Kapitali 4

Naartusoq — katissimananili

MARIA qaam­matit pingajus­saan­ni naar­tuvoq. Eq­qaamajun­narsivat naar­tuleq­qaar­nermini Elisabetimut pulaarsimam­mat. Mas­sak­kul­li najugaqarfim­minut, Nazaretimut, utersimavoq, naar­tuneralu il­loqarfim­mi er­niin­naq ilisimaneqaleriis­saaq. Soorunami taman­na Mariamut ilungersunaqaaq.

Ilungersunar­nerlu aajuna: Mariap Josef, sanasoq, aap­pas­siaraa, nalun­ngilaalu Guutip Israelik­kun­nut inatsisai naaper­torlugit ar­nat aap­pas­siaqar­tut angum­mik al­lamik nam­min­neq piumas­sutsimin­nik atoqateqarsimagunik ujaq­qanik mil­loor­neqarlutik toqun­neqar­tus­saasut. Qanoq ilil­luni naar­tunini Josefimut nas­suiar­nias­savaa?

Maria qaam­matini pingasuni peqan­ngis­simam­mat takunis­saa Josefip qilanaareqaa. Naapik­kamik Mariap nutaarsias­samik qajas­suar­tumik oqalut­tuun­niarsimas­savaa. Qular­nan­ngitsumik sapin­ngisani tamaat nas­suiaan­niarsimas­savaa Guutip anersaavatigut il­ler­nar­tuk­kut naar­tulersimanerminik. Kisian­ni soorlu takorloor­neqarsin­naasoq, taman­na Josefip paasiuminaatsit­torujus­suuvaa.

Josefip nalun­ngilaa Maria ajun­ngitsumik tusaamasaasoq, malun­nar­porlu Josefip Maria nuan­narisorujus­suugaa. Nas­suiaanerali iluaqutaan­ngilaq, ilimagil­luin­nar­paalu angum­mit al­lamit naar­tulersimas­sasoq. Taamaak­kaluar­torli ujaq­qanik mil­loor­neqarluni toqutaanis­saa imaluun­niit tamanit narrunarsagaanis­saa Josefip kis­saatigin­ngilaa. Taamaat­tumil­lu aalajanger­poq iser­tor­tumik avin­niarlugu. Taamanik­kut aap­pas­siariin­neq aap­pariin­ner­tul­li isigineqar­poq. Taamaat­tumik aap­pas­siariin­neq kipitin­niaraan­ni avit­tutut pisariaqar­poq.

Kingor­na, taman­na eq­qarsaatigitil­lugu Josef siniler­poq. Jehovap in­ngilia sin­nat­tuagut takutip­poq oqarfigalugulu: „Siooranak nulias­sat Maria ilin­nut pisis­sal­lugu; ilumiua anersaak­kut il­ler­nar­tuk­kut pivoq. Er­ner­taarumaar­porlu, taan­na Jesusimik atsis­savat in­nut­tani ajor­taan­nit an­naatis­savai.

Josef iterami qujamasoqaaq. In­ngilip oqar­neratut iliorasuar­poq Marialu angerlaal­lugu. Pisoq taman­na tamanit takuneqarsin­naasoq iluamik oqaatigalugu katin­nermut atatil­lugu pis­susilersuutaavoq tamanut takus­sutis­saal­luni maan­namiit Maria Josefilu katis­simasutut isigineqarsin­naalersut. Jesusili inuutin­nagu Josefip Maria atoqatigin­ngilaa.

Takoriarul­li! Maria naar­toorujus­suuvoq, taamaak­kaluar­torli Josefip siutituumut ingitip­paa. Sumun­nalersunuku? Soormitaavalu mas­sa Maria er­ningajalersoq aal­laler­pat? Lukas 1:39-41, 56; Mattæus 1:18-25; 5 Mosesimik allakkat 22:23, 24.

▪ Mariap naar­tunera tusaramiuk Josef qanoq isumalior­pa, sunalu pil­lugu?

▪ Qanoq ilil­luni Josefip Maria avis­sin­naavaa naak suli katin­neqaratik?

▪ Pisoq suna tamanut takutitsiva Josef Marialu katit­tutut isigineqarsin­naalersut?