Kapitali 6

Meeraq neriorsuutigisaq

MARIA Josefilu Nazaretimut uteratik Betlehemimiigin­nar­put. Jesus ul­lunik arfineq-pingasunik utoq­qaas­suseqalermat kipineqar­tip­paat, Guutip Mosesimut inatsisaani peq­qus­sutigineqar­toq malil­lugu. Taamani aam­ma ileq­quusiman­nguatsiar­poq ul­lut arfineq-pingajus­saan­ni meeq­qamik atsiisar­neq. Josefip Marial­lu qitor­nar­tik Jesusimik atser­paat, soorlu in­ngili Gabrielip taama nalunaarfigisimagaatik.

Qaam­mat ataaseq sin­nilaarlugu ingerlareersimavoq, Jesusilu 40-nik ul­loqar­poq. Angajoq­qaavisa maan­na sumun­naap­paat? Jerusalemimi naalaf­fim­mut, najugaqarfim­min­nit ungasip­pal­laan­ngitsumiit­tumut. Guutip Mosesimut inatsisai naaper­tus­sagaan­ni ar­naq nukap­piaq­qamik er­ninermi kingor­na ul­lut 40-t qaangiup­pata naalaf­fim­mi minguiaam­mik pil­liuteqar­tus­saavoq.

Marialumi taamaalior­poq. Tim­mis­sat marluk pil­liutigai. Taman­na Josefip Marial­lu aningaasatigut qanoq atugaqar­neran­nut ersiutaavoq. Mosesip inatsisaani peq­qus­sutigineqaraluar­poq savaaraq anguteralak, tim­mis­sanit naleqar­neroqisoq, pil­liutaas­sasoq. Kisian­ni anaanaasoq tamatumun­nga akis­saqan­ngip­pat tuin­nguaaq­qat tuin­nguaaq­qal­luun­niit quluar­tar­tut marluk naam­map­put.

Naalaf­fim­mi angutip utoq­qaap Jesus kis­sumis­siup­paa. Simeonimik ateqar­poq. Guutip nalunaarfigisimavaa Jehovap neriorsuutaa Mes­sias takutin­nagu toqus­san­ngitsoq. Ul­loq taman­na naalaf­fim­mut iserami Simeon anersaamit il­ler­nar­tumit Josefik­kut Marial­lu meeq­qisaataan­nut ingerlan­neqar­poq.

Jesus kis­sumiaatigalugu Simeonip Guuti qutsavigaa oqarlunilu: „Naalagaq! Maan­na kif­fat angerlar­tik­kumaar­pat eq­qis­sisil­lugu, soorlu oqar­tutit, isima takum­mas­suk an­naas­sutigisat, inuiaqatigiit tamarmik kiinaasa saan­ni piareersak­kat, qaam­maq­qut Guutimik nalusunut qaam­marsaatis­saq, in­nut­tavil­lu Israelik­kut naalan­naatis­saat.“

Taman­na tusaramik­ku Josef Marialu as­sut tupigusup­put. Simeonip pil­luaq­quai Marialu oqarfigalugu er­nera ’orlus­sutis­saatitaasoq makis­sutis­saatitaal­lunilu Israelik­kut ilar­pas­suinut’ aam­malu Mariap tar­ninga aliasuutip savis­suar­tut ipit­tutut an­niar­tik­kumaaraa.

Pruf­fiiti ar­naq 84-inik ukiulik, An­na, aam­ma taamani najuup­poq. Naalaf­fis­suarmiit­tuaan­nar­tuuvormi. Taamaalinerani Josefik­kut or­nip­pai, Guutilu qutsavigalugu Jerusalemil­lu uter­titaanis­saanik utaq­qisut tamaasa Jesusimik oqalut­tuutilerlugit.

Josefip Marial­lu naalaf­fim­mi misigisatik nuan­naarutigeqaat! Ilumut meeq­qap Guutimit neriorsuutigineqar­tuuneranik up­per­nerat tamak­kua tamarmik nakus­satsip­paat. Lukas 2:21-38; 3 Mosesimik allakkat 12:1-8.

▪ Ul­lut qas­sis­saan­ni Israelik­kut nukap­piaq­qat inoorlaat atser­tarsimagunar­paat?

▪ Er­ner­taani 40-nik ul­loqaler­pat anaanaq israelik­kuusoq sumik piumaf­figineqar­pa? Mariap taamaalior­nerata aningaasatigut atugarisaat qanoq it­tuusut takutip­paa?

▪ Pisumi tamatumani kik­kut Jesus kinaasoq paasivaat, qanorlu ilil­lutik taman­na ersersip­paat?