Kapitali 117

Naatsiivimmi toqumut siooraneq

QINUL­LUNI naam­mas­sigami Jesusip apustilini aalajaatsut aq­qanil­lit Jehovamik un­nersiutigin­nis­sutaasunik erinarsoqatigai. Taava inimit qalianiit­tumit anip­put. Un­nuk taarlunilu pueq­qor­poq. Kedronip qooruatigoorlutik Betaniamut uter­put. Aq­qutaani nuan­narisaasumut, Naatsiivik Getsemanemut, unik­kal­lar­put. Taman­na Uuliap Qaq­qaaniun­ngik­kuni eq­qan­nguaniip­poq. Jesus apustilinilu tamaani or­piit uuliaqutit akor­nan­niikulasarsimap­put.

Apustilimi ilaat arfineq-pingasut im­maqa naatsiiviup isaariaata eq­qaanut unitsil­lugit oqarfigai: „Tamaanga ingik­kal­laritsi ikunga qinujar­tor­nin­ni.“ Taava apustilimi sin­neri pingasut — Peter, Jakob aam­ma Johan­nes — naatsiivim­mut ilor­par­teqatigai. Jesus aliasuler­poq er­numatsal­lunilu. „Tar­niga aliasungaaqaaq toqumut al­laat,“ oqar­poq. „Tas­saniit­tuaritsi pigaaqatigalungalu.“

Jesus ingerlaq­qilaar­poq nunamul­lu seeq­qum­merluni, kiin­naminil­lu nunamut pal­lorluni ilungersorluni qinulerluni: „Ataataga! Ajor­nan­ngip­pat ermuseq una uan­nit peerli; kisian­ni uanga peq­qusat­tut pin­nani il­lit peq­qusat­tut pili.“ Sunaana pigaa? Sooq ’aliasungaar­pa toqumut al­laat’? Uter­titsis­sutis­satut-una toqunis­saminik aalajangersimanini qimarratiginiarsarigaa?

Naamerluin­naq! Jesusip toqun­ngitsoor­nis­sani qin­nutigin­ngilaa. Aap, Peterip sior­natigut siun­nersuutigisimasaatut pil­liutitut toqunis­sami pin­ngitsoor­tin­neqar­nis­saa eq­qarsaatigis­sal­luguluun­niit maajugaa. Taamaat­tumik er­numanera toqun­neqar­nis­samini periaasiusus­sak­kut — pinerlut­tutut narrugisaasutut toqun­neqar­nis­samigut — Ataatami aq­qata ataq­qinaataajar­neqar­nis­saanik siooranermik peq­quteqarsimas­saaq. Isumakuluutigil­luin­nagaa tas­saavoq nalunaaqut­tap-akun­nialui qaangiup­pata inut­tut ajor­ner­paatut — Guutimut mital­lersutut — isigisaal­luni qisum­mut kikiat­tor­neqar­nis­sani!

Qinungaatsiareerluni Jesus uter­poq apustilil­lu pingasut sinit­tut naam­mat­toorlugit. Peterimut saal­luni oqar­poq: „Tas­sa sivikitsun­nguamil­luun­niit pigaaqatigisin­naan­ngilisinga? Eq­qumaniarlusilu qinugitsi us­ser­nar­tumut piseq­qunasi.“ Nalungil­luar­paali an­ner­tuumik tatineqarsimasut aam­malu un­nut­toq, taamaat­tumik nangip­poq: „Anersaaq kajumik­kaluar­poq, uinil­li san­ngiip­poq.“

Jesus aap­pas­saanik qinujar­torluni qimagup­poq Guutilu qin­nuigalugu „ermuseq una“, tas­sa Jehovamit agguagarsiani, peeq­qul­lugu. Uterami aam­ma naam­mat­toor­pai taak­ku pingasut sinit­tut. Us­ser­nar­tumut piseq­qunatik qinujuar­tariaqaraluar­put. Jesusip oqaluf­figai, qanorli akis­sal­lugu naluaat.

Pingajus­saanik naggam­mil­lu Jesus tamatumuuna miloriar­ner­tut ungasitsigisumukar­poq, seeq­qumiarlunilu qinuler­poq nil­lingaar­tarluni qial­lunilu: „Ataataq, piumaguit ermuseq una uan­nit peeruk!“ Pinerlut­tutut isigineqarluni toqunis­sami Ataatami aq­qanik kan­ngunarsaanis­saa as­sorsuaq Jesusip an­niaatigaa. Guutimut mital­lersutut — Guutimik perloq­qusisutut — pasil­ler­neqar­nini Jesusip ar­tungajap­paa!

Taamaak­kaluar­torli Jesus qinujuar­poq: „Uangali [piumasara] pin­nani il­lit [piumasat] pili.“ Guutip piumasaa Jesusip naalal­luni malip­paa. Taava in­ngili qilam­mit taas­sumun­nga takutip­poq oqaatsinil­lu qiim­maal­lan­nar­tunik nakus­satsil­lugu. Qular­nan­ngitsumik in­ngilip Jesus oqalut­tuup­paa Ataataata iluarigaa.

Ilali Jesus ar­tor­nar­torsiormat! Nam­mineq inuiaal­lu tamarmik naas­saan­ngitsumik inuunis­saat nalor­ninar­torsior­tin­neqar­poq. Misigis­sutsik­kut tatisimaneqar­nera an­ner­toqaaq. Taamaat­tumik Jesus suli ilungersor­nerul­luni qinujuar­poq, kiagun­nerilu kuser­ner­tut aajusutut nunamut nak­kaap­put. „Naak qaqutigoor­torujus­suugaluarluni,“ atuagas­siaq The Journal of the American Medical Association al­lap­poq, „misigis­sutsik­kut naner­tisimarujus­suar­nermi aat­talim­mik kiagun­neq pisin­naasar­poq.“

Pingajus­saanik Jesusip apustilini uterfigai, aam­ma sinit­tut naam­mat­toorlugit. Aliasun­nermit qasul­luin­narsimap­put. „Siniin­nar­pisi qasuerserlusilu?“ nil­ler­poq. „[Naam­maleqaaq! NV] Tas­sa nal­lius­simavoq. Inuup Er­nera ajor­tulior­tunut pisitaas­saaq. Nikuil­lusi aal­lar­ta, tas­sa uan­nik pisitsisus­saq qanil­livoq.“

Suli oqalutsil­lugu Judas Iskariot tikiup­poq, inup­pas­suit ikumatitalisarlutil­lu qul­lilisarlutil­lu sak­kulisar­tut ilagalugit. Mattæus 26:30, 36-47; 16:21-23; Markus 14:26, 32-43; Lukas 22:39-47; Johannes 18:1-3; Eprîarit 5:7.

▪ Jesus apustilinilu inimit qalianiit­tumit anigamik sumun­nar­pat, taavanilu Jesus sua?

▪ Jesusip qinunerani apustilit sup­pat?

▪ Sooq Jesusip toqunis­sani siooragaa, Guutilu sumik qin­nuigaa?

▪ Jesusip kiagun­nerata aam­mik kuseriar­ner­tut ilinera qanoq nas­suiar­neqarsin­naava?