Kapitali 102

Kristusip Jerusalemimut iseriartornera

AQAGUANI, sapaam­mi nisanip 9-ani, Jesus ajoqersuk­kani ilagalugit Betaniamit aal­lar­poq, Jerusalemip tungaanut Uuliap qaq­qaa aq­qusaarlugu. Sivitsun­ngitsoq Betfagep, Uuliap qaq­qaaniit­tup, eq­qaanut pip­put. Ajoqersuk­kami ilaat marluk Jesusip oqarfigai:

„Il­loqarfin­nguamut siunis­sin­niit­tumut aal­laritsi; taava er­niin­naq siutitooq naapis­savarsi pitus­simasoq piaraalu sanianiit­toq; pituus­saarlugit uan­nut pisis­sigik! Qanorlu oqarfigineqaraluarus­si oqarumaar­pusi: ’Naalak­kap atus­savai.’ Taava er­niin­naq aal­lar­tik­kumaar­pai.“

Ajoqersuk­kat aal­laq­qaam­mut paasin­ngilaat oqariar­tuut taman­na Bibelimi siulit­tuutip eq­quun­neranut at­tuumas­suteqar­toq, kingor­nali paasivaat. Pruf­fiiti Zakariasip siulit­tuutigisimavaa Guutip kun­ngiutitaa neriorsuutigisaasoq ’siutituumik piaq­qamik’ qimus­serluni Jerusalemimut iseriar­torumaar­toq. Aam­mat­taaq Kun­ngi Salomon tanin­neqas­sagami siutituumik qimus­sersimavoq.

Ajoqersuk­kat Betfagemut iserlutik siutitooq piaraq ar­naalu tigum­matigik, inuit qanit­tumiit­tut ilaat oqar­put: „Sooq taamaalior­pisi?“ Angutil­li paasigamik­ku uumasut Naalak­kamin­nukaan­niaraat, akueraat. Siutitooq ar­naviaq piaraalu ajoqersuk­kat an­noraamin­nik qal­ler­paat, Jesusili piaraanut ingip­poq.

Jesus Jerusalemimut qanil­liar­tor­til­lugu inuit us­sagar­tut amerliar­tuin­nar­put. Amerlanersaasa an­noras­satik aq­qutis­saanut siaar­ter­paat, ilaal­lu or­piit pilutaan­nik piiaal­lutik aq­qutis­saanut siaruar­terip­put. „Pil­luaq­qusaali [Jehovap] aq­qani tikiut­toq!“ nil­liap­put. „Eq­qis­silit Qilam­mi, naalan­narsilit qutsin­nermi!“

Suaarut taman­na farisæerer­paaluit inup­pas­suit us­sagarsimasut akor­nan­niit­tut narratsaatigaat Jesusimul­lu naam­magit­taal­liorlutik: „Ajoqersuisoq! Ajoqersuk­katit iner­tik­kit!“ Jesusil­li akivai: „Oqarfigaas­si: uku nipangeraluar­pata ujaq­qat nil­lis­sap­put.“

Jerusalemimut qanil­linerugami Jesusip il­loqarfik qimerloor­paa qis­satigilerlugulu oqarluni: „Ilumul­li il­lit­taaq ul­lumik­kor­piaq ilisimagaluaruk­kutoq eq­qis­sinis­san­nut iluaqutaasus­saq! Maan­nali isin­nut iser­torsimavoq.“ Jerusalem nam­miniin­naq isum­maminik atuiumas­sutsiminut akiliisariaqar­poq, soorlu Jesus siulit­tuisoq:

„Qin­ngarsor­titit [Romamiut, sak­kutuut naalagaat Titus siulersor­tigalugu] kaajal­lal­lutit ungaluliorumaar­put ilujumaarlutil­lu tamagin­nil­lu an­nikil­lior­til­lutit; suerul­lutil­lu il­lit qitor­natil­lu ilin­niit­tut ujaq­qanil­lu qaleriis­suerul­lutit.“ Tas­sa Jerusalemip aseror­neqar­nera ukiut 37-t qaangium­mata, ukiumi 70-imi, pivoq.

Us­sagar­tut ilar­pas­suisa sapaatit-akun­nerinik arlaqan­ngitsunik siusin­nerusuk­kut Jesusip Lazarus makitik­kaa takusimavaat. Taak­ku tupin­nar­tuliaq taman­na inun­nut al­lanut oqalut­tuarisaan­nar­paat, taamaam­mal­lu Jesus Jerusalemimut pim­mat il­loqarfim­mi tamarmi aalas­san­neqar­poq. „Kinaana?“ us­sagar­tut paaserusup­paat. „Tas­sa Jesus, pruf­fiiti taan­na Nazaretimit Galilæamiit­tumit pisoq.“ Farisæerit taman­na takugamik­ku ugguar­put qanoq ilioriusis­saqan­ngin­namik, soorlumi oqar­tut: „Tamarsuarmik malip­paat.“

Jerusalemimut pigaangami pisar­nermisut Jesus naalaf­fim­mut iser­poq ajoqersuiniarluni. Tas­sani tap­piitsut tusiat­tul­lu or­nip­paat, ajorun­naarsip­paalu! Jesusip suliai nuan­ningaar­tut takugamik­kik nukap­piaq­qal­lu naalaf­fim­mi ima suaar­tar­tut: „Hosian­na Davidip Kinguaava!“ tusaramik­kik palasiunerit al­lak­kanil­lu ilisimasut kamaler­put. „Uku qanoq oqar­tut tusar­pigit?“ uumitsas­simal­lutik aperip­put.

„Aap,“ Jesus akivoq. „Imaat­tut atuan­ngisaan­nar­pisigik: ’Merler­tun­nguit milut­tul­lu qar­ninit nersuutis­saq piareersar­pat.’“

Jesusip ajoqersuinini nangip­paa; qiner­poq, naalaf­fim­miit­tul­lu suut tamaasa qimerloorlugit. Ul­loq naangajaler­poq, taamaat­tumik apustilini aq­qaneq-marluk ilagalugit kilometerit pingasut mis­saan­niit­tut pisul­lugit Betaniamut aal­lar­put. Betaniami sapaam­mi un­nuivoq, qular­nan­ngitsumik ikin­ngum­mini Lazarusimi. Mattæus 21:1-11, 14-17; Markus 11:1-11; Lukas 19:29-44; Johannes 12:12-19; Sakarja 9:9.

▪ Qanga qanorlu Jesus kun­ngitut Jerusalemimut iseriar­tor­pa?

▪ Inup­pas­suit us­sagar­tut Jesusimik un­nersiutigin­nin­nerat qanoq pingaar­tigaa?

▪ Jesusip Jerusalem qimerlooramiuk qanoq ilumigut at­tor­tip­pa, siulit­tuul­lu suna oqaatigaa?

▪ Jesus naalaf­fim­mut isermat qanoq pisoqar­pa?