Kapitali 74

Martamut siunnersuut, qinunerlu pillugu unnersuussut

JUDÆAMI oqaluus­sinermini Jesus nunaqarfim­mut Betaniamut pivoq. Tamaani Mar­ta, Maria qatan­ngutaal­lu Lazarus najugaqar­put. Taak­ku Jesusip tamatuma sior­nagut naapis­simagunar­pai taamaat­tumil­lu qanimut ikin­ngutigilereersimal­lugit, Jesusimi Mar­tap angerlarsimaf­fianukar­poq taas­suman­ngalu tikil­luaq­quneqarluni.

Mar­tap piminik ajun­ngin­ner­paanik Jesus isumaginialerasuar­paa. Mes­siasimim­mi neriorsuutigineqar­tumit pul­laar­neqar­neq ataq­qinaataaqaaq! Taamaat­tumik nerersuar­nis­saq piareersaler­paa al­lar­pas­suil­lu suliaralugit Jesusip pulaar­nera sapin­ngisaminik atoruminar­tuul­lunilu ilorrisimaar­nar­tuutin­niarlugu.

Mariali Jesusip isigaasa saan­nut ingip­poq tusar­naalerlugulu. Kingunin­ngua Mar­tap Jesus or­nip­paa oqarluni: „Naalagaq! Soqutigin­ngiliuk qatan­ngum­ma kisima kif­far­tor­tim­manga? Oqarfigiuk ikioq­qul­lunga.“

Jesusil­li Maria naveeruman­ngilaa. Mar­tali siun­nersor­paa timip piisigut ulap­puteqar­pal­laaqim­mat. Inus­siar­nerluni naq­qip­paa: „Mar­ta! Mar­ta! Amerlasuut isumakuluutigalugil­lu ulapis­sutigaatit; ataaserli pisariaqar­poq.“ Taamaalil­luni oqar­poq pif­fis­sarujus­suaq atorlugu nerisas­sar­pas­suar­nik piareersaanis­saq pisariaqan­ngitsoq. Nerisas­sat as­sigiin­ngitsut ikit­tut, imaluun­niit ataasiin­naq naam­map­poq.

Soorunami Mar­ta ajun­ngitsumik siuner­taqaraluar­poq; pulaar­titsisutut inoroorsaar­tuunis­sani. Kisian­ni timik­kut pisariaqar­titat ulap­putiginermik Guutip er­nituanit nam­minermit ajoqersor­neqarsin­naanis­sani pin­ngitsoor­tip­paa! Taamaat­tumik Jesus oqar­poq: „Mariap ajun­ngin­neq qiner­paa, tamatumin­nga arsaar­neqas­san­ngilaq.“

Kingusin­nerusuk­kut ajoqersuk­kat ilaata Jesus oqarfigaa: „Naalagaq! Ajoqersor­tigut qanoq qinus­sasugut, soorlut­taaq Johan­nesip ajoqersuk­kani ajoqersorai.“ Ukioq af­farlu tamatuma sior­na Jesusip qaq­qami oqaluutsimini qin­num­mik najoq­qutas­saasumik ajoqersuk­kani ajoqersormagit ajoqersugaq taan­na najuus­simagunan­ngilaq. Taamaat­tumik Jesusip ajoqersuutini uteq­qip­paa, nangil­lunilu as­sersuusiorluni qinoqat­taar­nis­sap pingaaruteqas­susia erseq­qis­sarlugu.

„Kia arlas­si ikin­nguteqar­tup ikin­ngun­ni un­nuap qeq­qani or­nik­kuniuk oqarfigalugulu: ’Ikin­ngutiga uumaak! Timiusanik pingasunik atuk­kin­nga, ikin­ngutiga tikeraarlunga tikium­mat nerliutis­samil­lu ajorsaak­kak­ku!’ Taq­qas­suma taava akis­sagaluar­ner­paa oqarluni: ’Erloqiseqinanga; matu par­naarsimam­mat qitor­nak­kalu tamat­ta in­narat­ta; makis­sin­naan­ngilanga tunis­sal­lutit’ — oqarfigaas­si: Ikin­ngutiginera pil­lugu tunis­sal­lugu makin­ngik­kaluaruni taamaat­toq it­tuujuis­susia pil­lugu makis­saaq ajorsaatigisaanik tunil­lugu.“

Jesus taama as­sersuusiormat ima paasisariaqan­ngilaq as­sersuum­mi ikin­ngutip ilior­neratut Jehova Guuti torlulanerit akinis­saan­nut piumaval­laar­navian­ngitsoq. Naamik, Jesus taama oqarsimavoq takutin­niarlugu ikin­ngutip piumar­piarani qinoqat­taar­nerit tusar­tar­pagit, suli an­nerusumik Ataatar­put asan­nit­toq qilam­miusoq tusaasas­sasoq! Jesus nangip­poq: „Aam­ma oqarfigaas­si: „Qinugitsi, tunineqas­saasi taava; ujarleritsi nanisis­saasi taava; kasut­toritsi, map­piun­neqas­saasi taava. Qinusormi kinaluun­niit pisaraaq, ujarlersorlu nanisisaraaq, kasut­tor­torlu map­piun­neqararaaq.“

Jesusip taman­na erseq­qis­sar­paa nunami ataatat naam­mal­luin­nan­ngitsut ajor­tiliusul­lu in­nersuus­sutigalugit: „Kia arlas­si ataataasup er­nermi aalisak­kamik qin­nuigip­pani aalisak­kamik pin­nagu pulateriaarsum­mik tunis­saner­paa? Man­nim­mil­luun­niit qin­nuigip­pani skor­pionimik tunis­saner­paa? Taava ilis­si, naak ajor­tusi, qitor­nasi tunis­sutinik ajun­ngitsunik tunisin­naagus­sigik, an­nerusumik Ataatap Qilam­miusup im­minit qinusut Anersaamik Il­ler­nar­tumik tunis­san­ngin­ner­pai?“ Aap, Jesusip qinoqat­taar­nis­samik ajoqersuinera ila kajumis­sinarmat. Lukas 10:38-11:13.

▪ Sooq Mar­ta taama an­ner­tutigisumik piareersaaler­pa?

▪ Maria qanoq ilior­pa, sunalu pil­lugu Jesusip taan­na Mar­tamit nersor­neruaa?

▪ Suna pil­lugu Jesusip qinuneq pil­lugu ajoqersuinini uteq­qip­paa?

▪ Qinoqat­taar­nis­sap pingaaruteqar­nera Jesusip qanoq as­sersuusiaraa?