersin­naan­ngil­lat. Ila pakatsinaraluas­susia! Nak­kaan­nan­ngil­lal­li. Il­lup qalianut toq­qis­sumut qaqip­put, qalequtis­sial­lu ilaan­nik peersil­lutik qaliaq putuaat, angul­lu tumar­torsimasoq akiutini in­nangasoq Jesusip eq­qaanut ningil­lugu.

Jesus oqalun­nermini akor­nuser­neqarami kamaler­pa? Naamerluin­naq! Akerlianil­li taak­kua up­persusiat maluginiar­torujus­suuaa. Tumar­torsimasumut ima oqar­poq: „Ajor­tin­nik isumak­keerfigineqar­putit.“ Kisian­ni Jesus ilumut ajor­tinik isumak­keerfigin­nis­sin­naava? Al­lak­kanik ilisimasut farisæeril­lu taama isumaqan­ngil­lat. Uum­matimik­kut ima oqar­put: „Kina Guutiun­ngitsoq ajor­tinik isumak­kiisin­naava?“

Jesusip nalun­ngin­namigit qanoq eq­qarsar­tut ima oqarfigai: „Suna ajor­nan­ngin­nerua, tumar­torsimasumut oqarluni: ’Ajor­tin­nik isumak­keerfigineqar­putit,’ imaluun­niit oqarluni: ’Makil­lutit in­nan­ngaviit tiguuk angalaarlutil­lu’?“ Akis­sutis­saat utaq­qeq­qaar­nagu Jesus tumar­torsimasumut saap­poq oqarfigalugulu: „Makil­lutit in­nan­ngaviit tiguuk il­lun­nul­lu angerlarlutit!“ Aap­pas­saanil­lu oqar­nis­saa utaq­qinagu angutip in­nan­ngavini tiguaa tamarmil­lu isigitil­lugit anil­luni! Tupigusul­lutik nil­ler­put oqarlutik: „Taamaalisumik takun­ngisaan­nar­pugut.“

Malugaajuk ajor­ti nap­paam­mut atatil­lugu Jesusip taam­magu, aam­malu isumak­keerfigineqar­neq timik­kut peq­qis­sinis­samut at­tuumas­suteqarmat? Bibelimi nas­suiar­neqar­poq siuaasar­put siul­leq, Adam, ajor­tuliorsimasoq ajor­tulior­nerul­lu tamatuma kinguneri, tas­sa nap­paatit toqulu, tamat­ta kingor­nus­simagivut. Guutil­li naalagaaf­fiata aqutsinerani inuit Guutimik asan­nil­lutil­lu kif­far­tuus­sisut tamarmik Jesusimit isumak­keerfigineqas­sap­put, taavalu nap­paatit suul­luun­niit peer­neqas­sap­put. Ila nuan­nerluin­nas­susis­saa! Markus 2:1-12; Lukas 5:17-26; Mattæus 9:1-8; Romamiut 5:12, 17-19.

▪ Sumi maluginiar­nar­tumik sumik pisoqar­pa?

▪ Tumar­torsimasoq qanoq ilil­lugu Jesusimukaan­neqar­pa?

▪ Sooq tamat­ta ajor­tiliuvugut? Jesusil­li qanoq ilil­luni ajor­titsin­nik isumak­keerfigineqar­nis­satsin­nik peq­qil­luin­nar­tun­ngor­nis­satsin­nil­lu neriuutis­sip­paatigut?