Kapitali 89

Naakkinnittulior­niarluni Judæamut angalaneq

MAN­NA sapaatit-akun­nialun­nik sioq­qul­lugu Jerusalemimi ul­lormik naalaf­fiup atoq­qeq­qaarfis­sior­neqarfianik nal­liut­torsiutigin­nin­nermi juutit Jesus toqoriaraluarsimavaat. Taamaat­tumik avan­namut aal­larsimavoq, qular­nan­ngitsumik Galilæap Tasersuata eq­qaanut.

Maan­na kujam­mukaq­qip­poq, Jerusalemimut uterluni. Angalanermini nunaqarfin­ni Peræamiit­tuni, Jordanip kuus­suata kangianiit­tuni, oqaluus­sivoq. Pisoorsuarmik Lazarusimil­lu as­sersuusiaq oqalut­tuarereeramiuk, Galilæamiitil­lutik ajoqersuutigisimasami ilaan­nik ajoqersuk­kat eq­qaasip­pai.

As­sersuutigalugu, oqar­poq inuk ’iluanaar­neroq­qajaqisoq aseror­teriviup ujaras­sua qungasianut nivin­ngarlugu im­mamut igitaaguni, ukua min­nin­nguit ilaan­nik Guutip pigisaanik aserorsaagaqar­nani’. Aam­mat­taaq isumak­keerfigin­nin­nerup pingaaruteqas­susia erseq­qis­sar­paa: „Qatan­ngup­pit . . . ajor­tuliorfigip­patit ul­luin­naq arfineq-marloriarluni arfineq-marloriarlunilu or­nip­patit oqarluni: ’Peq­qis­simivunga,’ taava isumak­kerfigis­savat.“

Ajoqersuk­kat qin­nuigim­man­ni up­persuser­tik ilaq­qul­lugu, Jesusip akivai: „Siinup­pip naatsiias­sar­taatut atsigisumik up­persuseqarus­si fiigeq­qul­lus­suarmul­lu uumun­nga oqarus­si: ’Kaan­ngarit im­mamul­lu ik­kul­lutit,’ taava naalak­kumaar­paasi.“ Tas­sami al­laat up­persuseqalaar­neq sun­niuteqarsin­naaqaaq.

Taava Jesusip ul­luin­nar­ni pisut as­sersuutigalugit Guutip ajugaqan­ngitsup kif­faasa qanoq isumaqar­tariaqar­nerat takutin­niar­paa. „Kia ilas­si as­sal­latserisumil­luun­niit nersutaatinil­luun­niit paarsisumik kif­faqar­tup kif­fi taan­na narsamit tikip­pat oqarfigis­saner­paa: ’Nerrivim­mut ingik­kiar­torasuar­niarit!’ Imali akerlianik oqarfigis­san­ngin­ner­paa: ’Un­nuk­korsiutis­sak­ka piareersak­kit, qiteruserlutil­lu nerisil­lunga imer­til­lungalu kif­far­tuun­nga; kingor­na il­lit neril­lutil­lu imerumaar­putit.’ Kif­faq taan­na qutsavigis­saner­paa im­minut suliareq­qusat suliarim­magit? Taamat­taaq ilis­si: ilis­sin­nut suliareq­qusat tamaasa suliarigus­sigik ima oqaritsi: ’Kif­faavugut atun­ngitsut; uatsin­nut suliarisariaqar­tut suliaraavut.’“ Guutimut kif­faasut isumaqas­san­ngil­lat kif­faanermin­ni Guuti ikiorlugu. Aap, eq­qaamajuar­tariaqar­paat Guutimut inoqutaasutut tatigisatut taas­sumin­nga pal­lorfigin­nis­sin­naaner­tik im­mik­kut pisin­naatitaaf­figigitsik.

Qular­nan­ngitsumik Jesusip taama as­sersuusior­nerata kingunitsian­nguagut oqariar­tor­toq tikiup­poq. Mariamit Mar­tamil­lu, Lazarusip qatan­ngutaanit, Betaniami Judæamiit­tumi najugaqar­tunit oqariar­tor­titaavoq. „Naalagaq! asasat nap­parsimavoq,“ oqariar­tor­toq nalunaar­poq.

Jesus akivoq: „Nap­paat taman­na toqus­sutis­saan­ngilaq, kisian­ni Guutimut naalan­naatis­saavoq Guutip Er­nera tamatumuuna naalan­narseq­qul­lugu.“ Suli ul­lut marluk tas­sani unin­ngavoq, taava ajoqersuk­kani oqarfigai: „Kingumut Judæamut piar­tor­ta!“ Akip­pul­li: „Rabbi! Aatsaangajak juutit ujaq­qanik mil­loorumagaatsit taamaat­toq kingumut tas­sun­nas­savit?“

„Ul­luutil­lugu nalunaaqut­tap akun­neri aq­qaneq-marluun­ngin­ner­pat?“ Jesus aperaaq. „Ul­luutil­lugu angalasoq apor­tarin­ngilaq, silap matuma qaam­maq­qutaa isigigamiuk. Un­nuak­kul­li angalasoq apor­tar­poq, qaam­maq­quteqan­ngin­nami.“

Jesus isumaqan­nguatsiar­poq ’ul­luutil­lugu’, tas­sa nunami kif­far­tuus­sinerminut pif­fis­saq Guutimit aalajangersagaasoq, suli atuut­toq, pif­fis­sarlu taman­na qaan­ngiutsin­nagu kinaluun­niit Jesusimik ajoqusiisin­naan­ngitsoq. Sulili ’ul­luutil­lugu’ pif­fis­saq atorluar­tariaqar­paa, akeq­qamimi toqup­pan­ni ’un­nuaalis­sam­mat’.

Jesus nangip­poq: „Lazarus, ikin­nguter­put sinip­poq, tas­sa itersariar­tus­savara.“

Ajoqersuk­kat isumaqan­nguatsiar­put Lazarus un­nuak­kut sinit­tar­ner­tut siniin­nar­toq, taamaat­tumil­lu ajorun­naalersoq, taamaat­tumik akip­put: „Naalagaq! sinik­kuni ajorun­naas­saaq.“

Jesus taava oqarluaan­nar­poq: „Lazarus toquvoq! Ilis­si pil­lusi qujavunga najun­ngin­nak­ku up­peq­qul­lusi. Maan­na or­nitsigu!“

Thomasip paasigamiuk Jesus Judæami toqutaasin­naasoq, ikiorumal­luguli, ajoqersugaqatini kajumis­saar­pai oqarfigalugit: „Uagut­taaq tas­sun­nar­ta toqoqatigiar­torlugu!“ Inuuner­tik navianar­torsior­til­lugu Jesus naak­kin­nit­tulioriar­torluni Judæamut uter­toq ilagaat. Lukas 13:22; 17:1-10; Johannes 10:22, 31, 40-42; 11:1-16.

▪ Qanit­toq tikil­lugu Jesus sumi oqaluus­sisimava?

▪ Jesusip suna uteq­qip­paa, ul­luin­nar­nilu pisut as­sersuutigalugit suna erseq­qis­sar­paa?

▪ Jesus qanoq tusarler­neqar­pa, ’ul­lorlu’ ’un­nuarlu’ oqaatigigamigit qanoq isumaqar­pa?

▪ Thomas sooq oqar­pa: „Uagut­taaq tas­sun­nar­ta toqoqatigiar­torlugu“?