Kapitali 77

Kingornussassamik apeqqut

JESUSIP farisæerimi neriar­torsimanera qular­nan­ngitsumik tusaamaneqalersimavoq, inuim­mi tuusintilik­kuutaat il­lup silataani katersuup­put Jesusip aninis­saa utaq­qil­lugu. Farisæerit Jesusimik as­sor­tuisut kuk­kusumil­lu oqaaseqar­titsiniaasut as­siginagit inuit pileril­lutik nuan­naarlutil­lu Jesus tusar­naar­paat.

Siul­lermik Jesusip ajoqersuk­kani saaf­figai oqarlunilu: „Pingaar­tumik farisiiarit seer­narsaatis­siaan­nut — tas­sa ilumoor­tuusaar­niar­nermut — mianersoritsi!“ Aap, soorlu Jesusip nerinerup nalaani ersersis­simagaa, farisæerit up­perisarsior­nik­kut periaasiat ilumoor­tuusaar­nermik ulik­kaar­poq. Ajus­suser­tik up­per­tuusaar­nermik toq­qorsin­naagaluaraat qaquguluun­niit qulaar­neqarumaar­poq. „Iser­tuk­kamik saq­qum­min­ngitsoqas­san­ngilaq an­ngigisamil­lu ilisimaneqan­ngitsoqas­sanani,“ Jesus nalunaar­poq.

Taava apustilini aq­qaneq-marluk Galilæamut oqaluus­siar­tor­tileramigit qiim­mas­saatini uteq­qip­paa: „Ersigis­san­ngilasi timimik toqutsisut kingor­nalu sumik an­nermik pisin­naanatik.“ Guuti kimil­luun­niit, qupaloraarsum­mil­luun­niit, puiuin­ngisaan­narmat Jesusip ajoqersuk­kaminut qularutigeq­qun­ngilaa Guutip taak­kunin­ngat­taaq puiuin­ngin­nis­saa. Nangip­poq: ’Katisimasunut siulersuisunul­lu naalak­kersuisunul­lu sas­sar­tip­pasi, taava taamaalisuk­kut Anersaap Il­ler­nar­tup oqaasis­sas­sin­nik ajoqersorumaar­paasi.’

Angut inup­pas­suit akor­nan­niit­toq maan­na oqaaseqaler­poq: „Ajoqersuisoq!“ qinuvoq, „qatan­ngutiga oqarfiguuk kingor­nus­sas­satsin­nik avif­figeq­qul­lunga.“ Er­nerup angajul­liliap al­lat pis­sarsiaata marloriaataan­nik kingor­nusas­saqar­titaanis­saa Mosesip inatsisaani erseq­qis­sumik aalajangersar­neqarsimam­mat akerleriis­sutis­saqar­tariaqan­ngik­kaluar­poq. Qular­nan­ngitsumik angut im­minut kingor­nus­sas­sarititaasunit amerlanerusunik perusup­poq.

Eq­qor­tumik iliorluni Jesusip akerleriin­neq akuliuf­figiuman­ngilaa. „Inuk uumaa! Kia ilis­sin­nut eq­qar­tuus­sis­sun­ngor­til­lungalu agguaasun­ngor­tim­manga?“ aperaaq. Inup­pas­suil­lu pingaar­tumik matumin­nga oqaaq­qis­saar­pai: „Mianersoritsi piumatuuleq­qunasi; peqangaaraluarluni pigisani inuup inuus­sutigisarin­ngim­magit.“ Aap, inuk pigisaqangaaraluarluni pis­sutsit maan­nak­kutut itil­lugit toqujumaar­poq pigisanilu tamaasa al­lanut qimal­lugit. Taman­na erseq­qis­sar­niarlugu, Guutimil­lu iluarisaasumik ateqaler­nian­ngitsoor­nerup qanoq sianiil­lior­nerutiginera takutin­niarlugu, Jesus ima as­sersuusior­poq:

„Inoqar­poq pisoorsuarmik; taas­suma narsaataa inerit­toqarluarsimavoq. Taava ilumigut isumaliuler­poq oqarluni: ’Qanoq ilius­saner­punga? Inerit­tuutik­ka katersugas­sak­ka inis­saqar­tin­ngin­nak­kit.’ Oqar­porlu: ’Imaalius­saanga: quik­ka ingutserlugit al­lisis­savak­ka, tas­sungalu katersus­savak­ka inerit­tuutik­ka ajun­ngitsuutik­kalu tamaasa; tar­nin­nul­lu oqas­saanga: Tar­niga! Ajun­ngitsuuter­pas­suar­nik ukior­pas­suar­nut toq­qor­taqar­putit; qasuersaar­niarit, neril­lutil­lu imerlutil­lu nuan­naarit!’ Guutil­li oqarfigaa: ’Uumaa, siuneqan­ngitsutit! Un­nuaq man­na tar­nit ilin­nit qaaq­qus­savaat; kia taava piareersak­katit pigis­savai?’“

Jesus naggasiivoq: „Taamaat­tar­put pequutinik im­min­nut katersuiniar­tut, Guutimili pisuunatik.“ Ajoqersuk­kat qular­nan­ngitsumik pisuus­sutinik katersuil­lutik sianiitsuujumanavian­ngil­lat, al­laal­li ul­lormut pisariaqar­titamin­nik pis­sarsiniar­nermin­ni uum­matik­kut iluun­ngarlutik Jehovamik kif­far­tuus­siner­tik tunul­liut­tuuleriataarsin­naavaat. Taamaat­tumik Jesusip maan­na pif­fis­saq iluatsil­lugu un­nersuus­sut pitsaasoq ukioq af­farlu tamatuma sior­nagut Qaq­qami oqaluutsimini oqaatigisimasani uteq­qip­paa. Ajoqersuk­kat oqarfigai:

„Taman­na pil­lugu oqarfigaas­si: Inuunersi isumakuluutigis­san­ngilarsi suna neris­sagis­si; timiluun­niit isumakuluutigis­san­ngilarsi suna atis­sagis­si. . . . Tuluk­kat misis­sorsigik; siaruar­terinatil­lu katersuin­ngil­lat, qimatuliveqaratil­lu queqan­ngil­lat, taamaat­toq Guutip nerisit­tar­pai; . . . Liljet qanoq naajar­tor­tar­tut misis­sorsigik, suliniar­natil­lu qis­sisarin­ngil­lat; oqarfigaas­sili: Salomoniluun­niit naalagaanersuugaluarluni taak­kua ilaat­tut atitin­neqan­ngilaq. . . .

Taavat­taaq ilis­si, nerisas­sas­sin­nik imis­sas­sin­nil­lu isumalius­san­ngilasi er­numanasilu! Tamak­ku tamaasa Guutimik nalusut silamiusut piniarsin­nararaat; Ataatas­sili tamak­kunin­nga pisariaqar­tusi ilisimavaasi. Kisian­ni Guutip naalagaaf­fia piniarsiuk, taava tamak­ku tamaasa ilan­ngul­lugit piumaar­pasi.“

Ingam­mik aningaasatigut ajor­nar­toorfim­mi Jesusip oqaasii tamak­ku eq­qaasariaqar­put. Timik­kut pisariaqar­titanik isumakuluutigin­nip­pal­laalersup anersaak­kul­lu sulias­sanik tunul­liutitsilersup ilumut ersersip­paa Guutip kif­faminik isumagin­nis­sin­naaneranut up­per­nini amigaateqar­toq. Lukas 12:1-31; 5 Moses 21:17.

▪ Suna pis­sutigin­nguatsiarlugu angut kingor­nus­sas­sat pil­lugit aperaaq, Jesusilu qanoq oqaaq­qis­saariva?

▪ Jesus qanoq as­sersuusior­pa, sunalu erseq­qis­sar­niarlugu?

▪ Un­nersuus­sut suna Jesusip uteq­qip­paa, sunalu pil­lugu naleq­qul­luar­pa?