Kapitali 107

Katittorsiornermik assersuusiaq

JESUSIP as­sersuusiamigut marluusutigut al­lak­kanik ilisimasut palasiuneril­lu qulaareer­pai, maan­nalu taak­kunan­nga toqun­niar­neqar­poq. Jesusili suli oqaasis­saqaqaaq. Nangil­luni aam­ma as­sersuusioq­qip­poq:

„Qilam­miup naalagaaf­fia imaap­poq, soorlu inuup kun­ngiusup er­ni katit­tus­saq nerliias­sioraa. Kif­fanilu aal­lar­tip­pai nuliariis­sus­sanut neriar­toq­qusat qaaq­qujar­toq­qul­lugit; aggeruman­ngil­lal­li.“

Kun­ngi tas­saavoq Jehova Guuti, er­nermi, Jesus Kristusip, katin­nis­saani nerersuar­nis­samik piareersaasoq. Kristusip nulias­saqatigiivisa, ajoqersuk­kat tanitaasut 144.000-iusut, uis­sar­tik naggataatigut qilam­meeqatigilersus­saavaat. Kun­ngip in­nut­tai tas­saap­put Israelip in­nut­tai, ukiumi 1513-imi u.n.a.s. inatsisit tun­ngavigalugit angerutsimik angerfigineqaramik ’palaseqatigiin­nik kun­ngeqarfin­ngor­nis­samin­nut’ periarfis­saqalersimasut. Pisumi tas­sani katit­torsior­nis­samut qaaq­qusaasimap­put.

Qaaq­qusanul­li aggeq­qusis­sut aatsaat ukiumi 29-mi ukiak­kut, Jesus ajoqersugaalu (kun­ngip kif­fai) Naalagaaf­fim­mik oqaluus­sis­sutigin­nilermata, tusarliun­neqaler­poq. Kajumis­saarut taman­na, ukiuni 29-miit 33-mut kif­fanit tusarliun­neqar­tar­toq, uinik­kut israelik­kut tusaramik­ku aggeruman­ngil­lat. Inuiaal­li qaaq­qusaasimasut Guutip periarfis­seq­qip­pai, soorlu Jesus oqalut­tuar­toq:

„Aam­ma kif­fat al­lat aal­lar­tip­pai oqarluni: neriar­toq­qusat oqarfigisigik: ’Ata, nerliutis­sak­ka piareer­pak­ka, us­siutik­ka nersutaatik­kalu pual­larsak­kat pilareer­put, tamarmik piareer­put; nuliariis­sus­sanut neriar­toritsi!’“ Kajumis­saarinerit aap­paat kingul­lersaal­lu ukiumi 33-mi piinsimit, Jesusip ajoqersugaanut anersaap il­ler­nar­tup kuineqar­neranit, 36-mut tusarliun­neqar­tar­poq.

Israelik­kul­li amerlanersaasa kajumis­saarut taman­na itigar­tip­paat. „Soqutigin­ngilaat,“ Jesus nas­suiaavoq. „Ilaasa nunaatitik or­nip­paat, ilaasalu sulias­satik. Ilaasalu kif­fat tiguaat mitaatigalugit toqul­lugil­lu. Kun­ngili kamaler­poq, sak­kutuunilu aal­lar­tip­pai inuarsimasut taak­ku nungutil­lugit, il­loqarfial­lu ikik­kar­tip­paa.“ Taman­na ukiumi 70-imi pivoq, il­loqarfiat Jerusalem Romamiut suujun­naarsim­mas­suk inuilu toqorarlugit.

Taman­na pitin­nagu qanoq pisoqarsimasoq Jesusip nas­suiar­paa: „Kif­fani taava [kun­ngip] oqarfigai: ’Nuliariis­sus­sanut nerliias­siat piareeraluar­put, neriar­toq­qusal­li taak­kunun­nga qin­ngaq­qun­naqaat. Taamaat­tumik aal­laritsi aq­quser­nit paarlan­ngaviinut, naapitasilu tamaasa nuliariis­sus­sanut neriar­toq­qusigik!’“ Kif­fat taamaalior­put, „nuliariis­sus­sal­lu nerliiviat (nerersuarfiat) tamarmi neriar­tor­tunik inoqaler­poq.“

Inun­nik aq­qusiner­ni qaaq­quneqar­tuugaluit il­loqarfiata avataaniit­tuniit­tunik katersuineq taman­na ukiumi 36-mi aal­lar­tip­poq. Juutiun­ngitsut kipineqarsiman­ngitsut katersor­neqar­tut siul­lersaraat sak­kutuut naalagaat Romamiuusoq Kor­nilius ilaqutaalu. Qaaq­qusaagaluarlutik piuman­ngitsunut taarsiul­lugu juutiun­ngitsunik tamak­kunin­nga katersuineq nalitsin­nut ukiut 20 hundredes­saan­nut al­laat ingerlan­neqar­poq.

Nuliariis­sus­sat nerersuarfiat ukiut 20 hundredes­saata ingerlanerani ulik­kaar­neqar­poq. Jesus nangip­poq: „Taava kun­ngi iser­poq neriar­torsimasut takujar­torlugit, tas­sanilu inuk takugamiuk as­suut katit­torsiut atisiman­ngik­kaa, oqarfigaa: ’Uumaa, qanoq ilil­lutit tamaanga iser­pit as­suut katit­torsiut atisimanagu?’ Taan­nali nil­lin­ngilaq. Kun­ngip taava kif­fat oqarfigai: ’Niuilu taliilu qilersorlugit silataanut ajat­torsiuk taar­nersuarmut [tas­sani qial­lunilu qorsaq­qor­tas­saaq, NV]!’“

Angut katit­torsium­mik atisisiman­ngitsoq kristumiuunerar­tunut as­sersuutaavoq. Taak­ku anersaak­kut israelik­kuusutut Guutimit akuerineqarsiman­ngisaan­nar­put, ilisar­naatis­sat eq­qor­tut pigin­ngin­namik­kik. Naalagaaf­fim­mini in­nut­taasus­satut Guutip anersaaminik tanis­siman­ngisaan­nar­pai. Taamaat­tumik silataanut taar­nersuarmut ajat­tor­neqar­put, tas­sani suujun­naarsitaas­sal­lutik.

As­sersuusiani Jesusip ima naggaser­paa: „Qaaq­qusimasut amerlaqaat, qinik­kal­li ikit­tun­nguul­lutik.“ Aap, Israelip in­nut­taasa ilar­pas­sui Kristusip nulias­saqatigiivinut ilaanis­samin­nik qaaq­quneqarsimagaluar­put, uinik­kul­li israelik­kuusut ikit­tuin­naat qiner­neqarsimap­put. Taamaalil­lutik qaaq­qusat 144.000-iusut qilam­mi akis­sarsisus­sat amerlanersaat israelik­kuun­ngitsuup­put. Mattæus 22:1-14; 2 Mosesimik allakkat 19:1-6; sarĸúmersitat 14:1-3.

▪ Katit­torsior­nermut kik­kut qaaq­qusaasimagaluar­pat, qaaq­qusis­sul­lu qanga pisimavaat?

▪ Qaaq­qusaasut qanga siul­lermik aggeq­quneqar­pat, kif­fal­lu aggeq­qusisut kik­kuup­pat?

▪ Qanga aap­pas­saanik aggeq­quneqar­pat, kingor­nalu kik­kut qaaq­qusaap­pat?

▪ Angut katit­torsium­mik atisisiman­ngitsoq kik­kun­nut as­sersuutaava?

▪ Qaaq­qusaasimasut amerlasuut kik­kuup­pat, qinik­kal­lu ikit­tut kik­kuup­pat?