Kapitali 57

Naalliuttunik naakkinninneq

FARISÆERIT maligas­sarsiamin­nik nam­minis­sarsiorlutik maleruaaneran­nik Jesusip avoq­qaarereeramigit ajoqersuk­kanilu aal­lar­put. Tamatuma siunitsian­nguagut ajoqersuk­kami qasuersaarfigisin­naasaan­nukaraluaramik iluatsitsisiman­ngil­lat — inup­pas­suar­nit nanineqarsimagamik. Maan­na avan­nar­pasingaatsiar­tumukar­put, Tyrusip Zidonil­lu ilaan­nut. Ilisimaneqar­tut naaper­torlugit taman­na Jesusip ajoqersuk­kani ilagalugit Israelip kil­leqarfiisa avataan­ni angalanituaraa.

Inisimaf­figisin­naasamin­nik Jesus pis­sarsivoq, kis­saatigin­ngin­nerar­paalu sumiin­nermik ilisimaneqar­nis­saa. Naal­li maan­na Israelip kil­leqarfiisa avataan­niik­kaluarlutik malugin­ngitsoor­neqarsin­naan­ngilaq. Ar­nap grækeriusup Fønikiami Syriamiit­tumi inun­ngorsimasup takuaa suaar­talerlunilu: „Naalagaq, Davidip Kinguaava! Naak­kigin­nga! Paniga anersaapiluup naal­liutsingaar­paa.“ Jesusil­li akin­ngil­luin­nar­paa.

Kingunin­ngua ajoqersugaasa oqarfigaat: „Ilin­nit aal­lar­tiguk, nil­liaf­figim­matigut.“ Jesusil­lu nas­suiaap­pai sooq sumigin­narini: „Al­lanut aal­lar­titaan­ngilanga, kisian­ni savanut tam­marsimasunut Israelip inoqutaasa ilagisaan­nut.“

Ar­narli nak­kaan­nan­ngilaq. Jesus or­nil­lugu pal­lorfigaa qin­nuigalugulu: „Naalagaq, ikiun­nga!“

Ilungersorluni qinunera Jesusip qamuuna at­tor­neqaatigisimas­saqaa. Tik­kuaq­qip­paali sulias­sani pingaar­neq tas­saasoq Guutip in­nut­taasa, Israelik­kut, iluaqutis­saan­nik kif­far­tor­nis­sani. Up­per­nera misilin­nian­nguatsiarlugu juutit inuian­nik al­lanik isigin­nit­taasiat paqumisup­palut­toq in­nersuus­sutigaa: „Iluan­ngilaq meeq­qat nerisas­saan­nik arsaarlugit qim­min­nguanul­lu nal­lul­lugit.“

Nipaatigut kiinaatigul­lu misigin­neqataar­palut­tutigut qular­nan­ngitsumik Jesusip juutiun­ngitsunut misigis­susii asan­nit­tut ersip­put. Juutiun­ngitsut qim­minut juutinit as­sersuun­neqar­tar­put, Jesusil­li oqaaseq „qim­min­nguit“ (imaluun­niit qim­miaq­qat) ator­paa; saamar­palun­nerusoq. Ajual­lan­nani Jesusip oqaasii ar­nap akuerai maniguut­tumil­lu oqarluni: „Mas­sami, Naalagaq! Taamaat­tormi nak­kaalanikut nerrivian­nit nak­kar­tut qim­min­nguisa nerisar­paat.“

„Ar­naq uumaa, up­persutsit angeqaaq,“ Jesus oqar­poq. „Piumasan­nik pineqarit!“ Taamaalivorlu! Angerlarami naam­mat­toor­paa panini ajorun­naarluin­narsimal­luni nalasoq!

Zidonip eq­qaani sineris­samit Jesus ajoqersugaalu nunaan­narmukar­put, Jordanip kuus­suata qaf­fasin­nerusor­taata tungaanut. Qular­nan­ngitsumik Galilæap Tasersuata avan­naatungaatigut Jordanip kuus­sua napil­lugu Dekapolisimut tasersuup kangianiit­tumut pip­put. Tamaani qaq­qamut majuar­put. Inup­pas­suil­li nanivaat tusiat­tul­lu, in­narluutil­lil­lu, tap­piitsul­lu, oqajuitsul­lu al­lal­lu nap­parsimasut ajuutilip­pas­suil­lu Jesusimut aal­lugit. Jesusip isigaasa sanian­nut pisip­paat, taas­sumalu ajorun­naarsip­pai. Inuit tupigusoqaat, takugam­mik­kik oqajuitsut oqalulersut, iloqiaat pisut­talersut tap­piitsul­lu tap­pis­sisut, Israelil­lu Guutia un­nersiutigaat.

Angut tusilarlunilu oqalus­sin­naan­ngingajat­toq Jesusip maluginiar­neruaa. Tusilar­tut taqimajasuusar­put, ingam­mik inup­pas­suit akor­nan­ni. Im­maqa Jesusip takusin­naavaa angut taan­na ilaminit an­nilaanganerusoq. Naak­kin­nil­luni angut inup­pas­suar­nit avis­saas­sup­paa, kisimiileramil­lu suniar­nerlugu paasitip­paa. Inus­sani angutip siutaanut mangup­pai, qisereeramilu oqaa at­torlugu qilam­mul­lu aarlor­poq anersaamil­lunilu oqarluni: „Am­marit!“ Taava angut tusaasin­naalerlunilu oqalus­sin­naaler­poq.

Jesus taamatut ajorun­naarsitsisareermat inup­pas­suit pingaar­titsil­lutik oqar­put: „Tamaasa ajun­ngitsumik ilior­pai. Tusilar­tut tusaasun­ngor­tip­pai, oqajuitsul­lu oqalut­tun­ngor­tip­pai.“ Mattæus 15:21-31; Markus 7:24-37.

▪ Sooq ar­nap grækeriusup pania Jesusip ingerlaan­naq ajorun­naarsin­ngilaa?

▪ Taava Jesusip ajoqersuk­kani sumun­naqatigai?

▪ Angut tusilar­toq oqar­nerlu ajungajat­toq Jesusip qanoq ilior­paa?