Kapitali 62

Maniguunnermik ilinniagassaq

NUKAP­PIARAQ anersaapilulik Cæsarea Filip­pip eq­qaani ajorun­naarsereerlugu Jesus Kaper­naumimut uterusutsap­poq. Ajoqersuk­kanili kisiisa aal­laqatigerusup­pai, toqunis­saminut tamatumalu kingor­na akisus­saaf­figiligas­saan­nut piareersarumal­lugit. „Inuup Er­nera inuit as­saan­nut pisitaas­saaq; taak­kualu toqus­savaat, ul­lul­li pingajuan­ni makik­kumaar­poq,“ Jesus oqalut­tuar­poq.

Naak sior­natigut taman­na oqaluuserereersimagaluaraa, al­laal­lu qaq­qami al­lan­ngor­nera peerun­nis­saata eq­qar­tor­neqarfigisaa apustilit pingasut isigin­naareersimagaluaraat, suli ajoqersuk­kat paasisaqan­ngil­lat. Peteril­li iliorsimaneratut arlaan­naataluun­niit Jesusip toqutaanis­saa as­sor­tor­niarsarin­ngilaa, tamatumun­ngali tun­ngasunik apersoq­qin­nis­sar­tik qunugalugu.

Naggataatigut Kaper­naumimut, Jesusip kif­far­tor­neranut aal­laavit­tut it­tumut, tikip­put. Peter apustilil­lu ilaat al­lat tamaan­ngaan­neersuup­put. Taavani naalaf­fim­mut akileraarutinik katersuisar­tut Peterimut saaf­figin­nip­put, im­maqa ileq­quusumik nalingin­naasumik akuerisaasumik Jesus unioq­qutitsisin­niaraluarlugu. Aperip­put: „Ajoqersor­tis­si aningaasaq naalaf­fim­mut tun­niut­tariaq tun­niut­tarin­ngin­ner­paa?“ „Aap,“ Peter akivoq.

Jesusip, qular­nan­ngitsumik tamatuma kingunitsian­ngua il­lumut iserami, susoqarsimanera nalun­ngilaa, Peterilu nam­mineq nas­suiaarian­ngitsorluun­niit aperaa: „Qanoq isumaqar­pit, Simon? Nunamut kun­ngiusut kik­kun­nit ilan­ngaatinil­luun­niit akileraarutinil­luun­niit tigusisar­pat? In­nut­tamin­nit takor­nar­tanil­luun­niit?“ „Takor­nar­tanit,“ Peter akivoq.

„Taava in­nut­taat akiliisus­saan­ngil­lat,“ Jesus oqar­poq. Aap, Jesus qilam­mi nunamilu Kun­ngip, naalaf­fim­mi pal­lorfigineqar­tar­tup, in­nut­taraa, imaluun­niit er­neraa, taamaat­tumil­lu naalaf­fim­mut akileraarutinik akiliisus­saan­ngilaq. Jesusili nangip­poq: „Mamiatsatseq­qunagil­li tasersuup sinaanut pil­lutit qis­sat­toriar­torit, aalisagarlu amusat siul­leq tigul­lugu aatsar­tik­kuk­ku aningaasaq sølviusoq nas­saariumaar­pat, taan­na tigul­lugu uan­nit ilin­nil­lu tunis­sutiguuk!“

Ajoqersuk­kat Kaper­naumimut uteramik im­maqa Peterip angerlarsimaf­fiani katersuup­put Jesusilu aperalugu: „Kinami Qilam­miup Naalagaaf­fiani an­nerua?“ Jesusip nalun­ngilaa sooq taama aperigaan­ni, Cæsarea Filip­pimiim­mi ingerlatil­lutik suna oqaluuserisimagaat nalun­ngilaa. Taamaat­tumik aperai: „Ingerlatil­lusi suna apersor­taatigaasiuk?“ Kan­ngutsip­put nipangerlutil­lu, akun­nermin­nimi kina an­ner­paan­ngus­sanersoq oqal­lis­sutigisimagamik­ku.

Im­maqa tusarlugu tupin­nar­poq ajoqersuk­kat taamatut oqal­lis­suteqarsin­naanerat, naak ukiuni pingasungajan­ni Jesusimit ajoqersor­neqarsimagaluarlutik. Tamatumuunali erser­poq inut­tut naam­mal­luin­nan­ngis­suseq up­perisarsior­nik­kul­lu tunuliaqutarisaq qanoq sak­kor­tutigisumik sun­niuteqarsin­naasoq. Juutit guutisioriaasian­ni ajoqersuk­kat al­liar­tor­nermin­ni sungiusimasaan­ni sumi inis­sisimaneq sutigul­luun­niit tamatigut naleqar­titaaneq pingaar­tin­neqar­torujus­suuvoq. Im­maqalu Peter al­lanit pingaar­nerusutut misigaaq, Jesusip neriorsorsimam­mani Naalagaaf­fiup „matuersaataanik“ tunineqarumaar­tuni. Aam­mat­taaq Jakob Johan­nesilu taamatukan­neq misigisimasin­naap­put, qaq­qami Jesusip al­lan­ngor­neranik takun­nit­tuusimagamik.

Qanorluun­niil­li ik­kaluar­pat, eq­qor­tumik isumaqalersik­kumal­lugit maan­na Jesus aalas­san­nar­tumik iliuuseqar­poq. Meeraaraq qaaq­quaa, akor­nan­nul­lu pisil­lugu pak­kuteriarlugu oqarfigalugit: „Uterlusi meeran­nguatut ilin­ngik­kus­si Qilam­miup Naalagaaf­fianut pis­san­ngilasi. Taamaam­mat meeran­nguatut uumatut ilil­luni im­minik nikanar­tit­toq Qilam­miup Naalagaaf­fiani an­neruvoq. Meeran­nguamil­lu taama it­tumik ataatsimik ilas­sin­nit­toqar­pat atera pil­lugu, taas­suma uanga ilas­sivaanga.“

Ajoqersuk­kanik avoq­qaarin­nil­luar­nerus­susia! Jesusip kamaatin­ngilai, makitasuunerar­nagit, piumatuunerar­nagit ataq­qinaateqarumatuunerar­nagil­luun­niit. Aap, meeraaq­qat as­sersuutitut atorlugit avoq­qaarai. Meeraaq­qat pilimaniar­tuusan­ngil­lat, ataq­qinaateqarumatuusar­natik, akun­nermin­nilu akimas­sutsik­kut as­sigiin­ngis­sutit apeq­qutaatit­tar­nagit. Taamaalil­luni Jesusip ersersip­paa meeraaq­qat maniguut­tut pis­suserisar­tagaan­nik ajoqersuk­kat pis­suseqaler­niarsarinis­sar­tik pisariaqar­tik­kaat. Naggataatigut Jesusip oqar­neratut: „Tamas­si min­ner­tarisarsi angi[voq].“ Mattæus 17:22-27; 18:1-5; Markus 9:30-37; Lukas 9:43-48.

▪ Kaper­naumimut uteramik Jesusip suna eq­qaaq­qip­paa, qanorlu qisuariarfigineqar­pa?

▪ Sooq Jesus naalaf­fim­mut akileraar­tus­saan­ngila, soorli taamaalior­pa?

▪ Ajoqersuk­kat oq­qan­neran­nut suna pis­sutaaqataasimasin­naava, qanorlu Jesusip avoq­qaarai?