Kapitali 60

Kristusip naalannassusis­saanik takorruuineq

JESUS Cæsarea Filip­pip eq­qaanut pisimavoq inup­pas­suil­lu, ajoqersuk­kani ilan­ngul­lugit, ajoqersulerlugit. Tas­sani tupin­nar­tumik oqaaseqar­poq: „Ilumut oqarfigaas­si: ukua maaniit­tut ilaasa Inuup Er­neranik naalagaal­luni aggersumik takutin­nani toqu misigis­san­ngilaat.“

’Jesusimuna suna pigaa?’ qular­nan­ngitsumik ajoqersuk­kat eq­qarsar­put. Sapaatip-akun­nerata mis­saa qaangiut­toq taak­kua ilaat pingasut — Peter, Jakob Johan­nesilu — qaq­qamukaqatigai. Un­nuak­kuusimagunar­poq, ajoqersuk­kam­mi uer­nar­put. Jesus qinutil­luni taak­kua isigitil­lugit al­latut isik­koqaler­poq! Kiinaa seqiner­tut qaamatigiler­poq atisaalu qaamaner­tut in­ngianarsil­lutik.

Taava inut­tut isik­kul­lit erser­put, ’Moses Eliasilu’, taak­kualu Jesus oqaloqatigiler­paat ’naggasiinis­saa Jerusalemimi naam­mas­sisas­saa’ pil­lugu. ’Naggasiinis­saa’ taaneqarmat qular­nan­ngitsumik pineqar­put Jesusip toqunis­saa makin­nis­saalu. Taman­na oqaluuserim­mas­suk paasinarsivoq Peterip kis­saatigisaraluatut Jesusip toqutaanis­si narrunarsaataasoq ingalan­niar­tus­saan­ngik­kaa.

Maan­na ajoqersuk­kat eqeerluin­nar­put pisorlu tupigusul­lutik isigin­naarlugu. Taman­na takorruuinerin­naavoq, piviusor­palungaarmal­li pisut Peterip ilaaf­figisutut misigai oqarlunilu: „Naalagaq! Tamaaniik­kuminaqaaq; iluariguk­ku tamaani pingasunik iniliorumaar­pugut, ilin­nut ataatsimik Mosesimul­lu ataatsimik Eliasimul­lu ataatsimik.“

Peter oqalutsil­lugu takusaat nuiamit qaamasumit poor­neqar­put, nuiamil­lu oqar­toqar­poq: „Tas­sa Er­nera asanar­toq nuan­narisara; taan­na tusarsiuk!“ Ajoqersuk­kat nipi tusaramik­ku pal­lor­put. Jesusili oqar­poq: „Makil­lusi, erseqinasi!“ Nikuip­put — Jesusili kisiat takuaat.

Aqaguani qaq­qamit ater­til­lutik Jesusip inap­pai: „Takusarsi oqaatigis­san­ngilarsi Inuup Er­nera toqusunit makis­simatin­nagu.“ Takorruuk­kamin­nili Eliasimik takun­nin­ner­tik ajoqersuk­kat apeq­qutis­saqalis­sutigaat: „Soormi-una al­lak­kanik ilisimasut oqar­tar­pat, Elias siul­liul­luni tikiutis­sasoq?“

„Oqarfigaas­si: Elias tikiutereer­poq, ilisarin­ngilaal­li,“ Jesus akivoq. Eq­qor­tumik oqaatigalugu pisaa tas­saavoq Johan­nes Kuisisoq Eliasip suliarisimasaanut as­singusumik suliaqar­toq. Eliasip aq­qutis­saanik Elisap piareersaasimaneratut taan­na Kristusip aq­qutis­saanik piareersaasus­saasimavoq.

Takorruuineq taman­na Jesusimut ajoqersugaanul­lu nakus­satsin­naqaaq! Kristusip Naalagaaf­fim­mi naalan­nas­susis­saanut qilanaar­tuutitut ip­poq. Ajoqersuk­kat ’Inuup Er­nera naalagaal­luni aggersoq’ takuaat, soorlumi taman­na sapaatip-akun­neranik sioq­qul­lugu Jesusip neriorsorsimagaatik. Jesusip toqunerata kingor­na Peter al­lap­poq ’qaq­qami il­ler­nar­tumi ilagitil­lugu Kristusip pis­saanera’ ilanilu takusimal­lugu.

Farisæerit piumasarisimagaluar­paat Al­lak­kani tikiuk­kumaar­nerar­neqar­tutut kun­ngiunerminik up­per­narsaasumik Jesusip nalunaaq­qutilior­nis­saa. Taama it­tumil­li nalunaaq­qutis­sin­neqan­ngil­lat. Akerlianil­li, Jesusip ajoqersugaanut qanin­nerusunut taas­suma al­latut isik­koqaler­nera Naalagaaf­fim­mik siulit­tuutinut up­per­narsaatitut takutin­neqar­poq. Soorlu kingor­na Peter al­lat­toq: [Taamaat­tumik] pruf­fiitit oqaasiat aalajaal­livar­put.’ Mattæus 16:13, Matt 16:28-17:13; Markus 9:1-13; Lukas 9:27-37; 2 Pîtruse 1:16-19.

▪ Qanoq ilil­lutik ilaasa ’toqu misigitin­nagu’ Jesus naalagaal­luni aggersoq takuaat?

▪ Takorruuk­kami Mosesip Eliasil­lu Jesus suna pil­lugu oqaluup­paat?

▪ Takorruugaq taman­na sooq ajoqersuk­kanut taama nakus­satsin­nar­tigaa?