Kapitali 61

Nukappiaraq anersaapilulik ajorunnaarsin­neqartoq

JESUS, Peter, Jakob Johan­nesilu peqan­ngitsil­lugit, qular­nan­ngitsumik Hermonip Qaq­qaata anigguisa ilaan­niitil­lugit, ajoqersugai al­lat ajor­nar­torsiuler­put. Jesus uterami takuler­pai ajoqersuk­kani inup­pas­suar­nit unguneqarsimasut, al­lak­kanil­lu ilisimasut oqal­liseqatigigaat. Inup­pas­suit Jesus takuleramik­ku tupaal­lap­put tikil­luaq­quniarlugulu tungaanut ar­palerlutik. „Suna as­sor­tuus­sutigaasiuk?“ aperaaq.

Inup­pas­suit akor­nan­nit angut sas­sar­poq Jesusilu pal­lorfigalugu: „Ajoqersuisoq! Er­nera oqalun­neq ajor­tumik anersaalik ilin­nut pisip­para; anersaap pisarigaangani noqar­tik­kaanganilu qap­pioraraaq qorsaq­qor­tarlunilu sanigoriar­torlunilu; ajoqersuk­katil­lu oqarfigigaluar­pak­ka aniseq­qul­lugu, saper­paal­li.“

Qular­nan­ngitsumik ajoqersuk­kat nukap­piaq­qamik ajorun­naarsitsiniar­nermin­ni iluatsitsin­ngitsoor­nerat iluatsil­lugu al­lak­kanik ilisimasut il­laruaatigaat. Taamaalinerani Jesus tak­kup­poq. „Taatuuku eq­qarleriit up­pin­ngitsut! Qanoq sivisutigisumik najus­savas­si? Qanorlu sivisutigisumik kamagis­savas­si?“

Qular­nan­ngitsumik tusar­naar­tut tamaasa Jesusip oqaluf­figai, qularutis­saan­ngilarli ingam­mik al­lak­kanik ilisimasut, ajoqersuk­kaminik ajor­nar­torsior­titsisut, ap­pisaluum­magit. Taava Jesusip nukap­piaraq saap­paa oqarlunilu: „Uan­nut qaas­siuk!“ Nukap­piararli Jesusimut qanil­liar­tor­til­luni anersaapilum­mit up­pitin­neqar­poq noqar­tin­neqarlunilu, as­sakaavoq qap­piorlunilu.

„Qanga taamaaliva?“ Jesus aperaaq.

„Meeraanerminit,“ ataataa akivoq. „Qas­siinil­lu [anersaapiluup] in­nermut imermul­lu nalut­tar­paa toqun­niarlugu. Sapin­ngik­kuil­li naak­kigaluta ikior­tigut!“

Im­maqa ataataata er­nini ukior­pas­suar­ni ikior­tis­sarsiuus­simagaluar­paa. Maan­nalu Jesusip ajoqersugaat­taaq sapermata nikal­lorluin­nar­poq. Angutil­li isumatsas­simal­luni qin­nutaa Jesusip qiim­maal­lan­nar­tumik akivaa: „Sapin­ngik­kuit? Up­per­tumut ajor­nar­toqan­ngilaq.“

„Up­per­punga,“ ataataa oqapal­lap­poq, qinul­lunilu: „Up­pin­ngis­sutsik­kut ikiun­nga.“

Inuit us­sagar­tut isigiitigalugit Jesusip anersaapiluk sukan­nersumik oqaluup­paa: „Oqalun­neq ajor­tutit tusilar­tutil­lu anersaaq-aa! Inap­pak­kit: uuman­nga aniit kingor­nalu pulas­saarlugu!“ Anersaapiluup nukap­piaq­qamit anin­ngin­nermini aam­maarluni nil­liatip­paa noqar­terujus­suarlugulu. Taava nukap­piaraq nikis­sanani nunami nalaan­naler­poq, „amerlaneril­lu toqusimanerar­paat“. Jesusil­li nukap­piaraq nikuitip­paa.

Ajoqersuk­kat oqaluus­siar­tor­tin­neqar­nermin­ni sior­natigut anersaapilun­nik anisitsisareersimap­put. Taamaat­tumik il­lumut isereeramik Jesusilu kisimeeqatigileramik­ku aperaat: „Suna pis­sutigalugu uagut anisin­neq saper­par­put?“

Up­per­nikin­nerat Jesusip pis­sutaanerar­paa. Akivai: „Taamaalisar­tut anineq ajorluin­nar­put, kisian­ni aatsaat qinunik­kut.“ Qular­nan­ngitsumik anersaapiluk taama nukit­tutigisoq anisis­sagaan­ni piareersar­nis­saq pisariaqar­poq. Up­perluar­neq naam­mas­sinis­saanul­lu Guutimit ikior­neqar­nis­samik qinuneq pisariaqarluin­nar­put.

Jesus nangip­poq: „Sen­nepip naatsiias­sar­taatut atsigisumik up­persuseqarus­si, qaq­qamut uumun­nga oqarsin­naas­saasi: ’Tas­san­nga nutserit uunga;’ nutserumaar­poq taava, ajugaqas­san­ngilasilu.“ Up­per­neq taama sak­kor­tutigilersin­naavoq!

Akor­nutis­sat Jehovamut kif­far­tor­nermi siumukar­nis­samut akor­nusiisorinar­tut qaq­qatut qaqiuminaap­pasitsigalutil­lu qaangerumin­naap­pasitsigisin­naap­put. Jesusil­li ajoqersor­paatigut uum­matitsigut up­persuseqaler­niarsarigut­ta, imer­ter­tarlugu ineriar­tor­nis­saanil­lu periarfis­sil­lugu, up­persuseq taman­na ineril­luin­nar­nis­sami akor­nutis­sanil­lu qaq­qatut it­tunik ajugaaf­figin­nis­sin­naaler­nis­sami tungaanut ineriar­tus­sasoq. Markus 9:14-29; Mattæus 17:19, 20; Lukas 9:37-43.

▪ Hermonip Qaq­qaaneereerluni ajoqersuk­kaminut uterami Jesus sumik naam­mat­tuugaqar­pa?

▪ Nukap­piaq­qap anersaapilul­lip ataataa Jesusip qanoq qiim­mas­sar­paa?

▪ Sooq ajoqersuk­kat anersaapiluk anisis­sin­naan­ngilaat?

▪ Jesusip up­persuseq qanoq sak­kor­tutigilersin­naanerar­paa?