Kapitali 50

Malersugaanerup akiornissaanut piareersimagit

JESUSIP ajoqersuk­kani qanoq oqaluus­sisar­nis­saan­nik ilitsersuutereer­pai, akerlilersor­neqar­nis­saan­nil­lu maan­na mianersoq­quai: „Ata, amaq­qut akor­nan­nut savatut aal­lar­tip­pas­si,“ oqar­poq. „Mianersoritsi inun­nut; kil­lisiuif­fim­mut pisis­savaasi iperar­torlusilu naalagiar­tarfin­ni. Landshøvdinginul­lu kun­nginul­lu pisik­kumaar­paasi uanga pil­lunga.“

Ajoqersuk­kat peq­qar­niitsumik malersor­neqalis­sap­put, imali neriorsoq­qis­saar­pai: „Taamali pisip­pasi, isumakulus­san­ngilasi qanorluun­niit sumil­luun­niit oqalus­sasusi, taamaalisuk­kut oqaasis­sas­sin­nik tunineqas­sagas­si. Ilis­si oqalun­ngilasi, Ataatas­sili Anersaava ilus­sigut oqalup­poq.“

„Qatan­ngun­ni qatan­ngutaata toqutis­savaa, qitor­nanilu angutaata, angajoq­qaatil­lu qitor­naasa akerar­tus­savaat toqutil­lugil­lu,“ Jesus nangip­poq. „Tamarmil­lu uumis­sus­savaasi atera pil­lugu, naggatis­samul­li aalajangersoq an­nak­kumaar­poq.“

Oqaluus­sinermik suliaq pingaaruteqarluin­nar­tuuvoq. Taamaat­tumik oqaluus­sisut misis­sor­tuunis­saat pingaar­til­lugu Jesusip eq­qar­tor­paa, suliap tamatuma naam­mas­sinis­saanut kif­faan­ngis­suseqar­titaajuaq­qul­lugit. „Nunaqarfiit arlaan­ni qinugip­pasi [malersor­pasi], al­lamut qimaagitsi,“ oqar­poq, „ilumut oqarfigaas­si: Israelik­kut nunaqarfii tamak­ker­navian­ngilasi Inuup Er­nera tikisin­nagu.“

Jesusip apustilii aq­qaneq-marluk tas­sani mianersoq­quneqarlutil­lu ilitsersuun­neqarlutil­lu qiim­mas­sar­neqar­put, aam­mali taas­suma toqunerata makin­neratalu kingor­na silarsuaq tamak­kerlugu oqaluus­seqataasus­sanut oqaasii oqaas­sutaap­put. Jesusim­mi ajoqersuk­kani oqalut­tuup­pai ’tamanit uumis­sor­neqarumaar­tut’, kingunin­nguagut oqaluus­siar­torfim­min­nit Israelik­kun­niin­naan­ngitsoq. Aam­malu apustilit taamani oqaluus­siar­torlutik sivikitsumik angalanermin­ni landshøvdinginut kun­nginul­lu aggiun­neqan­ngil­lat, nam­min­nerlu ilaqut­tamin­nit toqutaatin­neqan­ngil­lat.

Jesus oqarami ’Inuup Er­nera tikisin­nagu’ oqaluus­siner­tik naam­mas­sinavian­ngik­kaat, siulit­tuutigaa kun­ngi naalan­narsisitaasimasoq Jesus Kristus Harmagedonimi Jehovap eq­qar­tuus­sutaanik naam­mas­sin­nit­tus­satut tikiutsin­nagu ajoqersugaasa nunarsuaq tamak­kerlugu Guutip naalagaaf­fianik pilersin­neqarsimasumik oqaluus­sis­sutigin­nin­ner­tik naam­mas­sinavian­ngik­kaat.

Oqaluus­sinermik un­nersuus­sutini Jesusip ima nangip­paa: „Ajoqersugaq ajoqersor­timinit an­nerun­ngilaq, kif­farluun­niit naalak­kaminit an­nerun­ngilaq.“ Tas­sa Guutip naalagaaf­fianik oqaluus­sis­sutigin­nin­nini pis­sutigalugu taas­suma ajor­tumik pineqarsimaneratut pineqar­nis­sar­tik ajoqersuk­kat ilimagisariaqar­paat. Imali oqaaq­qis­saar­pai: „Ersigis­san­ngilasi timimik toqutsisut, tar­nimil­li toqutisisin­naanatik; an­nerusumil­li ersigisiuk timimik tar­nimil­lu [Gehen­nami piuneerutitsisin­naasoq, NV].“

Taman­na eq­qarsaatigalugu Jesus maligas­siuisun­ngor­poq. Aalajangiusimasami akerlianik ilior­nis­saraluamut Jehova Guutimul­lu, ajugaqan­ngitsumut, ilumuun­ngitsulior­nis­saraluamut taarsiul­lugu qunusuil­luni toquvoq. Aap, inuup „tar­ninganik“ (tamatumani pineqar­poq tar­nitut uumasutut siunis­sami atugas­sat) piuneerutitsisin­naasoq tas­saavoq Jehova, aam­mat­taarli inum­mik makititsisin­naavoq inuunermil­lu naas­saan­ngitsumik tunisisin­naal­luni. Ataatar­put qilam­miusoq, Jehova, asan­ningaarami naak­kin­ningaaramilu!

Taava Jesusip ajoqersuk­kani as­sersuusiamik Jehovap asan­nit­tumik taak­kunin­nga isumas­suineranik erseq­qis­saasumik qiim­mas­sar­pai. „Qupaloraarsuit marluk aningaasat min­ner­taan­nik akeqar­tarin­ngin­ner­pat?“ aperaaq. „Taak­kualu ilaat ataaserluun­niit nunamut nak­kar­navian­ngilaq Ataatas­si peq­qun­ngip­pani. Ilis­sili nutsasiluun­niit tamarmik kisis­simap­put. Taamaat­tumik erseqinasi; qupaloraarsup­pas­suar­nit pingaar­neruvusi.“

Naalagaaf­fim­mik tusagas­saq Jesusip ajoqersuk­kaminut siaruar­teq­qusaa inoqutigiin­nik avis­saar­tuutsitsis­saaq. Ilaqutariit iluan­ni im­maqa ilaat tusar­naarumas­sap­put ilaal­lu ajat­tuil­lutik. „Isumaqas­san­ngilasi eq­qis­sinermik nunami nal­liutitsiar­tor­tunga, eq­qis­sinermik pin­nanga panamik nal­liutitsiar­tor­punga.“ Taamaat­tumik ilaqutariin­ni ataasiak­kaat sal­lusuis­sum­mik Bibelimeersumik ilas­sin­nin­niarunik sapiis­suseqar­tariaqar­put. „Angum­minil­luun­niit ar­naminil­luun­niit uan­nit asan­nin­nerusoq qin­ngaq­qun­naqaaq uan­ni, er­nerminil­luun­niit panim­minil­luun­niit uan­nit asan­nin­nerusoq qin­ngaq­qun­naqaaq uan­ni.“

Naggasiul­lugu Jesusip oqalut­tuaraa ajoqersuk­kaminik ilas­sin­nit­tut aam­mat­taaq im­minik ilas­sin­nit­tuusut. „Ukualu min­nin­nguit ilaat imermik nil­ler­tumik ermutsip imaan­naanik im­mik­kuniuk ajoqersugaam­mat, ilumut oqarfigaas­si: akiler­neqan­ngis­san­ngilaq.“ Mattæus 10:16-42.

▪ Jesusip ajoqersuk­kani qanoq mianersoq­quai?

▪ Qanoq qiim­mas­sarlugil­lu tup­pal­lersar­pai?

▪ Jesusip un­nersuus­sutai sooq ul­lumik­kut kristumiunut atuup­pat?

▪ Jesusimut ajoqersuk­kap naalak­kaminit an­nerun­ngin­nera qanoq nas­sataqas­sava?