Kapitali 90

Makinnissamik neriuut

JESUS kiisami Betaniap, nunaqarfiup Jerusalemimit kilometerit pingasut mis­saan­nisut ungasitsigisumiit­tup, avataanut pivoq. Ul­lut ikit­tut tamatuma sior­na Lazarus toquvoq ilisaal­lunilu. Qatan­ngutaasa Mariap Mar­tal­lu suli aliasuutigaat, tup­pal­lersariar­torlugil­lu amerlasuut taak­kua angerlarsimaf­fian­nukaasimap­put.

Aliasorut­torluni Mar­tap tusar­paa Jesus aggersoq. Parsiarasuar­paa, qular­nan­ngitsumik qatan­ngun­ni oqarfigeq­qaar­nagu. Mar­thap Jesus tikik­kamiuk ul­luni sisamani kingul­ler­ni nam­mineq Marial­lu qular­nan­ngitsumik oqaasereqat­taarsimasar­tik uter­paa: „Tamaaniis­simaguit qatan­ngutiga toqun­ngeq­qajaqaaq.“

Mar­tali aam­ma neriup­palup­poq, oqaatigimisaar­paami Jesus im­maqa suli qatan­ngum­minut iliuuseqarsin­naasoq. „Ilisimavara sumil­luun­niit Guutimut qinuguit Guutip tuniumaaraatit,“ Mar­ta oqar­poq.

„Qatan­ngutit makis­saaq,“ Jesus neriorsuivoq.

Mar­ta isumaqar­poq siunis­sami nunami makin­nis­saq, Abrahamip Guutil­lu kif­faasa al­lat­taaq neriugisaat, Jesusip pigaa. Taamaat­tumik akivoq: „Nalun­ngik­kaluar­para ul­lut naggatis­saan­ni makif­fis­sami makik­kumaar­toq.“

Akis­sum­minili Jesus maan­nak­kor­piaq an­nan­nis­samik ilimatsatsitsivoq. „Uanga makis­sutaal­lungalu inuus­sutaavunga,“ oqar­poq, Mar­talu eq­qaasil­lugu Guutip toqumut pis­saaneqar­tik­kaani. Nangil­luni oqar­poq: „Uan­nut up­per­toq naak toqugaluaruni inuus­saaq. Inuusorlu uan­nut up­per­toq kinaluun­niit toqunavias­san­ngilaq.“

Matumuuna Jesusip Mar­ta oqarfigin­ngilaa nalimini aalajaatsut toqun­ngisaan­nas­sasut. Aap, pisaali tas­saavoq im­minut up­per­tut naas­saan­ngitsumik inuunis­saq angusin­naas­sagaat. Amerlanersaat ul­lut naggatis­saan­ni makin­nis­sami inuunermik tunineqarumaar­put. Aalajaatsul­li ul­lumik­kut inuusor­pas­suit nunami aaq­qis­suus­saanerup maan­na atuut­tup naggatis­saani aniguiumaar­put, taak­kunun­ngalu Jesusip oqaasii piviusumik eq­quuk­kumaar­put. Toqun­ngisaan­narsin­naas­sap­pum­mi! Maluginiar­nar­tunik taama oqaaseqareerami Jesusip Mar­ta aperaa: „Taman­na up­peraajuk?“

„Aap, Naalagaq!“ akivoq. „Up­per­punga tas­saasutit Kristus Guutip Er­nera silarsuarmut pisus­saq.“

Taava qatan­ngun­ni kalerrik­kiar­tupal­lap­paa. Kisimiitil­lutik oqarfigaa: „Ajoqersuisoq tamaaniip­poq, qaaq­quaatit.“ Maria il­lumit anigasuar­poq. Al­lal­li anisoq takugamik­ku, malip­paat, isumaqarlutik ilivermukariar­tor­toq.

Mariap Jesus naapik­kamiuk, isigaasa saan­nut pal­lor­poq qial­lunilu oqarluni: „Naalagaq! tamaaniis­simaguit qatan­ngutiga toqun­ngeq­qajaqaaq.“ Jesusip Maria malin­nit­tul­lu tamarmik qiasut takugamigit kil­litseqaaq. „Sumut ilivisiuk?“ aperaaq.

„Naalagaq! takujar­tus­sagit,“ akip­put.

Jesusis­saaq qul­lililer­poq, taamaat­tumil­lu juutit oqar­put: „Ata asangaaraluaramiuk!“

Ilaasa eq­qaaler­paat Jesusip qaam­matialun­nguit tamatuma sior­na, nal­lius­siviup tupiusaliorfiup nalaani, angut inuusut­toq tap­piil­luni er­niusimasoq ajorun­naarsik­kaa; taamaat­tumil­lu aperip­put: „Tap­piitsup isaanik uisitsisup una toqutsaalisin­naan­ngin­neramiuk?“ Johannes 5:21; 6:40; 9:1-7; 11:17-37.

▪ Qanga Jesus Betaniap avataanut piva, sumil­lu pisoqarsimava?

▪ Suna tun­ngavigalugu Mar­ta makif­fis­samik up­perisaqar­pa?

▪ Jesus Lazarusip toquneranut qanoq qisuariar­pa?