Kapitali 54

„Neqissaq qilammit pisoq piviusoq“

IP­PAS­SAQ pisoqarsimaqaaq. Jesus tupin­nar­tuliorluni inup­pas­suar­nik tuusintilik­kuutaanik nerisitsisimavoq taman­nalu pil­lugu inuit im­minik kun­ngin­ngor­titsiniar­nerigaluat itigar­til­lugu qimaasimavoq. Un­nuak­kut Galilæap Tasersuani mal­lersorsuarmi pisus­simavoq, Peterilu im­mak­kut mal­lersuk­kut pisutsil­luni kivileraluar­toq an­naas­simal­lugu, taseq mal­lerun­naarsis­simal­lugu taamaalil­lunilu ajoqersuk­kat umiunis­saraluan­nit an­naas­simal­lugit.

Inuit Galilæap Tasersuata avan­naata kangiani Jesusip tupin­nar­tuliorluni nerisis­simasaasa maan­na Kaper­naumip eq­qaani nanivaat aperalugulu: „Qanga tamaanga pivit?“ Jesusip naveer­pai oqarfigalugit nerisas­sanik akeqan­ngitsunik piniaan­narlutik ujarsimagaan­ni. Kajumis­saar­pai neqis­saq nungujasoq sulis­sutigeq­qunagu, neqis­sarli inuunermut naas­saan­ngitsumut it­tuar­toq sulis­sutigeq­qul­lugu. Taamaam­mat aperip­put: „Qanoq iliorluta Guutip suliareq­qusai suliaris­savavut?“

Jesusil­lu pingaar­ner­paaq taavaa: „Guutip suliareq­qusaa tas­sa, aal­lar­titaa up­peris­sagas­siuk.“

Naal­li Jesusip tupin­nar­tuliar­pas­sui takoreeraluarlugit up­periuman­ngilaat. Tamak­kor­pas­suil­lu takoreeraluarlugit tupin­naan­nar­tumik aperaat: „Qanoq it­tumik takusas­satsin­nik nalunaaq­qutilius­savit up­pereq­qul­lutit? Suna suliaraajuk? Siuaasavut puilasuitsumi man­namik nerisar­put, soorlu al­las­simasoq: ’Neqis­samik qilam­mit pisumik nerler­pai.’“

Nalunaaq­qutilioq­qusineran­nut akis­sutitut tupin­nar­tulianik tunis­sutit kimin­ngaan­neersuunerat Jesusip nas­suiaatigaa: „Mosesip neqis­samik qilam­mit pisumik tunin­ngilaasi, Ataatamali neqis­samik Qilam­mit pisumik piviusumik tunivaasi. Guutip neqis­saataa tas­saam­mat Qilam­mit aq­qar­toq silamiunik inuutitsisoq.“

„Naalagaq! Neqis­samik tamatumin­nga tunit­tuin­nar­tigut!“ inuit oqar­put.

„Uangaana neqis­saq inuus­sutaasoq,“ Jesus nas­suiaavoq. „Uan­nut pisoq kaalis­san­ngilaq, uan­nul­lu up­per­toq imerusun­ngil­luin­nas­saaq. Oqarfigaas­simi, takugaluaras­singa up­pin­ngitsusili. Ataatama uan­nut tun­nius­saasa tamarmik or­nis­savaan­nga, uan­nul­lu pisoq silamut ajat­tus­san­ngilara. Qilam­mim­mi aq­qar­punga peq­qusara naam­mas­siniar­nagu, aal­lar­titsisimali peq­qusaa naam­mas­siar­torlugu. Uan­nil­li aal­lar­titsisup peq­qusaa tas­sa uan­nut tun­nius­saasa ilan­nguan­nil­luun­niit tam­mar­titaqas­san­ngitsunga, kisian­ni ul­lut naggatis­saan­ni makitis­sagik­ka. Tas­saam­mat Ataatama peq­qusaa: Er­nerminik takun­nit­toq up­perfigalugulu, taan­na naas­saan­ngitsumik inuus­suteqas­sasoq.“

Juutil­li oqalorujuler­put Jesus ima oqarmat: „Uangaana neqis­saq uumasoq qilam­mit aq­qar­toq.“ Nunamiunik angajoq­qaalit­tuin­naq isigaat Nazaretimilu nunaq­qataasut akerliliil­lutik: „Tas­saan­ngin­ner­pa Jesus Josefip er­nera, angutaa ar­naalu ilisiman­ngin­ner­pavut? Qanormi taava oqarsin­naava: ’Qilam­mit aq­qar­punga’?“

Jesusip akivai: „Oqalorujoqatigeeqinasi! Uan­nut pisin­naasoqan­ngilaq Ataatap aal­lar­titsisima kajungersin­ngip­pani; taavalu ul­lut naggatis­saan­ni makitik­kumaar­para. Pruf­fiitit al­lagaan­ni al­las­simavoq: ’Tamarmil­lu Guutimit ajoqersor­neqarsimas­sap­put.’ Kik­kul­luun­niit Ataatamit tusarlutik ilin­niar­tut nungul­lutik or­nit­tar­paan­nga. Mas­sali Ataatamik takun­nit­toqan­ngik­kaluar­poq. Guutimit pisup kisimi Ataataq takuaa. Ilumut, ilumut oqarfigaas­si: uan­nut up­per­toq naas­saan­ngitsumik inuus­suteqar­poq.“

Uteq­qip­paalu: „Uangaana neqis­saq inuus­sutaasoq.“ Aap, Jesusip, Guutimit aal­lar­titaasup, up­perineratigut inuuneq naas­saan­ngitsoq anguneqarsin­naavoq. Man­na if­fiarluun­niit al­la taamatut sun­niuteqarsin­naan­ngilaq!

Qular­nan­ngitsumik inup­pas­suit Jesus Kaper­naumip eq­qaani nanisimatsiaan­naraat neqis­saq qilam­meersoq pil­lugu oqal­lin­neq aal­lar­tip­poq. Oqal­lin­nerli ingerlaan­nar­poq naalaf­fim­milu Kaper­naumimiit­tumi Jesusip ajoqersuinerani oqal­lin­nerup sak­kor­tuner­paaf­fis­sani anguaa. Johannes 6:25-51, 59; Tussiaat 78:24; Jesaja 54:13; Mattæus 13:55-57.

▪ Neqis­samik qilam­meersumik Jesusip eq­qar­tuilin­ngin­nerani sunik pisoqar­pa?

▪ Aatsaan­nguum­mat Jesusip iliuusii eq­qarsaatigalugit sooq ip­pin­nar­pa juutit nalunaaq­qum­mik piumam­mata?

▪ Jesus tas­saanerarmat neqis­saq qilam­meersoq piviusoq sooq juutit oqalorujuler­pat?

▪ Neqis­saq qilam­meersoq pil­lugu oqal­lin­neq sumi piva?