Kapitali 108

Oqaatsikkut Jesusimik nakkartitsiniaaneq iluatsinngilaq

JESUSIP naalaf­fim­mi ajoqersuinera up­perisarsior­nik­kul­lu akeq­qami ajus­susian­nik qulaarisunik pingasunik as­sersuusior­nera pis­sutigalugit farisæerit kamat­torujus­suup­put, tigusaas­sutis­saanil­lu oqar­tin­niarsariniarlugu isumalioqatigiip­put. Perlulioqatigiin­nialer­put ajoqersuk­katil­lu, Herodesip par­tiianik tapersersuisunik ilalerlugit, taas­sumun­nga aal­lar­tip­paat oqaatsik­kut nak­kar­tin­niarsariniarlugu.

„Ajoqersuisoq,“ angutit taak­kua oqar­put, „ilisimavatsigit ilumoor­tutit Guutil­lu aq­qutigeq­qusaa ilumoorlutit ajoqersuutigigit inum­mil­lu naalan­niagaqar­nak, inuup kinaas­susia soqutigin­ngin­nak­ku. Taamaat­tumik oqarfigitigut: Qanoq isumaqar­pit? Kaasari akileraarutinik tunil­lugu iluar­pa iluan­ngilaluun­niit?“

Qujanar­niarfigin­nin­neran­nit Jesus uukapaatin­neqan­ngilaq. Nalun­ngilaa oqaraluaruni: ’Naamik, taamatut akileraar­neq iluan­ngilaq eq­qor­tuunanilu,’ Romamut pikitsitsinis­samik kajumis­saaris­sal­luni. Oqaraluarunilu: ’Aap, taamatut akileraas­saasi,’ juutinit, Romamiut naalagaaneran­nik asis­suisunit, uumis­sor­neqas­sal­luni. Taamaat­tumik akivoq: „Ilumoor­tuusaar­niar­tusi ukorsii, sooq us­ser­pisinga? Aningaasaq akileraarutis­saq takulara!“

Aggium­mas­suk aperai: „Kiaana as­singa kialu titaq­qusai uku?“

„Kaasarip,“ akip­put.

„Taamaat­tumik kaasari tunisiuk kaasarip pis­saanik, Guutilu Guutip pis­saanik!“ Akis­sutaa tun­ngavis­saqarluar­toq tusaramik­ku angutit tupigusoqaat. Ilagin­nar­paat qimal­lugulu.

Saddukæerit makif­fis­saqan­ngin­neraasut takugamik­ku farisæerit Jesusimik un­nerluutis­sarsior­nermin­ni iluatsitsin­ngitsoor­tut, Jesus or­nip­paat oqarfigalugulu: „Ajoqersuisoq! Moses ima oqar­poq: ’Angut qitor­naqarani toqup­pat, taas­suma nulia qatan­ngutaata katis­savaa qatan­ngun­ni kingoraarlugu qatan­ngum­minut kinguaas­sius­sal­luni.’ Tas­sa uatsin­ni nukariit arfineq-marluup­put. Siul­lersaat nuliarami toquvoq, kinguaas­sin­ngin­namilu nulii qatan­ngum­minut kingor­nutitip­paa. Taamat­taaq aap­paa toquvoq pingajual­lu ilaalu arfineq-aap­paan­nut al­laat. Taak­kuali tamarmik kingor­nagut ar­nar­taaq toquvoq. Taava makif­fis­saq nal­liup­pat taak­kua arfineq-marluk arlaata kia nuliaris­savaa? Tamarmim­mi pigigaluar­paat.“

Jesus akivoq: „Imaat­toq pil­lugu tam­man­ngin­ner­pisi, al­lak­kat nalugas­sigik Guutil­lu pis­saanera nalul­lugu? Toqusunim­mi makik­kunik nulias­sanatil­lu uinis­san­ngil­lat in­ngilisul­li qilam­miit­tutut is­sap­put. Toqusul­li makis­sasut pil­lugit Mosesip al­lagaani atuan­ngilasi, kakil­lar­naqul­liuna pil­lugu oqaatigineqarmata, qanoq Guutip oqaluf­figigaa oqarluni: ’Abrahamip Guutigaanga, Isakil­lu Guutigaanga, Jakobil­lu Guutigaanga?’ Guuti toqusut Guutigin­ngilaat, inuusul­li Guutigaat. Tam­mangaar­pusi.“

Jesusip akis­sutaa inup­pas­suitaasiit tupigusuutigaat. Al­laat al­lak­kanik ilisimasut ilaat iluarin­nip­palul­lutik oqar­put: „Ajoqersuisoq! Oqarluar­putit.“

Farisæerit takugamik­ku Jesusip saddukæerit oqaasis­saarutik­kai, arlaliul­lutik or­nip­paat. Us­seq­qin­niarlugu al­lak­kanik ilisimasup taak­kua ilaata aperaa: „Ajoqersuisoq, inas­sut suna inatsisini an­nerua?“

Jesus akivoq: „Siul­lersaat imaap­poq: ’Tusar­naarit, Israeli! [Jehova] Guuter­put, [Jehova] ataasiuvoq, asas­saval­lu [Jehova] Guutit uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit nukisil­lu tamak­kerlugit.’ Aap­paalu tas­saavoq: ’Tul­lit ilit­tut asas­savat.’ Tamak­kunan­nga an­nerusumik al­lamik inatsiseqan­ngilaq.“ Oqaatsinilu al­laat ilavai: „Inas­sutit tamak­ku marluk inatsisit tamarmik pruf­fiitil­lu al­lagaasa naaq­qaavigaat.“

Al­lak­kanik ilisimasoq taan­na nas­suer­poq: „Ajoqersuisoq, ilumut oqarluar­putit, ataasium­mat, al­lamil­lu taan­naan­ngitsumik Guuteqan­ngim­mat. Taan­nalu asal­lugu uum­mam­migut iluun­ngarluni sianis­sutsimigul­lu iluun­ngarluni nukinilu tamak­kerlugit, tul­linilu im­misut asal­lugu, tas­sa tunis­sutinit ikik­kagas­sanit toqutas­sanil­lu tamanit an­nerusoq.“

Jesusip tusaramiuk al­lak­kanik ilisimasoq sianisuumik akisoq, oqarfigaa: „Guutip naalagaaf­fia ungasin­ngilat.“

Jesus maan­na ul­luni pingasuni — sapaam­mi, ataasin­ngor­nermi marlun­ngor­nermilu — naalaf­fim­mi ajoqersuivoq. Inuit nuan­narlutik tusar­naarsimavaat, up­perisarsior­nik­kul­li pisor­tat Jesus toquk­kusup­paat. Man­nali tikil­lugu iluatsitsisiman­ngil­lat. Mattæus 22:15-40; Markus 12:13-34; Lukas 20:20-40.

▪ Oqaatsik­kut Jesus nak­kar­tin­niarlugu farisæerit qanoq perlulioqatigiip­pat, angeraluar­pat naaggaaraluar­pal­luun­niit qanoq pisoqas­sagaluar­pa?

▪ Saddukæerit oqaatsik­kut im­minik nak­kar­titseriaraluar­nerat Jesusip qanoq pin­ngitsoor­tip­paa?

▪ Farisæerit Jesus qanoq us­seq­qip­paat, qanorlu iner­neqar­pa?

▪ Jerusalemimi naggataasumik kif­far­tor­nermini ul­lut qas­sit Jesus naalaf­fim­mi ajoqersuiva, qanorlu kinguneqar­pa?