Kapitali 91

Lazarus makitinneqarpoq

JESUS maan­na Lazarusip ilerrata saniani qeqar­poq inup­pas­suit malitsini ilagalugit. Iliveq qaarusuuvoq iser­tarfia ujaq­qamik matuneqarsimasoq. „Ujarak peersiuk!“ Jesus peq­qusivoq.

Mar­tali akerliliivoq — suli paasilersiman­ngilaa Jesus qanoq ilior­nialersoq. „Naalagaq!“ oqar­poq, „tip­palereer­poq, ul­lum­mi sisam­mileramigit.“

Jesus taava akivoq: „Oqarfigin­ngin­ner­pak­kit up­peruit Guutip naalan­nas­susia takus­sagit?“

Ujarak taava peer­neqar­poq, Jesusil­lu isini aarlor­tip­pai qinul­luni: „Ataataq! qutsavigaak­kit tusaram­ma. Ilisimavak­kim­mi nungul­lugit tusar­tarim­ma; inuil­li najuisut uku pil­lugit taama oqar­punga, up­pereq­qul­lunga aal­lar­tik­kam­ma.“ Jesus inuit tusaatil­lugit qinuvoq inup­pas­suit paasisin­naanias­sam­mas­suk iliuuserilik­kani Guutimit pis­saaneqar­tin­neqarluni suliaris­sagini. Taava torlulavoq: „Lazarusiaa, aniit!“

Lazarusilu anivoq. As­sai isigaalu an­noraaminer­nik amitsun­ngorlugu sis­suk­kanik toqun­ngatitut ator­neqar­tar­tunik nimersimap­put, kiinaalu ulim­mik ulis­simavoq. Jesus oqar­poq: „Nermus­saajarsiuk pisul­lilu!“

Juutit Maria Mar­talu tup­pal­lersar­niarlugit aggersimasut tupin­nar­tuliaq taman­na takugamik­ku ilar­pas­suisa Jesus up­perfigiler­paat. Ilaal­li farisæerinukar­put pisimasorlu oqalut­tuaralugu. Farisæerit palasiuneril­lu Sanhedrinimi ilaasor­taasunik, tas­sa juutit eq­qar­tuus­sisuisa qul­lersaan­nik, tuavior­tumik ataatsimiigiaq­qusip­put.

Sanhedrinimut ilaasor­taasut tas­saap­put maan­na palasiunerusoq, Kajfas, farisæerit saddukæeril­lu saniatigut, palasit qutsin­nerusut, palasiunerusimasul­lu. Taak­ku naam­magit­taal­lior­put: „Qanoq pis­saagut? Inuk taan­na amerlasuunik nalunaaq­qutiliormat. Ilagin­naan­narutsigu tamarmik up­perfigilis­savaat, taavalu [Romamiut] nunar­pul­lu in­nut­tavul­lu tigujar­tus­savaat.“

Up­perisarsior­nik­kut pisor­taasut misiutigin­ngik­kaluar­paat Jesus ’amerlasuunik nalunaaq­qutilior­toq’, isumakuluutigisatuaal­li tas­sa nam­min­neq oqar­tus­saatitaaner­tik atorfitsil­lu. Lazarusip makis­simanera ingam­mik saddukæerinut ajuum­minangaar­tuuvoq, taak­kua makif­fis­samik up­perisaqan­ngin­namik.

Kajfas, saddukæeriunguatsiar­toq, maan­na ima oqaaseqaler­poq: „Nalul­luin­nar­pusi isumakitsorsuul­lusilu! Uatsin­nut ajun­ngin­neruvoq inuk ataaseq inuit sin­nerlugit toqup­pat, inuit tamarsuisa aseroq­qunagit!“

Guutip Kajfas taama oqaaseqar­tip­paa, apustili Johan­nesimi kingusin­nerusuk­kut al­lap­poq: „Taamali [Kajfas] oqan­ngilaq nam­minerminit.“ Kajfas nam­mineq isumaqar­poq Jesus toqut­tariaqaritsik pis­saanermin­nik oqar­tus­saanermin­nil­lu suli an­nerusumik ajor­tumeereq­qunagu. Johan­nesil­li oqar­neratut Kajfas „pruf­fiitisut oqalup­poq, Jesus toqus­sam­mat inuit sin­nerlugit, inuil­li taak­kuin­naan­ngitsut sin­nerlugit, Guutip qitor­nai tamani im­mik­kuulut­tut­taaq ataatsimut katersus­sagamigit“. Aap, Guutip siuner­taraa er­nini tamanut uter­titsis­sutis­satut toqus­sasoq.

Kajfas iluatsitsivoq Sanhedrinimut ilaasor­tat Jesusip toqutitaanis­saanik pilersaarusior­tik­kamigit. Nikodemusimit, Sanhedrinimut ilaasor­taagaluarluni ikin­ngutin­nersumit, Jesus tamatumin­nga mianersoq­quneqarsiman­nguatsiar­poq. Taavan­ngaan­niim­mi qimagup­poq. Johannes 11:38-54.

▪ Sooq Lazarusip makitin­ngin­nerani Jesus inuit tusaatil­lugit qinua?

▪ Lazarusip makin­neranik takun­nit­tut qanoq qisuariar­pat?

▪ Sanhedrinimut ilaasor­tat ajor­tumik isumaqar­ner­tik qanoq ersersip­paat?

▪ Kajfasip suna siuner­taraa, Guutil­li qanoq ilil­luni siulit­tuitip­paa?