Kapitali 17

Nikodemus ajoqersorneqarpoq

UKIUMI 30-mi poorskisior­til­luni Jesus tupin­nar­tulianik maluginiar­nar­tunik arlalin­nik suliaqar­poq. Amerlasuut up­per­tun­ngor­put. Nikodemus, juutit eq­qar­tuus­sisuunerinut, Sanhedrinimut, ilaasor­taasoq, aam­ma tupigusup­poq paasisaqar­nerorusul­lunilu. Taamaat­tumik, takuneqaruni juutit pisor­taasa akor­nan­ni tusaamanerlugaaler­nis­si an­nilaan­ngatigigunarlugu, un­nuaan­narsuaq tarrup ataani Jesus or­nip­paa oqarfigalugulu:

„Rabbi! Ilisimavatsigit ajoqersuisuusutit Guutimit pisoq, ilit­tut nalunaaq­qutilior­toqarsin­naan­ngim­mat Guutip najun­ngip­pani.“ Akil­lugu Jesusip oqarfigaa kinaluun­niit Guutip naalagaaf­fianut isersin­naan­ngitsoq „kisian­ni er­nioq­qis­simaguni“.

Qanorli ilil­luni inuk ’er­nioq­qis­sin­naava’? „Aap­pas­saanik ar­nami timaata iluanut pisin­naava er­niul­lunilu?“ Nikodemus aperaaq.

Naamik, oqaaseq ’er­nioq­qis­sitaaneq’ taamatut paasineqas­san­ngilaq. „Inuk Guutip naalagaaf­fianut pisin­naan­ngilaq, kisian­ni imermit anersaamil­lu er­niusimaguni,“ Jesus nas­suiaavoq. Jesus kuisik­kami anersaamil­lu il­ler­nar­tumik tunineqarluni ’imermit anersaamil­lu’ er­niuvoq. Taamani Guuti qilam­mit oqar­poq: „Tas­sa Er­nera . . . nuan­narisara.“ Taamaalil­luni Guutip nalunaajaatigaa naalagaaf­fim­mi qilam­miit­tumiilersus­samik anersaak­kut er­neqaler­nini. Kingor­na, tas­sa piinsip ul­luani ukiumi 33-mi, kuisit­tut al­lat anersaamik il­ler­nar­tumik pip­put, taamaalil­lutil­lu Guutip anersaak­kut er­nerisut ’er­nioq­qis­sitaal­lutik’.

Guutil­li er­nera taannarpiaq im­mik­kut it­tumik inuunermut pisariaqar­tumik pingaaruteqar­poq. „Soorlulu Mosesip puilasuitsumi pulateriaarsuup as­singa qangat­taraa,“ Jesusip Nikodemus nas­suiaap­paa, „taamat­taaq Inuup Er­nera qangat­tar­tit­tariaqar­poq, kinaluun­niit up­per­toq taas­sumani naas­saan­ngitsumik inuus­suteqaq­qul­lugu.“ Aap, soorlu Israelik­kut pulateriaarsum­mik toqunar­tulim­mik kiitis­simasut an­nas­sagunik pulateriaarsuk kan­ngus­sam­mik sanaaq isigisariaqarsimagaat, taamat­taaq inuk kinaluun­niit Guutip er­neranut up­pis­suseqar­tariaqar­poq toqujar­tor­nerminit an­naan­neqas­saguni.

Guutip asan­nin­nerata tamatumani pingaaruteqas­susia erseq­qis­sar­niarlugu Jesus Nikodemusimut oqar­poq: „Silamium­mi Guutip ima asatigai er­nitui tun­niul­lugu kinaluun­niit taas­sumun­nga up­per­toq tam­maq­qunagu, naas­saan­ngitsumil­li inuus­suteqaq­qul­lugu.“ Jerusalemimi, kif­far­tuler­nerminit qaam­matit arfinil­lit qaangiutiin­nar­tut, taamaalil­luni Jesusip erseq­qis­sar­paa nammineq aq­qutigaluni Guutip inuit an­naatis­sagai.

Nangil­luni Jesusip Nikodemus oqarfigaa: „Guutip Er­ni silarsuarmut aal­lar­tin­ngilaa silamiut eq­qar­tooq­qul­lugit.“ Tas­sa Jesus aal­lar­titaan­ngilaq silamiut iluarinan­ngitsumik eq­qar­tuutis­sal­lugit, imaluun­niit inuiaat nungutin­neqar­nis­saan­nut eq­qar­tuutis­sal­lugit. Aap, soorlu Jesus nam­mineq oqar­toq, aal­lar­titaavoq „silamiut taas­sumuuna an­naq­qul­lugit.“

Nikodemusip siooral­luni tarrup ataani Jesus naapin­niarsimavaa. Taamaat­tumik Jesusip taas­sumun­nga naggataatigut oqaatigisai soqutiginar­tuup­put: „Tas­saavorlu eq­qar­tuus­sut, qaamasoq [Jesusip inuunermini ajoqersuinerminilu pis­suserisaa] silarsuarmut pim­mat, inuil­lu taar­toq qaamasumit asaneruaat suliatik ajormata. Ajor­tulior­tup qaamasoq uumigisar­paa, qaamasumul­lu piumasarin­ngilaq suliani nalunarun­naarsin­neqaq­qunagit. Sal­lusuis­sum­mil­li ileq­qulik qaamasumut pisaraaq suliani saq­qum­meq­qul­lugit, Guutimi suliarisaam­mata.“ Johannes 2:23-3:21 ilanngullugu; Mattæus 3:16, 17; Apustilit suliaat 2:1-4; 4 Moses 21:9.

▪ Sooq Nikodemusip Jesus pulaar­paa, sooq un­nuami taamaalior­pa?

▪ ’Er­nioq­qis­sitaaneq’ qanoq paasisariaqar­pa?

▪ Qanoq ilil­luni Jesusip inuit an­nan­nis­saan­nut pingaaruteqar­nini paasinarsar­paa?

▪ Jesus silamiut eq­qar­tuutis­sal­lugit aal­lar­titaan­ngitsoq qanoq paasisariaqar­pa?