Kapitali 35

Oqaluutsit tusaamasaaner­paartaat

MAN­NA tas­saavoq Bibelip oqalut­tuarisaanerani pisimasut puiunaan­ner­paat ilaat: Jesus qaq­qap sivingar­nani is­siavoq kingor­na tusaamasaalersumik oqaluus­sil­luni. Galilæap Tasersuata eq­qaaniip­poq, qular­nan­ngitsumik Kaper­naumimit ungasin­ngitsumi. Jesus un­nuaq naal­lugu Guutimut qinusimavoq, kingor­nalu ajoqersuk­kami ilaat aq­qar­neq-marluk apustilisut toq­qarlugit. Taavalu tamaasa ilagalugit qaq­qap ilaanut maanga atersimavoq.

Maan­na Jesus qasus­sagunaqaaq, sinin­niarlunilu in­nas­sangatin­naraluar­poq. Inup­pas­suil­li aggiasimap­put, ilaat al­laat Judæamit Jerusalemimil­lu, 100 kilometerisut ungasitsigisumit. Al­lat sineris­samit Tyrusip eq­qaanit Zidonil­lu avan­naaniit­tumit tikerarsimap­put. Jesus tusar­naar­niarlugu nap­paatimin­nil­lu ajorun­naarsitaajumal­lutik aggersimap­put. Al­laat inuit anersaapilun­nit (Satanip in­ngilipiluinit) naal­liutsitaasut tikis­simap­put.

Jesus atermat, nap­parsimasut taas­sumun­nga qerler­toruutiler­put at­tor­niarlugu, tamaasalu ajorun­naarsip­pai. Taamaalioreerami Jesus qaq­qamut majuar­ter­neruvoq. Ingip­poq, inup­pasuil­lu qaq­qap toq­qin­nerusor­taani siunerminiit­tut ajoqersulerlugit. Takual­li! Maan­na inup­pas­suit akor­nan­ni sualut­tumik nap­paateqar­toqan­ngivip­poq!

Ajoqersuisoq taama tupin­nar­tuliorsin­naatigisoq qanoq oqaaseqas­sanersoq inuit pis­san­ngatigaat. Ajoqersuk­kamili qanin­ner­paal­lutik katersuus­siman­nguatsiar­tut iluaqutis­saat eq­qarsaatiginerul­lugu oqaluus­sivoq. Uagut­taarli oqaluusaa iluaqutigisin­naanias­sagatsigu Mat­tæusip Lukasil­lu tamarmik al­las­simavaat.

Mat­tæusip iivangkiiliuani Jesusip qaq­qami oqaluusaa Lukasip iivangkiiliuaniit­tumit sisamariaam­mik tan­neruvoq. Mat­tæusip iivangkiiliuani eq­qar­tor­neqar­tut ilaat, Lukasip pif­fis­sami al­lami Jesusimit oqaatigineqar­tutut eq­qar­tor­pai, taman­na takuneqarsin­naavoq Mat­tæus 6:9-13 Lukas 11:1-4-mut naleq­qiuk­kaan­ni, taavalu Mat­tæus 6:25-34 Lukas 12:22-31-mut naleq­qiuk­kaan­ni. Taman­nali tupaal­laatigisariaqan­ngilar­put. Qular­nan­ngitsumik Jesusip ajoqersuutit aalajangersimasut ataasiaan­narani ajoqersuutigisarsimavai, ajoqersuutil­lu aalajangersimasup al­latigut ajoqersuutigineqar­neri Lukasip eq­qaasar­pai.

Jesusip qaq­qami oqaluusaanik naleqangaalersitsisoq tas­saan­naan­ngilaq imarisaata anersaak­kut itis­susia, aam­mat­taarli ajoqersuutit ilumoor­tut erseq­qis­sumik paasiuminar­tumil­lu saq­qum­miun­neqar­nerat. Ul­luin­nar­ni misigisar­tak­kat pis­sutsil­lu inuit ilisimal­luagaat atorlugit, Jesusip eq­qarsaatini Guutip maleruagas­sareq­qusai naaper­torlugit ajun­ngin­nerusumik inoorusut­tunut tamanut paasiuminarsar­tar­pai.

Kikkut pilluavippat?

Tamat­ta pil­luarluta inoorusup­pugut. Taman­na eq­qarsaatigalugu kik­kut pil­luavis­sunik taaneqarsin­naanersut oqalut­tuaralugu Jesusip qaq­qami oqaluutsi aal­lar­tip­paa. Taamaalil­luni tas­suuguin­naq tusar­naar­tor­pas­suit naalaarlualersip­pai. Aal­lar­niutaasumil­li oqaasii im­min­nut as­sor­tuut­tutut amerlasuut isumaqarfigisimas­savaat.

Ajoqersuk­kani saaf­figalugit Jesus oqar­poq: „Pil­luar­pusi piitsusi, Guutip naalagaaf­fia pigigas­siuk. Pil­luar­pusi maan­na kaat­tusi, qaarsil­larumaaras­si. Pil­luar­pusi maan­na qiasusi, il­larumaaras­si. Pil­luar­pusi inuit . . . uumis­sor­pasi. . . . Tipaatsul­lusilu qiimasugitsi taamaalip­pat, ata, akis­sarsias­sarsi angeqim­mat Qilam­mi.“

Jesusip qaq­qami oqaluusaata aal­lar­niutaa Lukasip taama is­suar­paa. Mat­tæusili naaper­tus­sagaan­ni Jesusip aam­ma qanilaar­tut, nal­lit­tuisut, minguitsumik uum­matil­lit eq­qis­sisitsisul­lu pil­luar­tutut taavai. Jesusip eq­qar­tor­paa pil­luar­tuusut nuna kingor­nutis­sagamik­ku, nal­lit­tor­neqas­sagamik, Guuti takus­sagamik­ku Guutil­lu qitor­naanik taaneqas­sagamik.

Pil­luar­neq Jesusip qiimanerin­narmut il­lar­nerin­narmul­lu at­tuumas­suteqar­neran­ngilaa. Pil­luar­neq piviusoq itinerusumik pis­suteqar­poq naam­magin­nin­nermut, nalerisimaar­nar­tumil­lu imaqarluar­tumil­lu inuunermut at­tuumas­suteqarluni.

Taamaat­tumik Jesusip takutip­paa inuit pil­luavis­sut tas­saasut inuit anersaak­kut pisariaqar­titamin­nik misiutigin­nin­ngitsut, ajor­tiliunermin­nik ajorusuutigin­nit­tut, Guutimilli ilisarsisut kiffartorfigilerlugulu. Naak Guutip piumasaanik ilior­ner­tik pis­sutigalugu uumis­sor­neqaraluarlutik malersor­neqaraluarlutil­luun­niit, nalun­ngin­namik­ku Guutip iluarisaanik iliorlutik taas­suman­ngalu inuunermik naas­saan­ngitsumik tunineqarumaarlutik, pil­luar­tuup­put.

Jesusip tusar­naar­taasa ilar­pas­sui isumaqar­put, soorlu ul­lumik­kut amerlasuut isumaqar­tut, iluatsitsingaar­neq inuunermilu ajun­ngequter­pas­suar­nik inuul­luataarutigin­nis­sin­naaneq inuup pil­luar­nis­saanut aalajangiisuusut. Taamaan­ngitsorli Jesusip nalun­ngilaa. Akerlia tusar­naar­taasa ilar­pas­suisa tupaal­laatigisaat eq­qar­tor­paa, oqarluni:

„Eq­qanaq ilis­si pisuususi, tup­pal­liutis­saraluarsi pereeras­siuk. Eq­qanaq ilis­si qaarsil­lar­tusi, kaalerumaaras­si. Eq­qanaq ilis­si maan­na il­lar­tusi, aliasul­lusilu qiajumaaras­si. Eq­qanaq ilis­si inuit tamarmik nersor­pasi; taamat­taaq siuaasaasa pruf­fiitioq­qusersut iliorfigaat.“

Jesusip sunaana pigaa? Sooq pisuut inuunermilu nuan­naarutigisaqarlutil­lu nersor­neqar­tut as­suarai? Taamaalior­poq inuk tamak­kunin­nga tamanik peqar­toq tamak­kunin­ngalu ilungersuutigin­nit­toq, inuunermini Guutimut kif­far­tuus­sinis­saminut — kif­far­tuus­sinermut pil­luar­nermik piviusumik kinguneqar­tumut — pif­fis­saqar­navian­ngim­mat. Akerlianil­li Jesus isumaqan­ngilaq piitsuus­sutsip, kaan­nerup aliasun­nerul­lu im­min­ni inuk pil­lualersit­taraat. Taamali pis­sutsinik iluanaar­nan­ngitsigisunik atugaqar­tut Jesusip ajoqersuineranik ilas­sin­nik­kajut­tar­put, pil­luar­nermik piviusumik pil­luaq­qusaanermik kingunilim­mik.

Nangil­luni Jesusip ajoqersuk­kani oqarfigai: „Nunap tarajoraasi.“ Soorunami tarajuiuneran­ngilai. Tarajorli aserutsaaliisar­poq. Jehovap naalaf­fiani tunisiviup eq­qaani tarajoqaqaaq, palasil­lu pil­liutit tamatumin­nga tarajuler­tar­paat.

Jesusip ajoqersugai „nunap tarajorai“ oqaluus­sisar­nerat al­lanut ataavas­sutaas­sam­mat. Tusagas­samim­mi oqaluus­sis­sutigisaan­nik ilas­sin­nit­tut tamarmik inuuneq pigiualis­savaat! Inuit taak­kua aam­ma al­lan­ngujaas­suseq, ilumuus­suseq aalajaas­suserlu, anersaak­kut ajor­tun­ngor­nis­samut ileq­qupiloqaler­nis­samul­lu ser­nis­suutaasut, pis­suserilis­savaat.

„Silarsuup qaamasoraasi,“ Jesusip ajoqersuk­kani oqarfigai. „Naneruut ikit­tarin­ngilaat nap­par­tap ataanut ilil­lugu, kisian­ni naneruuserfim­mut.“ Taamaat­tumik Jesus nangip­poq: „Taamat­taaq qaamasorsi qaamali inun­nut.“ Jesusip ajoqersugai taamaalior­put tamanut oqaluus­sinermik­kut Bibelimilu najoq­qutas­sianut naaper­tuut­tumik pis­suseqarlutik qaamasumik maligas­saanermik­kut.

Ajoqersugaanut najoqqutassiat qutsissut

Up­perisarsior­nik­kut pisor­tat Jesus Guutip inatsisaanik unioq­qutitsisutut isigaat, toqutaanis­saalu al­laat pilersaarutigaat. Taamaat­tumik Jesus qaq­qami oqaluutsimini ima nangip­poq: „Isumaqas­san­ngilasi inatsisil­luun­niit pruf­fiitil­luun­niit atorun­naarsis­sal­lugit tikiut­tunga; atorun­naarsitsiar­tun­ngilanga, naam­mas­sisitsiar­tor­punga.“

Guutip inatsisai Jesusip pingaar­teqai, al­lal­lu taamaalior­nis­saan­nik kajumis­saarlugit, oqarluni: „Inas­sutit tamak­kua min­nerit ilaan­nik atorun­naarsitsisoq inun­nil­lu taama ajoqersuisoq Qilam­miup Naalagaaf­fiani min­nermik taaneqas­saaq,“ tas­sa inuup taamaat­tup Naalagaaf­fik iserfiginavian­ngilaa.

Guutip inatsisai Jesusip asis­sun­ngilai, al­laal­li eq­qarsariaaseq tamak­kunin­nga unioq­qutitsinermik kinguneqarsin­naasoq avoq­qaaraa. Inatsisit ilaat in­nersuus­sutigaa: „Inuas­san­ngilatit.“ Nangil­lunilu oqar­poq: „Uangali oqarfigaas­si: kinaluun­niit qatan­ngum­minut patsiseqarani [kamat­tuar­toq, NV] eq­qar­tuus­sum­mik pil­lagas­saavoq.“

Tul­limut kamat­tuar­neq navianar­tuuvoq — inuar­nermim­mi kinguneqarsin­naavoq. Taamaat­tumik Jesusip as­sersuusiorluni takutip­paa eq­qis­sinis­sap anguniar­nis­saa qanoq ilungersuutigineqar­tariaqar­tigisoq. Oqar­poq: „Tunis­sutis­sat tunisivim­mi pil­liutigiar­toruk­ku, tas­sanilu eq­qaaleruit qatan­ngup­pit sumik patsiseqarfigigaatit, taava tunis­sutis­sat tunisiviup saanut qimal­lugu qatan­ngutit saam­marsariar­toq­qaaral­laak, kingor­nalu tunis­sutis­sat pil­liutigiar­toruk!“

Taavalu Jesusip inatsisit arfineq-aap­paat uparuar­paa, oqarluni: „Tusar­pusi siul­liit ima oqarfigineqarmata: ’Ar­naaneqas­san­ngilatit’.“ Al­lasior­nermul­li kuk­kusumik isumaqarfigin­nit­tuar­neq al­laat Jesusip avoq­qaaraa. „Uangali oqarfigaas­si: pileritsaal­lugu ar­namut isigisup uum­mam­migut ar­naanerereer­paa.“

Jesusip pisaa tas­saan­ngilaq kan­ngunar­tumik eq­qarsal­latsiar­neq, kisian­ni ’pileritsaal­lugu ar­namut isigiuarneq’. Kipisuitsumik taamaalioraan­ni pileris­suseq, periarfis­saqaler­pat al­lasior­nermik kinguneqarsin­naasoq, pilis­saaq. Taman­na qanoq ilil­luni pin­ngitsoor­tin­neqarsin­naava? As­sersuusioq­qil­luni Jesusip piareersimaneq an­ner­tooq pisariaqarsin­naasoq oqaatigaa: „Isivit taler­pil­liup aserorsaaq­qajar­patit, peeruk igil­lugulu, . . . As­savit taler­pil­liit aserorsaaq­qajar­patsit, kipik­kit igil­lugil­lu.“

Avatit ilaata ajoquteqar­tup peer­neqar­nis­saa amerlaner­tigut akuerineqar­tar­poq, taamaalil­luni inuuneq an­naan­neqarsin­naap­pat. Jesusil­li oqaasii naaper­torlugit eq­qarsaatit iliuutsil­lu kan­ngunar­tut pin­ngitsoor­tin­niarlugit suulluunniit peer­neqar­nis­saa pingaar­neroqaaq — isitut as­sat­tul­luun­niit pingaar­tigisorinaraluar­pal­luun­niit. Jesus nas­suiaavoq, taamaaliun­ngitsoq Gehen­namut (eq­qaavis­suarmut ikumasumut Jerusalemip avataan­nit­tumut), naas­saan­ngitsumik suujun­naarsitaanermut as­sersuutaasumut, igin­neqas­sasoq.

Jesusip aam­ma eq­qar­tor­paa ajoqusiisut narrunarsaasul­lu qanoq iliorfigineqas­sasut. „Oqarfigaas­si ajor­tuliorfigisis­sin­nut akersuuteq­qunasi,“ siun­nersuivoq. „Kisian­ni kialuun­niit ulus­sak­kut taler­pil­lik­kut [isap­patit] il­luat­taaq maniuk.“ Jesus isumaqan­ngilaq saas­sun­neqaraan­ni im­minut ilaqut­tanil­luun­niit il­lersuisariaqan­ngitsoq. Isatsinik­kut timik­kut ajoqusiinis­saq siuner­tarineqar­tan­ngilaq ajual­latsitsinis­sarli siuner­tarineqar­tarluni. Jesusip pisaa tas­saavoq toq­qaan­nar­tumik isatsinik­kut imaluun­niit kamas­saaril­luni oqaaseqar­nik­kut paanis­saq oq­qan­nisarluun­niit siuner­taralugu puf­fas­saariniar­toqar­pat akisinis­saq kuk­kusuusoq.

Tul­lermik asan­nin­nis­samik Guutip inatsisaa Jesusip in­nersuus­sutigereeramiuk nangip­poq: „Uangali oqarfigaas­si: Qin­ngarsor­tisi asaniarsigik; ilis­sin­nik in­narliisut qinugin­nit­tul­lu qin­nus­sigik.“ Taamaalior­nis­sar­put pis­sutis­saqarluar­poq, soorlu Jesusip nangil­luni takutik­kaa: „Qitor­nareq­qul­lusi Ataatas­sin­nut qilam­miusumut; taas­sumami seqer­ni ajor­tunut ajun­ngitsunul­lu nueq­qusar­paa.“

Ima oqaaq­qis­saaril­luni Jesusip oqaluutsimi ilaa taman­na naggaser­paa: „Taamaat­tumik iluarluin­naritsi, soorlu Ataatarsi qilam­miusoq iluarluin­nar­toq.“ Jesus isumaqan­ngilaq naam­mal­luin­nar­tuusariaqar­tugut, kisian­ni Guuti as­sigalugu asan­nin­ner­put an­nerulersis­sagip­put qin­ngarsor­tivut al­laat asalerlutigik. Jesusip oqaasii Lukasip ima is­suar­pai: „Nal­lit­tuigitsi, soorlut­taaq Ataatarsi nal­lit­tuisoq.“

Qinuneq Guutimullu tunaarinninneq

Oqaluutsi nangil­lugu Jesusip Guutimik mianerin­nit­tuusaarlutik malugeq­qusaar­tut ilumoor­tuusaar­niar­nerat avoq­qaaraa. Oqar­poq: „Piitsut tunisaraangak­kit siunik­kut qarlor­taq­qusis­san­ngilatit, soorlu ilumoor­tuusaar­niar­tut . . . ilior­tut.“

Nangil­lunilu oqar­poq: „Qinusaraangavil­lu ilumoor­tuusaar­niar­tutut is­san­ngilatit; taak­ku qinujumal­laaraat naalagiar­tarfin­ni il­lul­lu akor­nisa katin­nerini qeqarlutik inun­nut malugeq­qul­lutik.“ Akerlianik ima un­nersuus­sivoq: „Il­lil­li qinusaraangavit, inin­nguan­nut iserit matualu matul­lugu, Ataatal­lu iser­tor­tumiit­toq qin­nuiguuk.“ Jesus nam­mineq inuit tusaatil­lugit qinusar­poq, taamaat­tumik avoq­qaarisaa taman­naan­ngilaq. Avoq­qaarisaa tas­saavoq tusar­naar­tunit malugineqar­niaan­narluni nersor­neqar­niaan­narlunilu qinuneq.

Nangil­luni Jesus ima siun­nersuivoq: „Qinusaraangas­sili oqaatsisi Guutimik nalusutut amerlanaas­san­ngilasi.“ Jesus isumaqan­ngilaq uteqat­taarinerit im­min­ni kuk­kunerusut. Ilaan­ni nam­mineq qinutil­luni oqaatsit taak­kuusut uteqat­taarsimavai. Avoq­qaarisaali tas­saavoq oqaatsinik tul­leriiaanik alan­ngaarluni uteqat­taarineq, as­sersuutigalugu, ujam­mit qinul­luni ator­tak­kat ikior­tigalugit qinusar­nerit.

Tusar­naar­tini qinunis­saan­nik ikior­niarlugit Jesusip qin­num­mik najoq­qutas­saasumik arfineq-marlun­nik im­mik­koor­tor­talim­mik ilin­niar­tip­pai. Im­mik­koor­tut siul­liit pingasut eq­qor­tumik takutip­paat Guutip oqar­tus­saanerata siuner­taasalu eq­qaamaneqar­nis­saat qanoq pingaar­tigisoq. Guutip aq­qata il­ler­narsisin­neqar­nis­saa, naalagaaf­fiata tikiun­nis­saa piumasaatalu pinis­saa qin­nutigineqar­put. Sin­neri sisamat inum­mut nam­minermut at­tuumas­suteqar­put, tas­sa ul­lormut inuus­sutis­sat, ajor­tulianik isumak­keerfigineqar­nis­saq, ar­tuk­kamik us­ser­neqan­ngin­nis­saq ajor­tumil­lu an­naan­neqar­nis­saq.

Jesusip aam­ma nunap piinik pingaar­titsival­laar­nerup navianas­susia eq­qar­tor­paa. Ima kajumis­saarivoq: „Pequutinik nunami katersuinias­san­ngilasi, oquil­lu man­nger­tor­nerul­lu aserugas­saan­nik til­lik­kajut­tul­lu am­mar­terif­figisas­saan­nik til­ligas­saan­nil­lu.“ Naleqar­tut tamak­ku nungujasuugin­nan­ngil­lat, aam­mali Guutimit nersor­naatis­sarsif­figineqarsin­naan­ngil­lat.

Taamaat­tumik Jesus oqar­poq: „Pequutinil­li qilam­mi katersuiniaritsi.“ Taamaalior­toqarsin­naavoq Guuti inuunermi sal­liutik­kaan­ni. Taamaalil­luni Guutimit nersor­naatis­sarsisoqar­tar­poq til­lin­neqarsin­naan­ngitsumik. Jesus nangip­poq: „Uum­matis­simi pequutisi najor­tar­paat.“

Nunap piinik pingaar­titsival­laar­nerup napitif­fiusar­neranik eq­qar­tuinermini Jesus nangip­poq: „Isi timip qaam­maq­qutigaa. Taamaat­tumik isit peq­qusersuip­pat, timit tamarmi qaamasormius­saaq; isil­li ajor­pat, timit tamarmi taarmius­saaq.“ Isi peq­qis­soq timimut iluaqutaavoq soorlu qul­leq ikumasoq taar­tumi qaam­maq­qutaasar­toq. Eq­qor­tumil­li takusin­naas­sagaan­ni isi tap­pis­suusariaqar­poq, aalajangersimasoq ersaris­sumik takusin­naasariaqarlugu. Taamaan­ngip­pat, eq­qun­ngitsumik naliliisoqas­saaq, nunal­lu pii Guutimut kif­far­tuus­sinermit pingaar­nerutin­neqalerlutik, ’timip’ tamarmi taarmiuler­neranik kinguneqar­tumik.

Jesusip taman­na paasinarsisip­paa as­sersuut ersaril­luin­nar­toq man­na atorlugu: „Naalak­kanut marlun­nut inus­siaasin­naasoqan­ngilaq arlaat uumigiguniuk aap­paa asas­savaa, arlaal­luun­niit ungagiguniuk aap­paa asigin­nas­savaa. Guutilu pisuus­sutil­lu [ataatsik­kut] kif­far­torfigisin­naan­ngilasi.“

Taamaalil­luni tusar­naar­tini un­nersuuteeramigit Jesusip neriorsoq­qis­saar­pai Guutimik kif­far­tuus­sineq inuunermin­ni sal­liutik­kunik­ku timik­kut pisariaqar­titamin­nik isumakuluuteqar­tariaqas­san­ngitsut. „Tim­mis­sat qilaap ataaniit­tut isigisigik; siaruar­terinatil­lu katersuinatil­lu quinul­lu qimatulin­ngil­lat; taamaat­toq Ataatas­si qilam­miusup nerisit­tar­pai.“ Taavalu ima aperaaq: „Taak­kunan­nga pingaar­nerun­ngin­ner­pisi?“ Jesusip taava nunami naasut in­nersuus­sutigai eq­qar­torlugu ’Salomoniluun­niit naalagaanersuugaluar­toq taak­kua ilaat­tut atitin­neqan­ngitsoq’. Nangip­poq: „Nunap ivigai . . . Guutip taama atitik­kamigit, an­nerungaar­tumik ilis­si pis­san­ngin­ner­paasi, up­per­nikitsusi?“

Jesusip taava eq­qar­tuk­kani inaaruser­paa: „Taamaat­tumik isumakulus­san­ngilasi oqarlusi: ’Suna neris­savar­put?’ ’Suna imis­savar­put?’ ’Suna atis­savar­put?’ . . . Ataatas­sili qilam­miusup ilisimavaasi tamak­kunin­nga tamanik pisariaqar­tusi. Guutil­li naalagaaf­fia iluar­nerlu taas­suma pia piniaq­qaarsigik, taava tamak­ku tamaasa ilan­ngul­lugit piumaar­pasi.“

Inuunermut aqqut

Jesusip ajoqersuutaata maleruar­neratigut inuunermut aq­qut nas­saarineqarsin­naavoq. Taman­nali oqitsuun­ngilaq. As­sersuutigalugu farisæerit inun­nik al­lanik sukan­nersumik eq­qar­tuus­sigajup­put, inun­nil­lu amerlasuunit ilaar­neqar­tar­put. Taamaat­tumik Jesusip qaq­qami oqaluutsi nangik­kamiuk ima oqaaq­qis­saarivoq: „Eq­qar­tuus­sinaveeritsi eq­qar­tuun­neqaq­qunasi; eq­qar­tuus­sisigisas­sin­nim­mi eq­qar­tuun­neqarumaar­pusi.“

Farisæerit isor­nar­torsiuival­laar­tut malin­nis­saat navianar­tuuvoq. Lukasip iivangkiiliuani al­las­simasut naaper­torlugit Jesusip navianar­toq taman­na matumun­nga as­sersuup­paa: „Tap­piitsup tap­piitsoqan­ni tasiorsin­naaner­paa? Itersamut nak­kaqatigiis­san­ngin­ner­pat?“

Al­lanik isor­nar­torsiuival­laar­neq, kuk­kunerinik uparuar­tuineq nikas­saajumatual­laar­nerlu kuk­kulut­tor­neruvoq sualut­toq. Taamaat­tumik Jesus aperaaq: „Sul­lutit qatan­ngutit ima oqarfigisin­naaviuk: ’Is­siutit peeral­larlara,’ mas­salu paak­karut isin­niit­toq? Ilumoor­tuusaar­tutit! Paak­karut isin­niit­toq peeq­qaaral­laak, kingor­nalu qatan­ngup­pit is­siutaa peer­niaraluarumaar­pat.“

Ima paasisariaqan­ngilaq Jesusip ajoqersugaasa naliliisin­naas­suser­tik atus­san­ngik­kaat, oqar­pormi: „Il­ler­nar­toq qim­minut tun­niutis­san­ngilarsi, sapan­ngaris­suutisilu puulukinut nalut­tas­san­ngilasi.“ Ajoqersuutit ilumoor­tut Guutip oqaasianeersut il­ler­nar­tuup­put. Sapan­ngatut ip­put. Inuil­li ilaasa ajoqersuutit ilumoor­tut naleqaqisut tamak­ku qim­mitut puulukitul­luun­niit pingaar­tin­ngip­patigik, Jesusip ajoqersugaasa inuit taak­ku qimas­savaat inuil­lu ilas­sin­nik­kumanerusut ujar­torlugit.

Oqaluutsimini siusin­nerusuk­kut Jesusip qinuneq eq­qar­torsimavaa, maan­nali kipisuitsumik iliuuseqar­nis­sap pingaaruteqas­susia erseq­qis­sar­paa. „[Qinujuaritsi, NV],“ kajumis­saarivoq, „tunineqas­saasi taava.“ Guutip qin­nutinut tusaajumas­susia as­sersuusiaralugu Jesus aperaaq: „Inuup kialuun­niit arlas­si er­nermi timiusamik qin­nuigip­pani ujaq­qamik tunis­saner­paa? . . . Taava ilis­si naak ajor­tusi qitor­nasi tunis­sutinik ajun­ngitsunik tunisin­naagas­sigik, qanormi taava Ataatas­si Qilam­miusup ajun­ngitsunik tunisin­naatigis­savai im­minit qinusut!“

Taavalu Jesusip ileq­qus­satigut najoq­qutas­saq kingor­na tusaamasan­ngor­toq, maleruagas­samik ator­tuujuaan­nar­tumik taaneqar­tar­toq, saq­qum­miup­paa. Oqar­poq: „Taamaat­tumik inun­nut qanorluun­niit iliorfigeq­qugus­si ilis­sis­saaq taamatut iliorfigisigik.“ Tamatumin­nga maleruaanermut ilaavoq qanoq iliuuseqar­nik­kut al­lanik ajun­ngitsuliorfigin­nin­neq, iliorfigineqarumasatul­lu inun­nik al­lanik iliorfigin­nin­neq.

Inuunerup aq­qutaatigut ingerlaneq oqitsuun­ngilaq. „Iser­tarfik­kut nerukitsuk­kut iser­niaritsi,“ Jesus oqar­poq, „iser­tarfik nerutoqim­mat aq­qusinerlu sileqim­mat aserorsimaf­fim­mut sam­misoq, tas­suunalu ingerlasut amerlaqaat; iser­tarfil­li nerukip­poq, aq­qusinerlu ameqaaq inuunar­tumut sam­misoq, taas­sumin­ngalu nanisisut ikeqaat.“

Tam­mar­titaanis­samik navianaat an­ner­toqaaq. Taamaat­tumik Jesus mianersoq­qusivoq: „Pruf­fiitioq­qusersunut misis­soritsi; taak­kua savatut atisaqarlutik or­nit­tar­paasi, ilumik­kul­li amaruup­put kiisor­tut.“ Soorlumi or­piit ajun­ngitsut ajor­tul­lu inerititaan­nit ilisarineqarsin­naasut, Jesus oqar­poq, pruf­fiitioq­qusersut ileq­quinit ajoqersuutaan­nil­lu ilisarineqarsin­naap­put.

Nangil­lunilu Jesusip nas­suiar­paa inuk oqaatsini pis­sutiginagit iliuuseqarninili pis­sutigalugu im­minut ajoqersugan­ngor­tar­toq. Ilaasa Jesus Naalagarinerar­paat, taas­sumali Ataataata piumasaanik iliun­ngip­pata nalunaarfigiumaar­pai: „Ilisarin­ngisaan­nar­pas­si; qimas­singa, iluaatsuliorumatuususi-aa.“

Jesusip oqaluutsi puiunaatsumik naggaser­paa. Oqar­poq: „Kinaluun­niit oqaatsin­nik tamak­kunin­nga tusar­toq malin­nit­torlu as­sersuutis­savara angum­mut sianisuumut qaarsumi il­lulior­tumut. Sial­lersorsuan­ngormat kuus­suaqalermal­lu, anorersuil­lu pitorarlutik sakam­man­ni il­lu up­pin­ngilaq, qaarsumut tun­ngaviler­neqarami.“

Tamatuma akerlia Jesusip nalunaarutigaa: „Kinaluun­niil­li oqaatsin­nik tamak­kunin­nga tusar­toq malin­nin­ngitsorlu as­sersuun­neqas­saaq angum­mut sianiitsumut sioq­qani il­lulior­tumut. Sial­lersorsuan­ngormat kuus­suaqalermal­lu anorersuil­lu pitorarlutik sakam­man­ni il­lu up­pip­poq up­perujus­suarluni.“

Jesusip oqaluutsi naam­magu inup­pas­suit ajoqersueriaasia tupigusuutigaat, naalat­tariaqar­tutut ajoqersuim­mat, up­perisarsior­nik­kut pisor­tamis­sut pin­nani. Lukas 6:12-23; Mattæus 5:1-12; Lukas 6:24-26; Mattæus 5:13-48; 6:1-34; 26:36-45; 7:1-29; Lukas 6:27-49.

▪ Jesus tusaamasaaner­paamik oqaluus­sigami sumiip­pa? Kik­kut najuup­pat, tamatumalu siunin­nguani sumik pisoqarsimava?

▪ Oqaluutsimini eq­qar­tugaasa ilaat Lukasip al­lagaani pisuni al­lani eq­qar­tor­neqar­tarmata sooq tupaal­lan­nan­ngila?

▪ Jesusip oqaluusaa sooq taama naleqar­tigaa?

▪ Kik­kut pil­luavip­pat, sunalu pis­sutigalugu?

▪ Kik­kut Jesusip eq­qanaar­torfigai, sunalu pis­sutigalugu?

▪ Jesusip ajoqersugai „nunap tarajorai“ aam­ma „silarsuup qaamasorai“ qanoq paasisariaqar­pa?

▪ Jesusip qanoq ilil­luni Guutip inatsisai ataq­qingaar­pai?

▪ Inuar­nermut al­lasior­nermul­lu pis­sutis­sat peer­neqar­nis­saat pil­lugu Jesus qanoq un­nersuus­siva?

▪ Ulus­sat il­luata maninis­saa qanoq paasisariaqar­pa?

▪ Qanoq ilil­luta Guutisut iluarluin­narsin­naavugut?

▪ Qinuneq pil­lugu Jesus qanoq ajoqersuia?

▪ Sooq pequutit qilam­miit­tut al­lanit tamanit naleqangaar­nerup­pat, qanorlu ilil­luni tamak­kunin­nga katersuisoqar­tar­pa?

▪ As­sersuutit suut ikiorsin­naavaatigut nunap piinik pingaar­titsival­laalin­ngin­nis­satsin­nik?

▪ Sooq Jesus oqar­pa isumakulut­tariaqan­ngitsugut?

▪ Al­lanik eq­qar­tuus­sineq pil­lugu Jesus qanoq oqar­pa, taamaat­torli ajoqersugaasa inuit al­lat eq­qarsaatigalugit naliliisin­naas­suseqar­tariaqar­nerat qanoq ersersip­paa?

▪ Qinuneq pil­lugu Jesus nangil­luni qanoq oqaaseqar­pa, maleruagas­sarlu suna eq­qar­tor­paa?

▪ Jesusip qanoq takutip­paa inuunermut aq­qutip ingerlaviginis­saa oqitsuun­ngitsoq tam­mar­titaanis­samil­lu navianaateqarluni?

▪ Qanoq Jesusip oqaluutsi naggaser­paa, qanorlu sun­niuteqar­pa?